رواية صغيرتي الجميلة الفصل الرابع 4 - بقلم مرام محمد

نزلت عيونها وراحت ركبت العربية من غير كلام. زين ركب وراها ورجعوا البيت من غير ما حد فيهم ينطق حرف. أول ما وصلوا، تقي نزلت على طول وطلعت أوضتها. غيرت هدومها وهي بتفكر في كلام زين. هي مش عارفة هي بتحبه ولا إيه، مش عارفة هي شايفاه إيه. سارة وهي بتهزها: تقي. تقي: أها. سارة: أها إيه؟ حصل إيه؟ مالك؟ تقي: مفيش، سيبني أنام شوية. سارة غطتها ونزلت. تقي كانت تعبانة خالص ونامت على طول.

زين نفس الكلام، طلع من غير ما حد يشوفه وغير ونام لأنه له يومين ما نامش. محدش فيهم اتسحر. تاني يوم، تقي صحيت من النوم بكسل. افتكرت كل حاجة حصلت امبارح، وأول ما جت جملة زين وهو بيقولها إنه بيحبها، ضحكت وخبّت وشها في المخدة. سارة دخلت عليها: مالك ي هبلة إنتِ؟ تقي: هو حرام الواحد ياخد راحته في البيت ده؟ سارة: هو زين تحت؟ تقي: زين في سابع نومة من امبارح، معرفش انتوا الاتنين شربتوا منوم امبارح ولا إيه.

سارة بخبث: لما لاقت تقي ضحكت.. حصل إيه ها ها؟ احكيلي ي تقي. تقي بجدية مزيفة: محصلش حاجة، أوعي كدا. وقامت غسلت وشها وصلت ولبست ونزلت. تقي في نفسها: ياترى صحي؟ طب لو شفته هعمل إيه؟ طب هقول إيه؟ نزلت وقعدت تلعب مع مروان وكل شوية تبص على السلم تشوف زين نزل ولا لسه. تقي: أخوك منزلش ليه؟ ها ها. وبتضرب مروان هزار. مروان بصوت عالي: اصحى لك ي تقي. تقي حطت إيدها على بقه: اسكت هتفضحنا، اسكت. بتبص لاقت زين فوق راسها. تقي:

رجعت تبص على مروان لقتو جري. زين بص لها: أنا أخوكي وصحيت أهو. تقي: ها. زين: غمز لها ومشي. تقي: هو ازاي قمر كدا وهو لسه صاحي؟ أنا ازاي ما كنتش واخدة بالي؟ يخربيت حلاوتك وعيونك النعسانة ديييي. اللهم إني صائم يارب. زين طلع الجنينة برا عند مامته وقالها إنه رايح الشغل ومش هيتأخر. تقي طلعت وراه، لقتو مشي. نفت بضيق. تقي لسماح أم زين: هو راح فين؟ سماح: لي الاهتمام ده؟ تقي: قوليلي بس.

سماح: الشركة ي تقي. إلا قوليلي لمعة الحب اللي في عينك دي؟ تقي ضحكت بعدين دارت ضحكتها، واتكلمت بجد: حب حب إيه؟ أنا هروح البس عشان اتأخرت على الكلية. تقي طلعت وهي بتغني. لبست وبتلبس الشنطة، لاقت زين رن. تقي اتوترت بعدين قالت لنفسها: عادي ي تقي، دي زين. ردي. تقي بهدوء: ألو. زين: طيب خلي بالك من نفسك، وبعد ما تخلصي رني عليا عشان آجي آخدك. تقي: منا هاجي أنا وهاجر زي كل يوم. زين: تقيييي!! خلصي ورني عليا فاهمة؟

تقي: فاااهمة. وقفل. تقي بعصبية بتقلدو: خلصي ورني عليا فاااهمة؟ كل شوية تقييييي تقييييي. زعق زعق، متسلط بس قمر. يخربيتك. نزلت تحت، هاجر كانت مستنياها لأن بيتهم جنب بعض. هاجر: إيه ي هانم؟ هنروح الكلية العصر ولا إيه؟ تقي شدتها ومشوا. وهم في الطريق، وتقى بتحكيلها. قبل ما يدخلوا باب الكلية، عربية وقفت قدامهم ونزل منها معتز. تقي أخدت هاجر ولسه هيمشوا. معتز: تقي...