رواية سجينة قلب صعيدي الفصل السادس 6 - بقلم نوران

سليم خرج من أوضة سمارا وبيفكر هيعمل إيه! لحد ما خطرت في باله فكرة وراح لفهد وخبط عليه. ثواني وفهد فتح. سليم بإحراج: أنا آسف يا فهد إني جيت… فهد: خير يا سليم في حاجة؟ سليم بتفكير: أنا عايز أنزل مصر عشان أدور على سمير وأخلص من الحوار ده. فهد: طب أنا هروح أسلم على أبويا وعمي وأخد ورد هي كمان تسلم عليهم ونشوف حوار جدك ده. سليم: تمام، هستناكوا تحت، خلص براحتك.

فهد دخل لورد وكانت بتحضر شنطة الهدوم بتاعتها. لبست فستان زهري وعليه طرحة وشوز أبيض وميكاب خفيف. فهد لبس بدلته السودا وعليها قميص أبيض وشوز أسود وحط برفان ونزلوا سوا. سليم شافهم ابتسم بحب واتخيل نفسه مع رقيه وإيديهم في إيدين بعض. افتكر جده، لو عرف ممكن يخلص عليها. حاول يبان مبتسم ونفض أي فكرة من دماغه. فهد: هبقى أكلمك تاني يا سليم، يلا يا ورد. سليم: استنى هوصلك.

فهد: ملوش لازوم يا سليم، أنا معايا عربيتي. يلا سلام يا صاحبي وسلم لي على سمارا. سليم: توصلوا بالسلامة يا حبيبي. سيدة بفرحة وصراخ: ولدااااي! حمد على سلامتك يا ابن بطني، اتوحشتك قوووي يا فهد يابني…. إزيك يا ورد يا بتي؟ اتوحشتك قوي يا ورد. فهد: وإنتي كمان يا أما، أبويا وهمي أخبارهم إيه وهما فين؟

سيدة: واقفين مع العمال يا ولدي، أبوك ناوي يبني بيت صغير للبت هنيه وعيالها. جوزها الله يسامحه طردها من البيت هي وعيالها واتجوز عليها، وأمه هي اللي جوزته. وأبوك وعمك خدولها حقها منه وعطاها حقوقها كلها من جوزها، وعمك اقترح يبنوا لها شقة صغيرة هنا جنبينا. ورد بدموع: أنا رايحة أسلم عليهم يا فهد، أبويا وحشني قوي. فهد: يلا بينا، بعد إذنك يا أما، خليهم يحضروا الأكل لحد ما نرجع. سيدة: حاضر يا ولدي من عنيا….

سابوها ومشيوا وسيدة راحت المطبخ ونادت على هنيه. سيدة: بت يا هنيه. هنيه: نعم يا ستي. سيدة: حضري الأكل بسرعة، فهد ولدي ومرته هنا. قوليلهم يجهزوا الأكل بسرعة. هنيه بفرحة: وه! فهد بيه والست ورد رجعوا! لولولولولي! حمد الله على سلامتهم يا ستي. سيدة: إنتي لسة هنا يا بت؟ غوري يلا حضري الأكل أقوااام، معايزا ش غلطة. هنيه بحب: من عنيا يا ستي، إنتي تؤمري. حسان بفرحة ودموع: ورد رجعت يا عثمان! بتي رجعت، وفهد وياها.

عثمان بصدمة: فهد ولدي؟ إمتى؟ بتقول إيه يا حسان؟ حسان: الواد حسين شافهم جايين علينا وقالي إنهم جايين عليا. هنيه: يلا نسلم عليهم يا خوي. عثمان: وحشوني قوي يا حسان. فهد: وحشتني قوي يا بوي. عثمان: وإنت كمان يا ولدي، اتوحشك قوي قوي، كيفك يا ولدي؟ عامل إيه؟ فهد: أنا الحمد لله كويس وبخير. حسان بدموع: اتوحشتك قوي يا ضنايا، اتوحشتك قوي يا بتي، كيفك يا ورد؟ طمنيني يا بتي، أخبارك إيه مع فهد؟

ورد: اطمن يا بوي، فهد زينة الرجال، بيحبني قوي يا بوي، طمنك عليك إنت. وصلوا البيت والأكل بقى جاهز واتحط على سفرة الأكل وقعدوا ياكلوا في جو هادي ومرح. عثمان: خير يا ولدي؟ قلقتني. ردت ورد: خير يا عمي، هو الموضوع مش يخص فهد. حسان بتركيز: خير يا بتي، مالكوا متوترين أكده ليه؟ فهد: أبوي، إنت تعرف مهران العزايز؟ عثمان بص له بصدمة وقف: نهار أبوك أسود! إنت تعرف مهران منين؟