رواية سجينة فؤاده الفصل الثاني عشر 12 - بقلم رولا

عشان إتأكدت من كونك بنت وهو ملمسكيش. _يعني انت اتخليت عني ومخدتليش حقي! قالتها وهي مكشرة وشها. فرد عليها بهدوء: هو كان قايلي إنك روحتيله بمزاجك. حطي نفسك مكاني لو لقيتيني مع بنت تاني... مكملش كلامه ولقاها بتزغرله. فبلع ريقه وقالها: أنا بقول لو... _امممم، ماشي. لسه زعلانه مني! _امممم، مش هزعل في حالة واحدة... رد بتساؤل: هي إيه! _تسيبني أعيش حياة طبيعية. وانتي مش عايشة حياة طبيعية كده! بصتله بعيونها البني

وهي بتمسك إيده وبتقول: نور، أنا عندي عشرين سنة، وأنا معرفش أنا في جامعة إيه، ولا بخرج من الأوضة، مبخرجش غير معاك، مبعرفش أعتمد على نفسي، مفيش حاجة في حياتي طبيعية، أنا حتى مستحيل أعرف أشتغل... اتنهد وقالي: هوفرلك كل حاجة تحتاجيها، وبلاش حوار الشغل ده. _طب والدراسة؟ هتبقى منازل. _مش شايف إنك حابسني شوية! أنا بحافظ عليكي منهم. _أنا مش ضعيفة يا نور، إنت اللي مش بتثق فيا بس. سكت وقالي: موافق ترجعي جامعتك.

_رديت بفرحة: بجد! بس بشرط. _شرط إيه! يبقى معاكي بادي جارد... _إيييه!! همشي بـ بادي جارد في الجامعة! خلاص متروحيش، خليها منازل. _لا خلاص موافقة. تمام... _طب والشغل؟ اتنفس بقوة وقالي: إنزلي اشتغلي معايا في الشركة لحد ما تتخرجي. _امممم، حل مثالي لفترة مؤقتة، موافقة. تمام. _هنزل امتى؟ دلوقتي، خلصي وإجهزي بسرعة.... قمت من على السرير بسرعة، دخلت لبست بلمح البصر، وفضلت راحة جايه، راحة جايه.

وهو قاعد يتفرج عليا وعلى حماسي ومبهور مني. خلصت ووقفت قدام المرايا عشان أحط ميك أب، فحطيت ميك أب سيمبل وتقلت الروج سيكا. كان هو قام عشان يلبس هو كمان، خلص وخرج وقف جنبي قدام المرايا لقيته بيقولي: اللي يشوفك دلوقتي ميشوفكيش من ربع ساعة... ضحكت وأنا ببصاله وقولتله: ده تأثير الحب. بصلي وسكت وأنا خدت بالي من المصيبة اللي قولتها، فخدودي احمرت وعيوني زاغت وروحت للدولاب خرجت شنطة ووقفت قدامه وأنا حاطة إيدي

في وسطي زي المودلز وبقوله: خلصت... لف بصلي بتمعن من فوقي لتحتي وقالي: لأ، في حاجة ناقصة. قدمت وقفت جنبه قدام المرايا وأنا بفحص نفسي وبقوله: إيه اللي ناقص؟ لقيته بيحط إيده تحت دقني وبيلف وشي ليه، وفجأة طبع بوسة طويلة على شفايفي مسح بيها الروج.