رواية صغيرة ارهقت رجولتي الفصل الحادي والعشرون 21 - بقلم بسملة بدوي

صهيب طلع لقا روز نايمه على السرير. لسا هيقرب منها بس عرف إنها صاحية بس بتمثّل النوم. ابتسم بخبث. طلع فونه ودار ضهره. "الو أيوه يحبيبتي." متكملش الجملة ولقى الفون على الأرض متكسر مليون حتة. صهيب بغضب مصطنع: "إيه اللي عملتيه ده؟ انتي قده؟ روز بغيرة: "أيوه قده ونص يا صهيب." صهيب بخبث وسخرية: "إيه ده صهيب كده؟ أومال أبيه إيه دي؟ وبعدين انتي مش قد كلامك يا قطة، قال قده ونص قال." روز بغضب: "صهيييب انت رايح فين؟

صهيب بخبث: "خارج، وبعدين انتي مالك أصلاً؟ روز بصوت عااالي: "لياا أنا مراتك ماشي، وبعدين انت كنت بتكلم مين على الفون؟ صهيب بسخرية: "الوقتِ مراتك؟ أومال إيه اللي كل شوية على ورق على ورق دي؟ هو فعلاً طالما على ورق يبقى ملكيش الحق تعرفي أنا رايح فين ومتدخليش فيه." ولسا رايح يمشي. روز مسكت إيده جامد: "صهيب أنا مستحيل أسيبك تخرج، أي عايز تروح لها هااا؟ صهيب بخبث: "أيوه عايز أروح لها، على الأقل بتسمع كلمتي مش عنيدة زيك."

وشد إيده ومشى. روز بدموع قعدت على السرير وخبت وشها بإيدها. "صهيب مش تسيبني، أنا بحبك انت أماني، أنا بحبك أوي مش تسيبني زيهم." فجأة وحست بإيد على شعرها. رفعت وشها بفرحة. "صهيب؟ صهيب بحنان: "أيوه صهيب." "كنت عارفة إنك مش هتسيبني. اهي اهي. مين دي يصهيب اللي كنت بتكلمها؟ صهيب بضحك: "يا هبلة ماكنش في حد، أنا بس كنت بشوف رد فعلك." روز بغضب طفولي: "يا بارد! وضربته ضربة خفيفة على صدره. صهيب بخبث: "آه." روز بخوف: "إيه مالك؟

وجعتك أوي؟ صهيب بتمثيل: "جداً." وحط إيدها مكان الضربة وقال: "كده خفت خالص." روز بغيظ: "يابارد خضتني عليك." صهيب بخبث: "سلمتك من الخضة يقلبي. بقولك إيه؟ ما تيجي أقولك كلمة سر." وغمز. روز بخجل: "لا ابعد." صهيب بعبث: "ابعد إيه بس تعالي." وغاصوا في بحور عشقهم. في الجهه الاخري. الأم: "يا ملك اخلصي اتأخرتي على الشغل." ملك: "يا ماما خلاص أهو خلصت." الأم: "بسم الله ماشاء الله يا حبيبتي قمر 14."

ملك: "حبيبتي يا مامتي، هامشي أنا بقا بسرعة عشان اتأخرت." الأم باستغراب: "إيه ده؟ أومال فين مي؟ مش المفروض تكون معاكي في يوم زي ده؟ غريبة ده انتوا أكتر من أخوات مش أصحاب بس." مي في نفسها: "أومال لو عرفتني اللي عملته فيا يا ماما؟ هه أخوات؟ ههه أهي أخدت خطيبي مني هه. الحمدلله إني مش قوللتلك انتي مش ناقصة تعب." ملك: "مااالك روحتِ فين؟

"احم أنا معاكي يا ماما أهو معلش سرحت شوية. احم تلاقيها مشغولة شوية يا ماما. هامشي أنا بقا." "مع السلامة يا بنتي ربنا يوقفلك ولاد الحلال ويجعلك في كل خطوة سلامة يا بنت بطني." نزلت ركبت تاكسي للمستشفى الجديدة. دخلت وهي مبهورة بشكل المستشفى الكبيرة. راحت للاستقبال: "احم لو سمحتي أنا الدكتورة ملك عبد الرحمن فين مكتب المدير؟ "تمام يا دكتورة اركبي الإسانسير للدور الـ 10 أول أوضة على إيدك اليمين." "تمام شكراً."

وطلعت على السلالم عشان بتخاف من الإسانسير. طلعت وهي بتنهج من تعب السلالم وخبطت على الباب. سمعت صوت رجولي مميز: "اتفضل." "احم حضرتك أنا الدكتورة ملك عبد الرحمن و... رفع وشه من الأوراق اللي قدامه. زيدان بصدمة: "انتي؟ "انت! ملك في نفسها: "يلهوي ده طلع الظبوطة اللي ضربته بالألم؟ يلهوي عليا و... عند روز صحيت من النوم على لمسات صهيب الحنونة على وشها. صهيب بحب: "صباح الفل والياسمين على وردة حياتي."

روز بخجل: "صباح النور يا حبيبي." صهيب بمشاكسة: "إيه القمر ده؟ أول مرة أشوف القمر بيطلع الصبح كده." روز بكسوف: "صهيب بقا الله." صهيب لسا هيتكلم قاطعه الفون اللي مش مبطل رن. روز: "رد على الفون ليكون حاجة مهمة." صهيب: "لأ." روز: "رد بس." صهيب بغيظ: "مين الغلس اللي بيرن ده؟ ورد وقال بعصبية: "إيه مش قولت مش عايز مكالمات؟ "********" صهيب بشر: "نهار أبوكم أسود بتقول إيه؟