رواية سجيبة طارق الفصل الأول 1 - بقلم هاجر حسين

بتدوري على مين يا عروسة؟ اللي أنتِ مستنياه مش جاي. امضي على الورقة بدل ما أخليكي تمضي بدم عائلتك كلها. روح مضت على ورقة الجواز واتنقلت مع طارق للقصر بتاعه. طارق: نورتي بيتك يا عروسة، مش هتغيري هدومك ولا إيه؟ روح: أوعى تفكر إنك عشان أرغمتني بالجواز منك إني هسمحلك إنك تلمسني. طارق بغضب وراح مقرب من روح: أنا لو عايز ألمسك هلمسك وأعمل فيكي كل اللي أنا عايزه، بس أنتِ هنا خدمة وبس، هتخدمي أختي ومن سكات.

روح: أوعى تفتكر إن ماجد هيعدي كل اللي عملته ده بالساهل. طارق: أنتِ بتهدديني بحتة الموظف اللي شغال عندي اللي لا راح ولا جه؟ روح: حتة الموظف ده أحسن منك ميت مرة، على الأقل ما بياخدش حاجة مش بتاعته، وصدقني مش هيسيبك. طارق وهو بيقرب من روح: مش هيسيبني؟ طب أنا بقرب منك أهو، أقولك على حاجة، أنا مش هقرب وبس، لا ده أنا هاخد حقوقي كمان. طارق ابتدى يقلع البدلة وبقى يقرب من روح. روح: ابعد عني بقولك ابعد. روح كسرت الكوباية.

لو قربت مني هقتلك. طارق بيقرب من روح وبيشدها في حضنه وبيروح واخد الكوباية. عايزة تقتليني؟ تعالي أوريكي القتل إزاي. طارق بيمسك الكوباية المكسورة وبيقربها من رقبة روح وبيفضل يضغط. روح بصريخ: كفاية حرام عليك، عملتلك إيه لكل ده؟ الباب بيخبط، أخت طارق أميرة. طارق: حبيبتي أنتِ كويسة؟ محتاجة أي حاجة؟ أميرة: أنا سمعت صوت حاجة اتكسرت، روح كويسة؟ روح بتجري على أميرة. روح: إيه يا حبيبتي أنتِ كويسة؟

أميرة: لا بصراحة أنا كنت عايزاكي تساعديني في حاجة. روح بتبص لطارق. طارق: تقدري تروحي. روح بتاخد أميرة وبيروحوا على أوضتها. أميرة بعياط: أنا السبب، بس صدقيني أنا أول مرة أرتاح لحد، أتقبل حد إنه يساعدني خصوصًا إني مشلولة. لو مكنتش عاجزة مكنش حصل كل ده ومكنتيش أنتِ دلوقتي هنا. روح: أوعى تقولي إنك عاجزة تاني، أنتِ هتخفي وهتبقي كويسة، وبعدين بقى اللي حصل حصل متشغليش دماغك. أميرة: صدقيني طارق طيب بس لما تعاشريه.

روح: آه ما الطيبة باينة على رقبتي أهي. روح بتاخد أميرة وبتنام جنبها على السرير لحد ما راحت في النوم، وراحت قايمة من جنبها. روح بتروح على أوضة طارق. طارق وهو شادد روح ومقربها منه: بتقوليلها ليه إنها هتمشي؟ بتديها أمل بحاجة مش هتحصل ليه؟ روح: عشان ده المفروض، الأمل هيخلق جواها طاقة بإنها هتقدر، ولما هتقدر إن شاء الله هتمشي. طارق بعصبية: تيجي أنتِ إيه جنب أكبر دكاترة في مصر وبره مصر عشان تتكلمي؟

أنتِ يا دوب دكتورة علاج طبيعي. روح: وعشان أنا دكتورة يبقى ليا رأي ولازم تحترم رأيي. طارق بخبث وهو بيقرب من روح: رأيك خليه لنفسك، دلوقتي بقى تخليكي معايا أنا. روح: عايزني أقولك إيه؟ طب يا طارق بيه، أنا مستعدة أخلي أختك ترجع تمشي تاني. طارق: ساحرة أنتِ ها؟ روح: هخليها تمشي وفي خلال 3 شهور كمان، بس في مقابل إن بمجرد ما تمشي تسيبني. طارق: أنتِ فاكرة نفسك مين؟ هموت عليكي أنا؟ أنا أشتري عشرة زيك وفي ثواني يبقوا تحت جزمتي.

طارق بس عارفة أنا موافق، قدامك 3 شهور، لو أميرة رجعت تمشي تاني هسيبك تروحي لحالك. لكن لو ممشيتيش هتفضلي طول عمرك هنا. طارق: حاجة كمان، طول ما أنتِ مراتي تخلي بالك من تصرفاتك كويس وإلا هتشوفي مني طريقة مش هتعجبك. طارق بيسيب روح وبيطلع ينام بره. في الصباح. روح فاقت ولسه طالعة من الأوضة. طارق: اتأخرتي ساعة كاملة، لازم تعرفي إن القصر ده بمواعيد. فطاري الساعة 7 بالظبط، 7 وخمسة بكون خلصت، وأميرة ليها علاج وكل علاج بمعاد.

روح: هو أنا لوحدي في القصر ده؟ طارق: هو أنا ما قلتلكيش من النهارده أي حاجة تخصني أو تخص أميرة أنتِ اللي هتعمليها. أصلي اديت الخدم إجازة. طارق بيسيب روح وبيروح على الشركة وبينسى ملف الصفقة. روح بتريقة: أنا كل حاجة عندي بمواعيد ونظام، أهو نسي ملفه أهو. روح واقفة بتفكر تعمل إيه. أميرة: أنتِ لسه هتفكري؟ اطلعي وراه على طول على الشركة. روح بتروح ورا طارق وأول ما بتدخل الشركة.

باب الأسانسير بيتفتح وفجأة حد بيشد روح وبيعلق الأسانسير. روح: ماجد أنت اتجننت؟ طارق لو شافني معاك هتبقى مشكلة. ماجد: مشكلة بمشكلة، هو مفكر عشان فلوسه ونفوذه خلاص هياخدك مني وأنا هسكت وأكمل. ماجد بيقرب من روح. أنتِ بتاعتي ليا وبس. روح بتدوس على الأسانسير والباب بيتفتح بتلاقي طارق قدامها.