رواية سجينة جبروته و قسوته الفصل العشرون 20 - بقلم مريم حسني

بعد سنتين. شهد بتزعق ليوسف: -مليرن مرة أقولك متتكلمش عن أياد بالشكل ده. هادي يا ابني، افهم، ده خلاص أبوه وأمه ماتوا، وخلصنا. إيه بقى اللي بتعمله ده؟ مش هيرجعلك اختك على فكرة. أنت نفسك قلت إن موتها دي حاجة بتاعة ربنا وقبلت بقضائه. يوسف ببرود: -أنا بقول الحقيقة. شهد: -يابني افهم ده خلاص أبوه وأمه ماتوا وخلصنا، إيه بقى اللي بتعمله ده؟ مش هيرجعلك اختك على فكرة، أنت نفسك قلت إن موتها دي حاجة بتاعة ربنا وقبلت بقضائه.

يوسف بغضب: -الانت*حار ده. شهد قبل ما يكمل قطعته: -لا، ده مش ان*تحار. المعمل الجنائي قال إنها كانت وقعه. يوسف بغضب: -لا بجد. وكانت طالعة على السور تعمل إيه؟ تتفسح؟ وعلى فكرة بقي مش أنتِ اللي هتقوليلي أتعامل مع هادي إزاي. هادي أنا بعتبره ابني اللي مخلفتهوش. شهد بصتله بحزن: -أنا مكدبتش عليك. من أول مرة قولتلي إنك عاوز تتجوزني، إني مبخلفش. يوسف اتنهد بحزن: -شهد، والله ما كنت أقصد، والله العظيم ما أقصد. أنا آسف.

شهد ابتسمت بحزن: -ولا يهمك. هروح أشوف هادي بيعمل إيه. يوسف: -شهد، شهد حبيبتي. آسف، آسف والله حقك عليا. أنا غلطان، متزعليش مني عشان خاطر. شهد: -أوعدني إنك متجيبش سيرة أياد أو ليليان بطريقة وحشة قدام هادي. يوسف: -حاضر، أوعدك. بدر بيصحي نور: -نوري، نور اصحي يا حبيبتي. نور بنوم: -خمس دقائق بس. بدر ابتسم لها بحب وشالها ودخل بيها الحمام وفتح عليها المايه. -اصحي يا كسلانة. نور صوتت: -ااااه، أنت بجد رخم. بدر ضحك على شكله.

نور بغيظ: -كده طيب. وقعدت ترش عليه مايه. بدر راح شالها: -يلا، أكتر من كده هتيعي. نور دفنت نفسها في حضنه: -أنت رخم. بدر ضحك: -أنا عارف. واخدها تغير هدومه. بدر: -نور، هو ممكن أتكلم معاكي في موضوع؟ نور ابتسمت: -أكيد. بدر بحزن: -أنتِ لسه بتخافي مني، أو أنا عملتِ حاجة وحشة، لسه في أي حاجة أنا بعملها غلط، يعنى. نور: -لا خالص، ليه بتقول كده؟ بدر بحزن:

-إنتي قولتي إنك مش عاوزة تخلفي مني إلا لما أتغير وتتأكدي من ده بنفسك. إنتي يومها قولتي إنك هترجعيلي عشان مليكيش حد. أنا مش عاوزك مجبرة على العيشة معايا. أنا قولتلك ساعتها إني مستعد أوفرلك كل اللي إنتي عاوزاه لو مش عاوزة تعيشي معايا، وبكرر لهالك تاني. نور حطت إيدها على بوقه: -وأنا ساعتها قولتلك كل إنسان يستاهل فرصة تانية. واتنهد بحزن:

-الفرصة اللي مكنتش موجودة لليليان. عشان كده قولتلك إنت وشهد إن مامتك وباباك يستاهلوا فرصة تانية. بدر اتنهد بحزن: -الله يرحمه. نور: -صدقني، كنتوا هتندموا أوي لو مكنتوش كلمته قبل اللي حصل. بدر ابتسم بحزن: -طب مش عاوزة تحملي مني ليه؟ نور: -مهو أنا مش هينفع أحمل غير لما أولد اللي في بطني ده الأول، صح؟ بدر بفرحة: -بجد؟ نور، بجد إنتي حامل؟ نور: -بجد. بدر حضنها:

-أنا لو عشت حياتي كلها أحاول أعوضك عن اللي عملته مش هعرف. إنتي أحسن حاجة حصلتلي في حياتي. بجد أنا آسف، ووعد عمري ما هزعلك أبدا، وهعمل كل حاجة عشان خاطر ابننا اللي جاي. نور: -أنا بحبك. ويمكن اللي حصل لليليان وأياد، حكايتهم كلها كان وراها حكمة إن هادي عوض يوسف وشهد عن حرمانهم من الخلف. نور: -يا لميس، لميس. لميس مسحت دموعها بسرعة وقفلت الرواية: -جايه يا ماما. نور: -يلا بقي، الأكل هيبرد. لميس خرجت. بدر حضنها:

-حبيبة بابا، حضرتي كل حاجة خلاص؟ لميس: -أيوه يا بابي، خلاص. بدر ابتسم لها: -الواد هادي ده محظوظ بشكل عشان ياخد القمر بتاعي ده. نور: -يلا يا رومانسي أنت وهي، خلصونا عشان ناكل. الهانم لسه قدامها حاجات تشتريها. لميس ضحكت وراحت قعدت على السفرة. بدر قرب من نور: -بطلي غيرانة، البنت هتشمي وتسيبنا بكره. نور: -من ساعة ما هادي طلب إيدها، إنت مش معبرني خالص. بدر: -الله، مش هتسيبني وتمشي. وبعدين ما أنا هرجعلك إنت يا نورين. نور:

-أوعي كده، بلا نوري بلا نورين. بدر ضحك: -خلاص بقي، أنا آسف. نور: -اممم، هفكر. بدر سابها برقة بحب. نور ضحكت: -وأنا كمان.