رواية صغيرتي الجميلة الفصل الثالث 3 - بقلم مرام محمد

تلفون زين رن. مش هيعرف يفتح وهو سايق. شاور لتقي تفتح. تقي فتحته وفتحت الاسبيكر. الشخص: زين بيه، كل حاجة تمام. السكرتيرة أقنعت المستثمرين والحمد لله مخسرناش المبلغ كله. هم شالوا نصه واحنا نصه. زين: تمام ي كريم. بلغ مي إن ليها مكافأة لما أرجع، ومحدش من اللي في الشركة يتوافق ليه على إجازة لحد ما نرجع اللي خسرناه. كريم: تمام ي فندم، مع السلامة. بعد المكالمة، تقي حست بالغيرة إنه قال "مي" دي، بس مبينتش.

تقي بفضول: هو أي اللي حصل في الشركة؟ زين سكت شوية ورد عليها وقاصد يضايقها: مفيش، كان عندي مشكلة في شغلي ومي بمهارتها حلتها وتفادينا خسارة كبيرة. تقي بصتله بغضب وسكتت. وصلوا المطعم. المفاجأة بقى... اكتشف إن مش بس مريم وروان ودينا ومعتز أخو دينا، لا ده كل واحدة خطيبها جاي معاها. زين بص لها بغضب ومسك إيديها جامد وقعدوا. مريم: مقولتش يعني إن في حد معاك. زين: أنا مش حد، أنا أخوها الكبير وابن عمها.

معتز بغيرة واضحة: ولي أمرها ولا إيه؟ زين ببرود: بالظبط كده. روان حبت تلطف الجو: ها يا جماعة، يلا نشوف هناكل إيه. المغرب أذن، اشربوا ميه يلا. تقي مكنتش تعرف إن كل دا جاي ومش قادرة تبص لزين اللي شايفها كذابة وضحكت عليه. عدى الوقت وطلبوا أكل. وزين مركز مع معتز اللي مشلش عينه من على تقي، بس تقي مش واخده بالها. زين لمعتز: في حاجة؟ معتز انتبه: أنا ناعم! زين: أصلك بتبص على حاجة متخصكش. معتز: متخصنيش! مين اللي قال كدا؟

زين اتعصب وقام: أنا اللي قلت. معتز: وانت مالك، انت كنت الحارس بتاعها. زين مسكه من القميص: لو شفتك بتبصلها تاني هقتلك. معتز بص لها قبل ما يرجع يبص لزين، كان زين ضربوا في عينه. زين: أنا هعرفك إزاي تبص. فضلوا يضربوا في بعض، بس زين أقوى طبعاً. معتز ضرب زين، ففي دم نزل منه. تقي جريت عليه وزقت معتز. معتز: انتي بتدافعي عنه ي تقي! زين قام ضربه تاني: متتطقش اسمها بقولك.

تقي مسكت إيد زين بدموع: يلا نمشي عشان خاطري، الناس اتلمت علينا. زين وقف ومسكها من إيديها ومشيوا، وأصحابها أخدوا معتز ومشوا. عند تقي وزين. تقي كانت بتعيط وساكتة، وزين ساكت بس العصبية باينة عليه. وقف في نص الطريق في مكان هادي ونزل من العربية وطلع سيجارة يفش خلقه وعصبيته فيها. تقي بدموع: كفايا ي زين، لي كل دا؟ حصل إيه؟ زين فتح فيها، مسك إيديها: حصل إيه!

ما انتي حضرتك عاجبك الموضوع. مش شايفة بيبصلك إزاي ومشلش عينه من عليكي وقاعد يتغزل فيكي وأنا قاعد، ناقص يتجوزك. تقي: وفيها إيه؟ زين اتجنن: فيها إني محدش يبصلك ولا يكلمك غيري ي تقي، فيها إني محدش يقرب منك غيري، ولا حد هيتجوزك غيري، لأنك بتاعتي أنا، انتتتي فاااااااااهمه! تقي بتوهان وسكتت: بس انت أخويا ي زين. زين: أنا مش أخوكي. تقي: يعني إيه!!!! زين: يعني بحبك ي تقي.

تقي وزين باصين لبعض، والوقت كأنو وقف، والصمت ملا المكان.