رواية سجينة الفهد الفصل الثاني 2 - بقلم هدير بدر

فهد دخل شرطة وبدأ يشتغل مخابرات. دخل بطلته المعهودة اللي كله بيخاف منه. فهد: دخلوهم لي. دخلت واحدة كبيرة في السن في وضع مش كويس ومعاها بنت جميلة أوي. فهد ما ادّاش لحد اهتمام، وفضل باصص لهم شوية. الست: والله يابيه. فهد بزعيق: إياكي تجيبي سيرة ربنا على لسانك يا ولية، انتي فاهمة؟ الست برعب: فا -فاهمة. فهد: رايحة تقعدي فين؟ كانت لوكاندا أبوكي؟ الست: آسفة يابيه. فهد: تقدري تبدأي تحكي كل حاجة.

الست: والله يابيه ما عملت حاجة. أنا كنت فاتحة البيت دعارة، والرجالة هما اللي بييجوا، مش ذنبي، هو أنا كنت ضربتهم على إيدهم؟ فهد خبط على المكتب جامد: صوتك ما يعلاش، ما تنسيش نفسك. وبعدين بص للواقفة بخوف: ودي مين السنيورة؟ كمان شغالة معاكي؟ الست: لا دي بنتي يابيه، لو عجبتك وعايز تشتريها، خدها. البنت بخوف: لا لا، خديني معاكي. الست: بس انتي خلفتك شؤم عليا. البنت: عشان خاطري خليني معاكي، وهاعمل اللي انتي عايزاه.

فهد: ما تبصيش يا بت انتي وهي. ونادى للعسكري. فهد: خد الست (محاسن) وسيب لي دي بقى. وبص للبنت. العسكري خد محاسن ومشي. فهد بص للبنت: بقولك إيه يا بت، ما تعمليش نفسك محترمة عليا. ريم بصت له بخوف: إزاي؟ مش فاهمة. فهد استغرب من خوفها. فهد: بت انتي، أنا عارف نوعيتكم كويس. ريم: أبوس إيدك رجّع لي أمي، أنا ما أعرفش حاجة من اللي بتقولي عليها. فهد صبر نفذ منها: لولا إني مش بمد إيدي على حريم، كنت قمت ظبطتك.

ريم بخوف: أبوس إيدك ما تضربنيش. فهد: لا يا نوجة، مش هاوسخ إيدي بناس زيكم. ريم ما فهمتش، بس فضلت ساكتة. فهد نادى للعسكري يجيب أمها. محاسن كانت خدت علقة محترمة. فهد: دي قرصة ودن لحد ما تاخدي الحكم المناسب. محاسن: أبوس إيدك يابيه، خد البت دي، هي مالهاش حد غيري. فهد: وإنتي خايفة عليها أوي عشان كده مشغلاها معاكي؟ يعني يعتبر أصلاً هي طفلة. محاسن: لا يابيه، دي عندها 17 سنة. فهد: خدها من هنا.

وبعدين بص لريم: وإنتي يا بت، روحي شوفي هاتروحي في أنهي داهية تاخدك. ريم بخوف: بس أنا ماليش حد. فهد: وأنا مش حضانة. وبعدين زعق: اختفي يلا. ريم مشيت ونزلت قعدت على السلم في الشارع لحد ما نامت. الصبح فهد كان رايح شغله. شاف ريم عمالة تعيط وفي شباب حواليها. فهد راح ضربهم وخدها. فهد بص لها: عاجبك اللي بيبصولك ولا إيه؟ ريم مسكت فيه: وديني في أي حتة، أبوس إيدك، أنا بنام في الشارع. فهد قلبه دق، وخدها وركبوا العربية.

ريم فضلت ساكتة لحد ما راح عند المأذون. فهد بص لها: امضي. ريم: يعني إيه امضي؟ فهد: يعني اكتبي اسمك هنا. ريم: مش بعرف. فهد استغرب: إزاي مش بتعرفي؟ ريم: والله مش بعرف أكتب. فهد خلاها تبصم، وبقت مراته. خدها شقة. فهد: دلوقتي بقيتي مراتي، مش عشان حبا فيكي، تؤ تؤ، دا عشان بس ما تناميش في الشارع. ريم: شكراً جداً لحضرتك. فهد: مؤدبة أوي يا بت. ريم بصت في الأرض. فهد: بتعرفي تطبخي؟ ريم: أيوا. فهد: روحي اعملي أكل.

ريم: طب ممكن أعرف مكان الحاجة؟ فهد: اتفضلي، وبدأ يعرفها. ريم: شكراً، وقعدت تعمل الأكل. فهد: اقعدي. ريم: لا لا شكراً، مش عايزة آكل. فهد: قلت اقعدي. ريم: قعدت تاكل لأنها كانت جعانة فعلاً. خلصوا أكل. فهد قام يتوضى عشان يصلي. ريم بفضول: هاتعمل إيه؟ فهد: وإنتي مالك؟ ريم بصت في الأرض. فهد راح صلى، وهي فضلت بصاله. فهد خلص: إيه، بصي لي كده ليه؟ ريم: أصل مش فاهمة بتعمل إيه. فهد بصدمة: انتي مش عارفة الصلاة؟ ريم: يعني إيه؟

فهد فتح بؤه: انتي مش مسلمة؟