رواية سجينة جبروته وقسوته الفصل السابع 7 - بقلم مريم حسنى

أوووف، بت، اخرسي بقي. تعالي. أخذها وحبسها في الحمام وقفل عليها وخرج. نور قعدت تعيط لحد ما بقتش حاسة بنفسها واغمي عليها من التعب. عند بدر ومنال ودياب. منال بسخرية: الشاطرة بقي عاملة فيها إيه؟ بدر بثقة: وهتعمل إيه يعني؟ هي تقدر تعمل حاجة أصلاً؟ دياب خبط على كتفه بفخر: جدع يا بدر، راجل يا ابني.

منال بمكر: طيب يا حبيبي، أنا هسيبك دلوقتي ونمشي، أصل ضهري واجعني أوي يا بني. من امبارح والبت صفاء مجتش، وأنا اللي بعمل كل حاجة في البيت. بدر بقلق: وهي مجتش ليه يا أمي؟ منال: أصل أخوها تعبان أوي، فقالت هتقعد بيه لحد ما يتحسن. بدر: طب أنتي متعبيش نفسك في حاجة يا أمي، أنا هبعتلك نور كل يوم وأنا رايح الشغل تشوف طلباتك، وأبقى أعدي آخدها وأنا راجع. منال بانتصار: ماشي يا حبيبي، تسلملي. يلا يا دياب بقي نرجع.

دياب: آه، يلا يا حاجة. ومشوا. بدر رجع الأوضة ودخل الحمام يشوف نور، لقها مغمي عليها. طبعاً شالها وحطها على السرير وحاول يفوقها لحد ما فاقت. بدر: فيقي يلا عشان تاكلي. نور، من كتر التعب، مردتش عليه. وهو جاب لها الأكل. نور ابتدت تاكل بسكات، بس كل نظراتها له كانت كلها حزن وعتاب، بس مكنتش قادرة تبصله بكره. نور خلصت أكل ولفّت وشها بعيد عن بدر، وهو شال الأكل ورجعه المطبخ ورجع لها تاني.

بدر: بصي بقي عشان نعيش حلوين مع بعض، انتي اللي بتعصبيني وبتجيبي لنفسك الضرب. نور بصتله وهي مش مصدقة: نعم؟ أنا؟ أنا اللي بجيب لنفسي الضرب؟ بجد؟ هو ده تبريرك؟ بدر بيرد: أنا مش ببرر أفعالي لحد، وردك وجدالك ده هو اللي بيعصبني عليكي، تمام؟ بطلي تردي انتي بس، وانتي هتبقي كويسة. نور بسخرية: ونسيت تقول، ابقي معاك بمزاجي صح؟

بدر ببرود: مش فارق معايا، المهم من بكرة هعديكي على أمي عشان البنت اللي بتنضف البيت خدت إجازة، وأمي مش هتقدر تعمل كل شغل البيت لوحدها. نور برقت وقامت صوتت فيه: نعم؟ هو انت كمان عاوزني أبقى خدامة لأمك؟ انت مجنون؟ بدر قام مسكها من شعرها: وترجعي تزعلي لما أضربك. نور بوجع: آه يا رب إيدك تتشل يا رب! آه شعري! سيبني يا بدر، سيبني بقي! بدر سا*حبها من شعرها: قولتلك لسانك ده هق*صهولك.

نور بعياط: طب خلاص، والنبي مش هتكلم، شعري هيطلع في إيدك، آه! بدر ساب شعرها وز*قها: امشي يا بت من وشي دلوقتي، غور. نور طلعت تجري على بره وهي بتعيط. عند شهد. منال فضلت ترن عليها لحد ما ردت. شهد: إيه؟ في إيه؟ مش قولت مش عاوزة حد يكلمني أنا. منال: يا شهد، يا بنتي، انتي مش بتردي عليا إلا كل فين وفين. مش كفاية مش قاعدة معانا، كمان مش عاوزاني أسمع صوتك؟ شهد: أنا مش عاوزة حد، ممكن بقي تسيبوني في حالي؟

أنا بجد تعبت من كل حاجة، حرام عليكوا بقي، مش كفاية اللي ابنك عمله؟ ده رايح يتجوز عيلة ومطلع عينها، والله لولا إني حالفة ما ليا دعوة بيكم كنت باغت عنكوا وخلصت البنت منه. حيوان وهنجيب صحيح. منال: يا شهد، ده أخوكي عمل كده عشانك انتي، عشان ياخد حقك. شهد بعصبية: انتوا حد مصلحتكوا عليا؟ حقي إيه اللي ياخده من نور؟ هي البنت كانت عملت إيه؟ اقفلي يا أمي لو سمحتي، مع السلامة. بدر: نور، يا نور.

نور: يخربيت نور وزفت، ولا هيتخرب أكتر من كده. إيه؟ أوووف. نور: نعم؟ إيه؟ بدر: شاي؟ عاوز شاي؟ نور: هو انت فاكر نفسك في قهوة؟ إيه؟ بدر: يا رب الصبر. روحي اعملي الشاي عشان ما أقوملكيش. يلا. نور: ماشي. بس بعدها هدخل أنام، ومتقوليش عاوزك عشان وربنا هرميلك نفسي من الشباك. بدر بص لها من فوق لتحت: يلا يا نور، يلا يا ماما، روحي اعملي اللي طلبته منك. نور بتهديد: ماشي، بس زي ما قولتلك.

بدر اتعصب وقام وخبط الترابيزة برجله كسر*ها، وراح عليها جا*بها من شعرها وضر*بها بالقلم: هو أنا يا روح أمك مش هعرف أربيكي ولا إيه؟ طب والله الليلة دي لما أخليكي تعرفي تردي تاني. بقي عمرك؟ تعالي بقي. وأخدها الأوضة ونزل فيها ضر*ب بالح*زام لحد ما كانت هتموت في إيده. بدر وهو بينهج: أبقي أسمعلك صوت تاني بقي. نور فضلت تعيط بصوت واطي ومش عارفة تتحرك سنتي عشان ج*سمها ميوج*عهاش أكتر.

فضلت على الحال ده لحد الصبح، وبدر نايم جنبها بهدوء ولا أكنه عمل حاجة، وصحي الصبح. بدر شدها من إيدها: قومي يلا اغسلي وشك وخدى حمام عشان هنروح لماما. نور وهي بصة في الأرض راحت نفذت اللي هو قاله من سكات، مكنتش هتقدر تستحمل عل*قة زي دي مرة تانية.