رواية صغيرت النمر الفصل التاسع 9 - بقلم ملك عبد الحميد

ورد بدموع: يا سيدي، أنا مسامحة، بس عشان خاطري بلاش تكسرها. أنت على فكرة بتحبها. مراد بحزن: للأسف بحبها، بس كنت عايز أعلمها درس. وبعدين هتجوزها تاني قدام الناس، بس مش بسرعة كده. وفجأة الباب خبط جامد، ومراد راح يشوف مين. لقى حازم. حازم بعصبية: ورد فين؟ مراد بهدوء: اهدى يا حازم بيه، أنا مراد خطيب تغريد، وورد زي أختي الصغيرة. تغريد بتوتر: ورد فين يا مراد؟ مراد ببرود: جوه، أنا أكيد مش هأذيها يعني. اتفضلوا. ودخلوا،

وحازم راح ناحية ورد وقال: ورد، أنتِ ليه جيتي هنا لوحدك؟ ورد بتوتر: آسفة والله، بس هقولك بعدين. حازم بهدوء: تمام. وبص لمراد وقال: عن إذنك يا أستاذ مراد، أنا وورد لازم نمشي. مراد: اتفضلوا، مع إنكم ملحقتوش تقعدوا. بس ملحوق، ابقى نورونا مرة تانية. حازم: إن شاء الله. يلا يا ورد. ومشوا. وتغريد قالت بتوتر: أنا ماشية. مراد ببرود: استني. تغريد بخوف: نعم؟ مراد ببرود: بتضحكي على ورد بكلامك صح؟

تغريد بدموع: والله العظيم عرفت غلطي، وأنا آسفة يا مراد. مراد ببرود: أسفك ده أعمل بيه إيه؟ وبعدين أنتِ دمرتي حياة ورد. يا شيخة منك لله، غوري من وشي. وتغريد خرجت من البيت وهي بتعيط، ومراد كان من جوه مضايق. تغريد كانت صعبة عليه قوي، بس قال لنفسه: هي لازم تدوق من اللي ورد شافته. عند حازم. وصل هو وورد البيت، وطلعوا الأوضة بتاعتهم. حازم بهدوء: ممكن أعرف روحتي للي اسمه مراد ده ليه؟

ورد بكذب: احم، هو وتغريد اتخانقوا وكده، وتغريد كانت مضايقة عشان كده كلمتني وقالتلي، فروحت لأبيه مراد أصلحهم على بعض بس. حازم بهدوء: تمام يا ورد. بس من هنا ورايح متخبيش عليا حاجة، ولا تروحي لحد لوحدك من غير ما تقوليلي. ورد بابتسامة: حاضر، أوعدك. أنا بصراحة مش جايلي نوم، والفجر فاضل ساعة ويأذن. تيجي نتكلم شوية؟ حازم بابتسامة: ماشي يا وردتي. ها؟ عايزة تتكلمي في إيه؟ ورد بحمحمة: احم، هروح أغير وأجي، وأنت كمان.

حازم بضحك: اشطا، ماشي. ورد دخلت الحمام تغير هدومها، لبست بجامة رقيقة خالص عليها، وفردت شعرها، وكانت قمر. وخرجت لقت حازم واقف مستنيها، واتصدم لما شافها كده، وهي اتكسفت. حازم بابتسامة: إيه القمر ده كله يا وردتي؟ ورد بتوتر: شكراً. حازم باستغراب: مالك؟ اتوترتي ليه؟ ورد بخوف: مفيش. حازم قرب منها وخدها في حضنه وقال بحنية: مش قولنا بلاش توتر وخوف يا ورد؟ ورد بدموع وبرأة: والله غصب عني، أنا أنا... حازم

بحنية وهو بيضمها أكتر: هشش، أهدي. والله العظيم عمري ما هأذيكي تاني، بس مش عايز أشوفك كده، ومش عايزك تخافي مني. ورد ببرأة: حاضر، والله هحاول. حازم بابتسامة: طب كنتي عايزة تتكلمي في إيه يا وردتي؟ ورد ببرأة وكسوف: احكيلي عنك. أظن عرفت عني كل حاجة لما قرأت مذاكرتي. حازم بابتسامة: طيب، أنا لسه معرفش عنك كل حاجة. ورد ببرأة: إزاي؟ حازم: يعني مثلاً، بتحبي تاكلي إيه؟ تشربي إيه؟ تلعبي إيه؟

ورد بابتسامة: بحب الشوكولاتة أوي، وبحب البيتزا والكريب والهوت شوكلت. وبحب ألعب إيه؟ بحب الموسيقى أوي، وبحب أغني أوي، وبحب أتفرج على كرتون روبانزل وسنو وايت أوي. حازم بضحك: طفلة والله. كرتون يا ورد؟ ورد بتزمير طفولي: اممممم. عارفة. حازم ضحك، وورد سرحت في ضحكته. أول مرة تلاحظ إن هو مز كده، وعيونه ملونة وعضلات، وقمر بصراحة. ورد بسرحان: أمور أوي. حازم بخبث: مين ده؟ ورد فاقت وقالت بسرعة: هااا؟

لا، آه، احم احم، قولت كده غصب عني. حازم بضحك: خلاص، أهدي. ورد بفضول: ممكن تحكيلي عنك شوية؟ حازم بابتسامة: حاجة؟ بصي، أنا حازم محمد النمر، عندي 30 سنة، كنت متخرج من كلية هندسة وماسك الشركة وكده. ورد بخوف: طب أنت كنت متجوز قبلي؟ حازم بكذب: أيوه، ومحصلش نصيب واتطلقنا. ورد بشك: تمام. والفجر أذن. ورد بابتسامة: يلا نصلي. حازم بابتسامة: يلا. وورد وحازم اتوضوا وصلوا، وبعدين ناموا. صباح يوم جديد، تشرق الشمس على وجوه أبطالنا.

في غرفة حازم. صحت ورد، ودخلت اتوضت وصّلت الضحى، وبعدين نزلت تشوف سها وفاطمة ومحمد. لقتهم قاعدين، قالت بابتسامة: السلام عليكم. الكل بابتسامة: وعليكم السلام ورحمة الله وبركاته. ورد بابتسامة: صباح الخير. عاملين إيه؟ الكل بابتسامة: صباح النور. الحمد لله كويسين. سها بابتسامة: كنت لسه هطلع أصحيكوا. روحي بقا صحي حازم عشان الفطار جهز يا ورد يا حبيبي. محمد بخوف: حازم عامل معاكي إيه يا حبيبي؟

ورد بابتسامة: الحمد لله كويس والله. حاسة إنه اتغير كتير عن الأول. ربنا يهدي يا رب ويفضل كده على طول. فاطمة بابتسامة: إن شاء الله. ولو عملك حاجة تعالي قوليلي، وأنا هتصرف معاه. ورد بابتسامة: حاضر يا تيته. عن إذنكم، هروح أصحّي حازم. وورد طلعت تصحّي حازم، لقت حازم صحي. ورد بابتسامة: صباح الخير. كنت جاية أصحيك عشان ماما سها قالتلي إن الفطار جهز. حازم بابتسامة: صباح القمر على عيونك يا وردتي. حاضر، يلا ننزل. ورد بكسوف: يلا.

ونزلوا على السفرة. فارس بمزح: يااااا، عاش من شافك يا زومي. حازم بضحك: بس ياض اسكت. فارس: آسفين يا باشا، عرفنا على القمر دي. حازم بغيره: بس يروح أمك، لم نفسك. احم، لم مؤاخذة يا أمي. وسها حاولت تكتم ضحكتها وقالت: ولا يهمك يا حبيبي. فارس: آه، دي ورد صح؟ عمال أسمع عنها ومشفتهاش. ازيك يا مدام ورد؟ أنا فارس أخو الواد ده. ورد بابتسامة: تشرفنا يا أستاذ فارس. أنا الحمد لله كويسة. نورهان قالت: يالهوي، أنا شايفاك قاعد يعني.

ورد بضحك: لا، ده أنتِ حبيبتي يا نونو. غرام بغيظ: وأنا مركونة على الرف. ورد بضحك: وأنتِ قلبي يا غرام. الكل قعد يضحك عليهم. عند وليد. إيه: أنا هروح أصحّي وليد وروميساء وأقولهم إن الفطار جهز. سيلا بخبث: تصحيهم وأنا موجودة؟ ده حتى عيب، ميصحش. وبعدين سيلا قالت بصوت عالي وجنون: ولييييييد! الحقني! حرييييييييييييق! الله يخربيتك يسيلا! وليد قام مفزوع هو وروميساء وجريوا على بره. وليد بصدمة: وحياة أمك لتموتي النهارده!

فين الشبشب؟ فين؟ سيلا وهي بتستخبي ورا إيه: ده الحق عليا إني صحيتكم. روميساء بتنهد: حرام عليكي يسيلا، والله قمت مفزوعة. سيلا بتمثيل الحزن: أنا غلطانة إني صحيتكم. مس هصحيكوا تاني. هه. وليد بنفاذ صبر وهو بيحدف سيلا بشبشب: يا صبر أيوب! والله أنا خلاص، أنا جالي نقطة. محدش ياخدك ويديني مكانك. مروحة أو تكييف. روميساء ضحكت هي وإيه. سيلا بغيظ: إن شاء الله عريسي هيجي قريب. وعملت كده. وليد حدفها بفردة الشبشب التانية.

بعد مرور ساعتين. عند غرام في الجامعة. غرام راحت لجاسر عشان تديله المحاضرة. جاسر بابتسامة: شكراً يا غرام. غرام بابتسامة: لا، مفيش شكر في الجامعة. ودكتور حمزة شاف غرام كده، راح ناحيتها وقال ببرود: حضرتك دي جامعة محترمة، ومينفعش فيها الكلام ده. غرام بصدمة: أيوه، بس أنا معملتش... قاطعها حمزة ببرود: من غير كلام كتير. تمام. وحمزة مشي. غرام عينيها دمعت غصب عنها، وجاسر قال: معلش، متزعليش. هو فهم غلط. غرام حاولت

تمسك نفسها وقالت بجمود: تمام، عادي. عن إذنك. وغرام مشيت بسرعة. ولقت روميساء جات وقربت منها وقالت بخضة: مالك يا غرام؟ في إيه؟ غرام بدموع حكت لروميساء اللي حصل، وقالت: شوفتي؟ أنا مضايقة أوي بجد. وهو فهم غلط، ومدانيش فرصة أدافع عن نفسي. روميساء: معلشي يا حبيبي، متزعليش. هو دكتور حمزة كده، بارد برود التلج. أنا هقوله. غرام بخوف: لا لا لا، متقولهوش خلاص. اللي حصل حصل. روميساء باستغراب: ليه طيب؟

غرام بخوف: خايفة يستي. متقوليش وخلاص. اللي حصل حصل. روميساء بعدم فهم: طيب، ماشي. براحتك. عند فارس في الجامعة بتاعته. فارس بمزح: مسا مسا على العيون الكويسة. وليد بيأس: ينهار ألوان! اتعديت من سيلا يا فارس يا ابني. الضهر هيأذن. مسا مسا على دماغك يا برنس. فارس بضحك: هههههههه. خلاص يعم، سيبك من الكلام ده. نتكلم جد شوية. بعد ما نتخرج إن شاء الله، هاجي أتقدم لسيلا. وكويس إنها مش موجودة. قولت إيه يا معلم؟

وليد: والله يا فارس، ده رأي سيلا. وبعدين أنا مش هلقي حد أحسن منك أطمن على أختي معاه. فارس: يبقى اتفقنا يا كبير. وليد بابتسامة: اتفقنا يا اسطا. بعد التخرج إن شاء الله. عند نورهان. نورهان كانت قاعدة في المكتبة زي عادتها، وجات خديجة وقربت عليها وقالت بابتسامة: السلام عليكم. ازيك يا نورهان؟ عاملة إيه؟ نورهان بابتسامة: وعليكم السلام ورحمة الله وبركاته. الحمد لله يا ديجة. عاملة إيه يا روحي؟

خديجة بابتسامة: الحمد لله يا حبيبتي. كنت عايزة أقولك حاجة. نورهان بابتسامة: قولي يا قلبي. خديجة بتردد: أنتِ تعرفي حد اسمه مازن السيوفي؟ نورهان بصدمة... عند حازم في الشركة. حازم لمازن: هااا؟ كلمت أسر ولا لسه؟ مازن: أيوه، كلمته. وهييجي النهارده كمان شوية كده. حازم: بقولك، اندهلي لين كده. مازن: ماشي. ومازن راح ينده لين. مازن: لين، حازم عايزك. لين: حاضر يا فندم. ولين راحت مع مازن.

حازم: بصي يا لين، في ظابط اسمه أسر هييجي النهارده. عايزك تديله كل المعلومات اللي عرفتيها عن منصور.