رواية سجينة جبروته وقسوته الفصل السابع عشر 17 - بقلم مريم حسنى

ليليان ابتدت تستسلم للأمر الواقع، هي مفيش حاجة تقدر تعملها ولا في إيدها حاجة. وفقدت الأمل في إن يوسف ييجي ياخدها، وفقدت الأمل في كل حاجة. خلاص بقت م*يته في كل حاجة، مبقتش حاسة تقريبًا بأي حاجة بتحصل لها. إياد دخل لها الأوضة وراح قعد جنبها. "هنفضل طول الوقت في أم النكد ده ولا إيه؟ ليليان بصت له بتعب وعيطت. "أنا عاوزة أقولك على حاجة بس خايفة منك تض*ربني." إياد بص لها باستغراب. "لأ مش هض*ربك، قول لي."

"ليليان: أنا تعبانة أوي وبطني وجعاني مش قادرة، وعمالة أرجع معرفش في إيه." إياد حط إيده على شعرها بهدوء. "طب وأنا إيه اللي هيخليني أض*ربك في حاجة زي كده؟ ليليان بخوف. "إنت بتض*ربني على طول." إياد ابتسم. "لأ مش هض*ربك، هجبلك دكتورة." *** نور بقلق. "تفتكروا بدر ممكن يلاقيني في أي وقت؟ أنا خايفة أوي، حاسة إنه هيلاقيني، وبدر لو لقاني هيمو*تني، أنا عارفة." شهد.

"يادي النيلة يا بنتي. بقالك شهرين في أم الموال ده. متقولها حاجة يا عم." يوسف ضحك. "يا نور متخفيش يا بنتي، قولتلك أصلًا بدر بيروح الشقة ويرجع في ميعاد الشغل ومش بيتأخر. لو بيدور عليكي كان ساب المكان مثلًا. ده غير إن المكان ده محدش يعرفه غير إحنا التلاتة بس." نور بخنقة. "طيب." شهد. "يلا يلا قومي ذاكري." نور. "يووووه، كل شوية ذاكري ذاكري. حاضر قايمة أهو." شهد ويوسف ضحكوا على شكلها. يوسف همس في ودن شهد. "وحشتيني."

شهد بصت ليوسف بعتاب. "وبعدين يا يوسف، أنا قولت إيه قبل كده؟ يوسف. "طب خلاص هسكت." شهد. "عملت إيه في موضوع أختي؟ يوسف اتنهد. "مش هعرف أعمل حاجة خلاص، مش هعرف آخدها من جوزها. أنا ماشي، يلا سلام." شهد. "يوسف، إنت زعلان؟ يوسف. "لأ يا شهد، بس لازم أمشي. يلا خدي بالك من نور ومن نفسك، سلام." *** بدر في عيادة الدكتور النفسي قاعد بتوتر. الدكتور دخلت. بدر قام وقف باستغراب. "مين حضرتك؟ الدكتورة ابتسمت. "أنا دكتورة وسام."

بدر بتوتر. "هو هو مش دكتور وسام ده راجل؟ وسام ابتسمت له. "لأ دكتورة وسام بنت قدامك أهي، يبا نبدأ بقى." بدر اتوتر أكتر. "لأ أنا همشي." وسام ابتسمت. "اتفضل اقعد يا أستاذ بدر، من فضلك متقلقش." بدر قعد بتردد. "تحب نبدأ منين؟ "اا." "ممكن متقلقش وتهدى من غير توتر من فضلك." بدر ابتدى يتكلم معاها ويحكي من أول مكان صغير، وابتدأ يحكي على نور. "لأ لحد هنا وكفاية كده انهارده. اتفضل حضرتك تقدر تمشي وتيجي الجلسة اللي جاية."

"تمام، متشكر." *** ليليان الدكتورة خرجت من عندها بابتسامة. "مبروك يا إياد بيه، المدام حامل." إياد صدمة. "إيه؟ حامل؟ الدكتورة. "أيوه يا إياد بيه." إياد. "تمام، متشكر لحضرتك جدًا. اتفضلي." إياد دخل ليليان لقيها قاعدة بتعيط. "احم، بصي يا ليليان، دلوقتي الوضع اتغير، أنا عاوز... ليليان قطعته. "مش عاوزة الطفل ده." *** نور نزلت تشتري حاجة من السوبر ماركت، لقت حد بينده عليها. بتبص لقيته بدر. نور بخوف. "بدر."