رواية سجينة جبروته وقسوته الفصل الثامن 8 - بقلم مريم حسنى

نور خرجت بعد ما أخدت الشاور، لقت بدر قاعد على السرير مستنيها. بدر: تعالي. نور بصتله بخوف، بس راحت عنده وبصوت ضعيف: نعم. بدر: قربي اقعدي هنا جنبي. نور راحت قعدت جنبه وهي خايفة إنه يضربها. بدر جاب علبة مرهم للكدمات وابتدا يحطلها منها على جسمها. نور دموعها كانت بتنزل وهي ساكتة. بدر بضيق: أوووف، انتي عاجبك كده؟ مرتاحة دلوقتي من شكلك؟ شايفة جسمك عامل إزاي؟ ما قلتلك متعصبنيش، مبتسمعيش الكلام وادي النتيجة.

نور كانت بتعيط بصوت واطي ومش بترد عليه. بدر اتنهد: قومي البسي، كلي، وخذي الأنسولين بتاعك يلا. نور قامت بهدوء عملت اللي هو قالها عليه. بدر: ممكن تقعدي النهاردة؟ متروحيش في حتة. هقول لماما إنك مش هتعرفي تيجي النهاردة، وأروح لها النهاردة عشان جسمك ميتعبكيش أكتر. نور كانت باصة في الأرض ومش بترد، اكتفت بأنها حركت راسها بالموافقة. بدر بص لها بضيق وسابها ونزل.

نور قعدت مكانها على الأرض، فضلت قاعدة كده ساعات مش بتعمل أي حاجة غير إنها بتفتكر اللي حصل لها في كل حياتها، من معاملة مامتها ليها وحبها لأختها أكتر منها، من باباها واللي كان بيعمله فيها، لحد ما حست ببدر داخل الأوضة. بدر باستغراب: نور، انتي لسه قاعدة في مكانك من الصبح؟ نور بصوت واطي: هي الساعة كام؟ بدر: إحنا بقينا المغرب. نور قامت من مكانها: عايز مني حاجة؟ بدر: احم، لا. تقدري تنامي، أنا أكلت بره.

نور من سكات راحت نامت لحد تاني يوم وصحت وهي مفيش كلام تقريباً بينها وبين بدر غير كلمات بسيطة. صحت وبدر وصلها عند منال وهو راح الشغل. نور أول ما دخلت البيت ومنال بتبصلها بقرف ومش طايقاها. منال بأمر: أول حاجة، تجري تعمليلي كوباية شاي عشان أشوف هخليكي تعملي إيه. نور في نفسها: إيه حكاية العيلة دي والشاي بس؟ راحت عملت لها اللي هي عايزاه.

منال: بصي بقى، تروحي المطبخ، تشوفي في إيه يتعمل وتجهزي الغدا وتنظفي البيت كله، وفي غسيل عاوز يتغسل بس الغسالة بايظة. نور قطعتها: لأ، حضرتك مش محتاجة تكملي. أنا عرفت هعمل إيه. وسابتها ودخلت المطبخ، كانت عارفة إنها عايزها تنضف البيت كله من أول ما بدر وداها لحد ما رجع أخدها. بدر: احم، نور، من امبارح وإنتي مبتتكلميش تقريباً. مش عايزة تقولي حاجة؟ نور بصوت واطي: لأ. بدر: طب عملتي إيه عند ماما انهارده؟ نور: نضفتلها البيت.

بدر: آه، هي قالتلي. نور: هو ممكن أدخل أنام عشان أنا تعبانة؟ بدر: إنتي مأكلتيش هناك، كلي أي حاجة ونامي. نور: لأ، عايزة أنام. بدر اتنهد: خلاص، براحتك. وفضلت نور تروح كل يوم لمنال، ومنال طبعاً مبتقصاش في مضايقة نور، وبدر فضل يحاول يتكلم معاها طول المدة دي، بس نور مكنتش بتكلمه لحد اليوم ده. منال: إنتي يا زفتة. نور راحت لها وهي باين عليها التعب جداً: نعم. منال: هاتيلي طبق ميه سخنة وتعالي ادعكيلي رجلي وجعاني.

نور بصوت عالي: نعم! إحنا هنهزر بقى؟ بصي، أنا مستحملة اللي إنتي بتعمليه ده بالعافية، بس أكتر من كده، متخلينيش أشغل الجنون عليكوا إنتو وابنك وجوزك. في الوقت ده بدر دخل من بره على معاد رجوعه، وسمع اللي نور قالته. بدر بغضب: نور، انتي اتجننتي؟ نور بزعيق: آه اتجننت، منكم أنا خلاص جاب آخري. بدر بغضب: شدها من إيدها، حسابنا في البيت. وأخدها ونزل. نور أول ما دخلوا جريت على الأوضة واترمت على السرير تعيط.

بدر دخل بسرعة ولسه هيزعقلها ويتخانق معاها، لقاها بتتكلم بصوت ضعيف. نور: بدر، الحقني، بطني يا بدر، هتموتني، هموت من الوجع. بدر بص لها بشك: بتعملي كده عشان مضر**بكيش صح؟ نور بعياط وصوتها كله ألم: لأ والله، بطني بتتق**طع. بدر قرب منها: نور، مالك؟ ولفها له وبص عليها كويس، لقى هدومها من تحت فيها دم. بدر بفزع: نور، انتي، انتي في دم على هدومك. نور بصت على نفسها بخوف: طب إيه أعمل؟ مش فاهمة حاجة.

بدر: نور، هي آخر مرة جالك إمتى؟ نور: ها، من أول ما اتجوزنا مش جالي. بدر بغضب: طب ومقلتيش ليه؟ نور بعياط ووج**ع: ما أنا معرفش، افتكرت إن كده عادي، إن المتجوزين مش بيحصل لهم كده. بدر بخوف: يانهار أسود، نور، انتي كده كنتي حامل.