رواية صغيرة ارهقت رجولتي الفصل السادس عشر 16 - بقلم بسملة بدوي

وفجأة الباب اتفتح. روز بخوف: صهيب. صهيب اتعصب جامد وهو شايف محمود واقف وزراير قميصه مفتوحة، راح مسكه من رقبته وبيخ'نق فيه. محمود بيحاول يبعده ويزقه، مش عارف، جسد صهيب يفوق جسده بمراحل. روز بخوف: صهيب صهيب ابعد عنه صهيب. محمود أخد نفسه بصعوبة، وينهج جامد، وبعدين قال بخبث: خايفة عليا يا روزي؟ صهيب بغضب جحيمي: آه يا بن الـ*****، ولسه هيروحله. محمود زقه وقال بصوت عالي: هي بتحبني أنا. وبعدين هو حابب قربي منها؟

ولا مكنتش فتحتلي الباب؟ ومشى بسرعة. روز بدموع: لا والله يصهيب كذاب. صهيب: اسكتي. روز: اوعى تكون صدقته. صهيب: اسكتي قولت يا روز، اسكتي! إيه ما بتفهميش؟ أما أقولك اسكتي تسكتي، فااااهمة؟ فـ فاهمة. طلع فونه: الو... الكلب اللي اسمه محمود ده تجبهولي المخزن، وظبطوه لما أجيه. وقفل السكة. صهيب مسح على وشه بعصبية، أما لقاها قاعدة بتعيط. روز: متكلمنيش، أنا مخصمالك. صهيب: لو سمحت، روز قومي اقفي. كانت هترفض، بس خافت من نظراته.

صهيب: تعالي اقعدي. وبيشاور على رجله ومش عايز اعتراض. اقعدي من سكات. قعدت، وصهيب مد إيده وجاب الأكل اللي جنبه على الطربيزة. صهيب: افتحي بوءك يلا. روز: مش عايزة آكل. صهيب: روز، أنا مش هتعصب عليكي. أنا ماسك أعصابي عنك بالعافية. اسمعي كلام، مش عايز أسمع كلمة لا. حاضر وطيب، بس فااااهمة؟ فـ فاهمة. صهيب: يلا البسي عشان مستحيل نقعد هنا ثانية واحدة. روز: صهيب أرجوك لا، إحنا لسه جايين من شوية، أرجوك خلينا شوية كمان. صهيب بص

لها كتير وقال بنفاذ صبر: ماشي. روز بفرحة وطفولة: أحلى صهيب في العالم. وباساته من خده بسرعة، ولسا راحة تمشي، مسكها من خصرها وقربها منه جامد وقال بصوت لاهث قريب من ودانها: انتي قد اللي عملتيه ده؟ روز: ها؟ صهيب: ها إيه؟ بسألك، انتي قد اللي انتي عملتيه ده؟ روز: صصصهيب. صهيب: بلا صهيب بلا بتاع، انتي خليتي فيها صهيب. قومي قومي ياشيخة، هتعملي فيا إيه أكتر من كده؟ جننتيني. روز: صهيب، هو هبدأ الدراسة امتى في الجامعة؟

صهيب: بكرة بإذن الله، بس مفيش حاجة ليا كده تصبيرة؟ وغمز بمشاكسة. صهيب: بطل بقا. وبعدين إنت إيه قليل الأدب كده على طول؟ روز: أنا قليل الأدب؟ صهيب: آآآيوه. صهيب: امممم، طب ما تيجي أوريكي قلة الأدب على أصولها. فجأة قالت بصريخ: صهيييييب! آآه بطني، بطني يصهيييب بتوجعني أوي! آآآه! صهيب بخوف: في إيه مالك؟ روز: بطني بتوجعني أوي! آآآه! صهيب: طب طب تعالي. واشتالها بسرعة للمستشفى. صهيب: دكتورة دكتورة بسرعة!

الدكتور لسه هياخدها منه، ومسكه من تلابيب قميصه بغضب وقال: دكتووورة، غور من وشي! جت دكتورة بسرعة وأخدوها. بعد شوية خرجت. صهيب بخوف: هااا، إيه أخبارها؟ طمنيني يا دكتورة. الدكتورة: مبروك، المدام حامل. صهيب: حامل؟ قالها بفرحة وجري فتح الباب بسرعة، وأخد روز في حضنه وقال: انتي حامل؟ حامل مني؟ فـ في هنا طفل بيجمعنا ببعض أكتر. روز بفرحة: بجد يا صهيب؟ هبقى مامي؟ أنا فرحانة أوي.

صهيب بحب: أنا اللي الدنيا مش سيعاني، مش مصدق إنك حامل. وشدد من احتضانها. صهيب: يالا قومي عشان نرجع القصر. روز: بس أنا عايزة أروح بيتنا. صهيب: هنروح تاني، بس انتي عايزة راحة تامة عشان البيبي، يالا. روز: حاضر. الجد بفرحة: بجد يا ولاد؟ عشت وشفت اليوم اللي أشيل ولاد حفيدي. يارب احمدك وأشكرك يا رب. وبعدين قال بفرحة: ده هو اللي هيبقى ولي العهد. يالا يا حبيبتي اطلعي ارتاحي. روز: حاضر يا جدي. نانسي بغل: حامل؟

حامل إزاي يا مامي؟ لا يا مامي، صهيب مش هيكون لحد غيري، هو ولا فلوسي. نازلي بغضب: البت دي من أول ما شوفتها وأنا قولتلك إنها خطر علينا. أهو هتجيب ولي العهد وهتبقى هي الكل في الكل، وست القصر ده، وهتتحكم فينا. نانسي بخوف: طب هنعمل إيه؟ أنا مستحيل أخليها تنتصر عليا. نازلي: البت دي عايزة قرصت ودن جامدة. نانسي: عندي فكرة يا مامي، اسمعي... نازلي: حلوة!

أهو كده هنكون خلصنا منها ومن اللي جاي في السكة. وكده كده اللوم هييجي عليها، ويتهموها بالإهمال. أهو ولا من شاف ولا من دري. هههههه. نانسي بحب مزيف: روز، انزلي كلمي صهيب، عايزك تحت هو وجدو. روز بتوتر: بس صهيب قالي ما أتحرك. نانسي: معرفش، بس هو قالي الوقتي أنده لك. روز: حاضر يا نانسي، شكراً إنك قولتيلي. نانسي: بالعفو. تحبي أساعدك؟ روز: لا يا حبيبتي، تسلمي.

نانسي بصتلها بخبث، وروز لسه نازلة من على السلم، قامت شدت السجادة اللي تحتها بسرعة. روز بصراخ وهي بتقع من على السلم: صهيييييييييييب! آآآآه!