رواية صغيرتي الجميلة الفصل الخامس 5 - بقلم مرام محمد

معتز: تقى استني. تقى: هاجر روحي انتي وأنا هاجي وراكي. هاجر: لأ، هستنى معاكي. تقى: روحي بقى. تقى لمعتز: إيه اللي بتعملوه دا؟ إحنا في الكلية يا معتز. معتز: عايزاني أعمل إيه؟ وإنتي دافعتي عنه هو يا تقى؟ تقى: ده الطبيعي إني أدافع عنه. معتز بحزن: طب وأنا يا تقى؟ تقى: إنت أخو صاحبتي وبسمع.. معتز: إنتي بتحبي الواد ده؟ تقى: أولاً، هو مش ولد، هو راجل، وسيد الرجالة. ثانياً، آه بحبه يا معتز..

لسه مكملتش وزين جه من وراها، حط إيده على كتفها ووقف بهدوء. زين: أهي قالتلك بتحبه.. مش عايز أشوف وشك هنا تاني بقى. ولسه هيمسكوا يتخانقوا. تقى بصت لزين برجاء: نبي يا زين، خناقة هنا تاني لا، عشان خاطري، وحياتي عندك. وبعده. معتز أخد عربيته بعصبية ومشي. زين: يلا. تقى: عايزة أحضر يا زين. زين: يلا يا تقى، هتمشي معايا. تقى: طب بس.. زين: قولت يلا. تقى: يوووه بقى. ركبت العربية وهي ساكتة. تقى بعصبية: إنت عرفت إزاي أصلًا؟

إنت مش كنت في الشغل؟ زين: سبت الشغل أول ما إنتي نزلتي من البيت، عشان ببساطة عيل زي ده عارف إنه هيعمل حركة زي دي. تقى صوتها علي: طب ما أنا رديت وخلصنا. لازم أروح البيت يعني. زين بص لها: ..صوتك. تقى نزلت عيونها بخوف وبصت الناحية التانية. تقى في نفسها: يخربيت بصتك. وقفت قلبي. ده صوتي بس عالي. زين: آه، لازم. وبعدين مين قالك إنك مروحة؟ تقى: أومال هنروح فين يعني؟ زين بص على عصبيتها وابتسم ابتسامة خفيفة.

تقى بصوت واطي: بارد. زين: سمعتك، وفكرا. ومش هقولك برضوا. ياترى هيوديها فين؟