رواية صغيرة الرعد الفصل الثالث 3 - بقلم رنا احمد عماد

معاذ بص بصدمة عليها. "انتي بتقولي إيه؟ "هحكيلك على كل حاجة." معاذ مسك إيدها ونزلها وركبوا العربية وراحوا مكان هادي. "احكي." Flash back. لما رودينا دخل عندها حد. "مستر هشام." "آه يا حبيبتي أنا." "انت عايز إيه؟ "كل خير، كل الحكاية إنك مثالية وجميلة، فبصراحة واحد صاحبي كبير شوية شافك وعايزك. وأنا سلمتك له. سلام أنا بقى." رودينا عيطت جامد لحد ما جت رجالة كتير وخدوها على مكان تاني. "اوعوووا سيبوني." "هشششش بس كفاية صداع."

قرب منها. "أنا مختار، وبصراحة عجبتيني، واديت رشوة لهشام عشان آخدك. اممم أقولك انتي هتكوني رقاصة كباريه، وحلاوتك دي هتجيب ناس كتير أوي." رودينا كانت خايفة وبتعيط. "بصي ياحلوة انتي ياما توافقي ياما... (قرب وهمس في ودنها) "... ياما تدعي لامك بالرحمة ياحلوة." "انت زبالة." ضربها بالقلم، وقعت على الأرض وبعدها مشي. وهي فضلت تعيط. فضلت يومين محبوسة، رافضة اللي هو قاله، لحد ما دخل عليها وهو بيبتسم.

"أمك دلوقتي بين الحياة والموت، تحبي تعملي العملية ولا البقاء لله؟ رودينا فضلت تعيط ووافقت. بس بعدها بشهر مامتها توفت بسبب زعلها على بنتها. Back. "هو ده اللي حصل، أهو ربنا جابلك حقكم." "بس اسكتي، وممشيتيش لي؟ "لأنه مكنش فيه مكان أروحه تاني، وكان هيجبني تاني بردو." "مجيتليش لي؟ كنتي مفكرة إني مش هساعدك؟ "أهو اللي حصل، أنا كنت جايه أقولك بس، بعد كده همشي." "طيب تعالي أوصلكم." مشوا ووصلها البيت.

تاني يوم بليل كانت خارجة لقت معاذ في وشها. "رايحة فين؟ "هكون رايحة فين يعني، رايحة شغلي." "طب اطلعي على بيتك، مفيش شغل من النهاردة." "يعني؟ "يعني اتقبض عليه علشان كان عليه أحكام تانية، وأهو خلصنا منه، وطفيت ناري منه الصراحة يعني، دلوقتي بقيتي حرة." رودينا بصتله بإمتنان. "شكرا ليك يا مستر." "مستر إيه بقا، قوليلي معاذ عادي يعني." رودينا ضحكت وبصتله بإمتنان. "أسفة على اللي عملته معاك زمان." "هو انتي بقا كنتي بتقولي إيه؟

كان بيتكلم وهو بيقرب. "ها؟ أنا؟ "آه افتكرت، كنتي طالبة أتزوجك عرفي مش كده؟ "انت... أنا همشي بقا، سلام." معاذ مسكها من وسطها وقربها ليه. "طب مانخليه رسمي وإجباري؟ "انت... أنا بص بص افهم." "بيعجبني توترك والطماطم اللي في خدودك." "بطل قلة أدب بقا، اللهم." "طب بحبك تتجوزيني." "ها؟ "ماتيجي نروح للمأذون وأقولك أنا بحبك قد إيه." "باين في عينك من غير ما تقول، يلا عوضنا على الله، أنا كمان بحبك يامعاذي."