رواية سجينة قلب صعيدي الفصل العاشر 10 - بقلم نوران

حسان بفزع وخوف: ووورد بنتي وخدينها علي فين ياورد. صحى من نومه مفزوعاً وبص حواليه. سمع صوت ورد. ورد بقلق: مالك ياابوي قلقتنا عليك. فهد: حمدالله علي سلامتك ياعمي. حسان باستغراب: أي اللي حاصل يا عثمان ياخوي. عثمان: جرا أي ياحسان ياخوي. هي الخبطة أثرت عليك أكده ولا إيه. فهد: إحنا عرفنا مين اللي حاول يضرب نار علينا. والشرطة قبضت عليه. والحمدلله اطمنا على نورا وبقت كويسة. ورد بدموع: مالك يابوي قلقان من إيه.

حسان بتذكر: كابوس يا بتي. كابوس بقاله سنين ملازمني. وبص لفهد: خد مراتك وامشي من هنا. يافهد. ورد بصلته بصدمة من كلامه: إنت بتقول أي يابوي. عايزني أبعد عنك. حسان بصرامة: خد مراتك وسافر بيها. بتي أمانة في رقبتك لحد ما أموت. ورد ببكاء ومسكت ايده وباستها: لاه يابوي. بعد الشر عنك. متقولكش أكده. عثمان: حسان إنت بتقول أي. عايز ورد تبعد عنينا. دي بتي اللي مخلفتهاش. ياحسان لاه ياخوي.

فهد بتفهم وراح قعد جنبه: قولي بس في أي مخوفك أكده. عثمان: اسمع ياحسان. مفيش مخلوق يقدر يمس ورد بضرر. فهد معاها وهيحميه. فهد بعدم فهم: أحميها من مين. أنا مش فاهم حاجة. حسان: اسمع اللي بقولك عليه يافهد يا ولدي. وريح قلبي. خد مراتك وسافر على مصر. فهد: حاضر ياعمي. حاضر. في شركة فهد القناوي للاستيراد والتصدير. في غرفة الاجتماعات.

مستر أياد: فهد بيه مسافر ومش هيرجع غير بعد يومين. عايز الشغل يفضل زي ماهو. عايزة لما يرجع يلاقي كل حاجة زي ماهي. مفهوم. الجميع: مفهوم يا فندم. عثمان بحزن: أكده برضو ياحسان. تسيب بيت أخوك وتهملني. حسان: معلش ياخوي. هما يومين بالكتير وراجع بإذن الله. عثمان: طب قولي رايح فين ياخوي. حسان: مشوار صغير أكده هخلصه وارجع تاني. وخرج من البيت واتجه لمحطة القطار المتجهة من أسيوط إلى الأقصر.

سيدة قربت من عثمان بخبث: الاه. قولي يا عثمان. هو أخوك وينه. عثمان بصلها باستغراب وحيرة: مش عارف ياسيدة. ربنا يستر. سيدة عوجت بوقها بحنق: طمني ياخوي. الأولاد كيفهم. عثمان: نورا بقت زينة. وفهد هيعود ياخد مرته ويطلع على مصر. وعادل صاحبه ده كمان معاه. سيدة ضربت على صدرها بغضب: ولدي هيبعد عني تاني. لاه يا عثمان. ولدي ما يروحش في مكان بعيد عني واصل.

عثمان: حملي ولدك لحاله ياسيدة. كفاية اليومين اللي فاتوا دول وكنهم كابوس انزاح من على قلبي. والواد اللي خبط أخوي حسان ليلة الفرح اتقبض عليه. سيدة بحدة: ولدي مش هيبعد عني يا عثمان. ولدي هيعيش هنا. ومرته تبقي وسطنا هنا. فهد من وراها بعصبية خفيفة: