رواية صغيرتي أنا الفصل الخامس عشر 15 - بقلم سهيلة السيد

ابتسام: هي قالت إيه غلط؟ ما هي فعلًا كده. عز الدين بحدة: بس اسكتوا. بعد كده اللي يتكلم عليها يتكلم باحترام، دي خلاص بقت واحدة من العيلة. وانتوا مش عارفين ابنكم ومراته فين؟ أحمد: مش هو كان بيكلمك يا ألفت من شوية؟ ألفت: قال إنه هيسافر هو ومراته فترة، واخد إجازة من الشغل. عز: وإنتي عارفة وساكتة؟ طاهر: سافر إزاي يعني؟ يسافر كده فجأة ليها؟ أحمد باستغراب: فيه إيه يا طاهر؟ هنمنعه يسافر مع مراته. وبعدين من امتى وهو بياخد رأي حد في أي حاجة بيعملها. طاهر بغضب: وانت فرحان بتصرفاته يعني؟ عز الدين: على الأقل ابنه طلع راجل، مش عيل بيصرف الفلوس على الفاضي زي ما عمل أبوه. سارة: خلاص يا عز. يلا نطلع ننام، الوقت اتأخر. طاهر لنفسه: أنا لازم أتصرف وأفكر في خطة تانية قبل ما كل حاجة تتهد فوق دماغي.