رواية سجينة فؤاده الفصل الثالث عشر 13 - بقلم رولا

طبع بوسه طويلة على شفايفي. مسح بيها الروج. بعد عني وهو بيبصلي وبيقولي: _كده تمام، يلا بينا. وسابني واتحرك ناحية الباب. اتكسفت منه ومشيت وراه خطوات بطيئة. كان بيمشي بكل ثقة، لاكنه وقف مرة واحدة قدام السلالم. فاستغربت وسألته: _وقفت لي ينور؟ لقيته بيشيلني ونازل بيا. اتكسفت وقولتله: _هعرف أنزل لوحدي. مهتمش لكلامي، كإنه مسمعهوش أصلاً وكمل في طريقه لحد العربية. ركبني وركب جنبي عشان يسوق. _عاوزك تفضلي جمبي دايما. _حاضر.

_متكلميش حد ولا تضحكي مع حد. _حاضر. _مت... كان هيكمل كلامه بس وقفته بكلامي أنا: _نووور، مستحيل حد يعرف ياخدني منك. بصلي وسكت، وبعدين بص قدامه تاني. وصلنا قدام الشركة، فنزلت معاه. كان الكل بيبص عليا. كنت ماشية خايفة من نظراتهم. لقيته بيمسك إيدي أول ما دخلنا من باب الشركة. طلعنا فوق لمكتبه. دخلت معاه فقالي: _اقعدي. قعدت قصاده. فدخلت علينا سكرتيرته: _مستر نور، عندك اجتماع مع..... مكملتش كلامها وكان هو قاطعها:

_إلغيه، إلغي كل مواعيدي النهارده. علامات التعجب كانت ظاهرة على السكرتيرة وقالتله: _تحت أمرك يافندم. وهي خارجة بصتلي من فوق لتحت بقرف كده، ولا كأني رينجاية ضاربة. بصيتله وقولتله: _لغيت شغلك لي؟ بصلي وابتسم وقالي: _تعالي وأنا أقولك. قمت بهدوء قربت منه. لقيته بيشدني من إيدي ويقعدني على رجله. تنحتله فحط إيده على خدي بحب وقالي: _ها، عاوزة تعرفي لسه؟ دفنت وشي في حضنه بكسوف. لقيته بيدفن وشه في رقبتي وبيشم ريحتي.

فجأة حد خبط فقمت بسرعة من حضنه. لاكنه شدني تاني. كنت مركزة عيني في الأرض، ووشي من كتر الكسوف لونه مبقاش يفرق عن الدم. لقيته بيقول: _تعالي يهند. بصيتلها لقيتها بصالي بغل وحطت قدامه ملف وقالتله: _محتاجين توقيع حضرتك على الملف ده يفندم. خد منها الملف ووقع عليه وأداهولها: _حاجة تانية؟ _أيوا يفندم، في واحد عاوز يقابلك برا. رد عليها: _اسمه إيه؟ _حسام صالح. حسيت بنفسه بيتسارع، وبإيده بتحكم عليا أكتر.

حسيت بخوفه وبعصبيته. كان ماسك فيا كأني ههرب منه. لفيتله وشي وحضنته. همست جمب ودنه: _أنا هنا، معاك انت، ولك انت، محدش عرف ولا هيعرف ياخد قلبي غيرك، وكل نفس فيا مكتوب عليه اسمك. روّق أنا هنا. لقيته بيهدي وبيفك إيده عني وبيقولها: _دخّليه. قمت من على رجله ووقفت جنبه. لقيته بيمسك إيدي بتملك. بصيتله وابتسمت وقولت في نفسي: (لسه برضه مهما الراجل يكبر هيفضل جواه الطفل اللي خايف على لعبته) دخل حسام من الباب وعينه عليا،

فانحنيت وقولت لنور: _سيبني أرد عليه لو سمحت. لقيت حسام بيقول: _حووووري، أول ما عرفت إنك هنا جيتلك جري. رديت عليه وأنا بحط إيدي على كتف نور: _معلش حضرتك مين؟ _لأ بجد كده أزعل، نسيتيني ونسيتي اليوم الحلو اللي قضيناه مع بعض. خبطت بإيدي على المكتب بغضب وقولتله: _أنت اتجننت يبتاع انت، انت مين أصلاً؟ ضحك بتريقة وقالي: _ههه، أنا مجنون من زمان يروحي، من يوم ما.... سكت وهو بيعض على شفايفه وكمل: م كنا مع بعض.

_اخرس يحيوان، أنا أشرف من عيلتك كلها. ضحك تاني وقالي: _إيه اللي يثبت ده، حتى جوزك ملمسكيش عشان يعرف. لقيت نور بيقف وبيقرّب منه بابتسامة عريضة وبيقوله: _اسكت، هو أنا مقولتلكش! _حسام: لأ مقولتليش. _نور: مش أنا مراتي حامل مني.