رواية شغف الصقر الفصل التاسع عشر 19 - بقلم موني

واقفين كلهم بيخدوا العزاء والكل مقهور وزعلان عليها. آه كانوا مدايقين منه بس مش لدرجة يتمنوا موته خالص. العزاء ورجعوا البيت لاقوا البنات كلهم حاولين سلمى بيهدوها. أسامة قعد قدامها: "اهدي يا حبيبتي وادعيلوا بالرحمة كده. حرام اللي انتي بتعمليه." سلمى: "عاوزة ابني هاتوا ابني." أسامة: "شالها وطلع على أوضتهم." والكل طالع أوضته وهو سكت. *** عدى شهر في التاني ومازال الكل حزين على سعيد.

عدت سنة على أبطالنا، سنة عدت بكل ما فيها. تعالوا نشوف أبطالنا بعد سنة. منة بقت عندها 6 سنين واتعلقت بشغف أكتر من الأول. شغف ومرام بيدربوا في المستشفى بجانب الجامعة. مرام حامل في شهرين. ورد وسليم وإبراهيم ومصطفى نزلوا شغل مع صقر. أحمد وعشق وزينة وتمارا نزلوا يدربوا في الشركة بجانب الجامعة. وردة ومصطفى رفضوا يعملوا فرحهم واستنوا زينة وإبراهيم وعشق وأحمد اللي مازال صقر مش راضي يجوزهم دلوقتي. *** في كلية الطب.

مرام: "أنا مش هروح المستشفى النهارده وانتي غطي عليا عشان أبيه ميعلقنيش." شغف: "ههههههه مين قالك إني هروح أصلاً. وجدع يتكلم." مرام: "مترجعيش بس تقلبي كتكوت مبلول قدامه." شغف: "أنا مخافش من حد يا بت. يلاه بس عشان جعانة وفرهدت من الحر." مرام: "يلاه." وقاموا مشيوا. *** في كلية الهندسة. خلصوا المحاضرة وخرجوا. زينة وهي بتهبد الشنطة على الترابيزة: "وربنا لآوريك يا إبراهيم. ماشي أنا تزعقلي." فجأة لاقت حد بيمسكها من قفاها.

إبراهيم: "مش الهانم قعد ترغي مع الزفتة التانية ومش مركزة." زينة: "سيب الجاكت ياض." أحمد: "اهدوا بقا عشان عاوز أقولكم على حاجة." الكل: "أي؟ تمارا جات عليهم. تمارا: "أنا جيت." إبراهيم: "أي خرجك يا بت مش وراكي محاضرة كمان ربع ساعة." تمارا: "مش هحضرها." أحمد: "كده تمام. بصوا بقا احنا مش هنروح التدريب النهارده." إبراهيم: "نهاركم مش فايت. عاوز صقر يعلقنا." عشق: "متقلقش هنظبط الدنيا مع شغف." إبراهيم: "عاوزة تخرجي؟

زينة: "مش بترد." إبراهيم: "اتفضلوا هنخرج إزاي وهي كده." تمارا: "خلاص بق يا زينة." زينة: "ماشي يا توتي، بس ميزعقليش تاني." إبراهيم: "يا بنتي أنتي هبلة بترغي وأنا بشرح." أحمد: "يلاه بقا." وخرجوا كلهم. *** في مجموعة شركات R&A. قعد صقر في مكتبه. رن التليفون. صقر: "الو." السكرتيرة: "مستر صقر. مستر إبراهيم واستاذة زينة ومستر سليم واستاذة تمارا واستاذ أحمد واستاذة عشق مجوش."

صقر: "تمام يا ندى. اخصمي من كل واحد فيهم 3 شهور واتعلقي ده بكرة قدام الموظفين كلهم." ندى: "تمام يا مستر." صقر: "وحياة أمكم ماشي." ورن على محمد. صقر: "الو. أي محمد عامل إيه." محمد: "الحمد لله يا صقر. في أي." صقر: "البنات جوه." محمد: "لأ." صقر: "تمام." عرف من الجامعة إني تمارا والباقي سابوا بقيت المحاضرات وراحوا. وشغف ومرام نفس الكلام. الباب خبط. ندى: "مستر رعد بيقول لحضرتك يلاه عشان الاجتماع." صقر: "تمام يا ندى."

وراح الاجتماع. أحمد: "إبراهيم وسليم فين يا ندى." ندى: "مش موجودين حضرتك." صقر: "نبدأ الاجتماع." وبعد ساعة الاجتماع خلص. لموا حاجتهم كلهم ورجعوا. دخلوا سلموا على الكل. صقر: "شغف فين يا أمي." هند: "جات من الجامعة وخدت منه وطلعوا يناموا." صقر: "ومرام." هند: "جات نامت برضه." صقر: "تمام هطلع أغير." طلع لاقى شغف ومنة نايمين بعمق أوي في حضن بعض. دلق عليهم مياه. شغف: "هااااا." شغف: "في حد بيصحى حد كده."

صقر: "ولا كلمة. خمس دقايق وتكوني تحت." وسابهم ونزل. منة: "عجبك عمايل جوزك." شغف: "سكوتي عشان شكله ناوي على نية سودة. ربنا يستر. قومي نغير." غيروا ونزلوا. شغف: "مساء الخير." صقر: "اقعدي هنا ومسمعش صوتك." منة: "براحة على مامي يا بابي." صقر: "جنبها أنتي كمان ومسمعش صوتك." بعد شوية نزلت مرام وشاورلها صقر تقعد جنب شغف. مرام ميلت على شغف: "هو في أي." شغف: "يومنا أسود. شكله عارف إننا سيبنا المحاضرات وكمان مروحناش المستشفى."

أحمد: "أي يا صقر مذنبهم كده لي." صقر: "حالا هتعرف." ودخل في الوقت ده أحمد وعشق وسليم ووردة وزينة وإبراهيم وتمارا وفهد ومحمد اللي كان لسه راجع من شغله. محمد: "في أي." صقر: "ادخل بس كده." جماعة الشباب يتحركوا. صقر: "بصريخ اللي هيتحرك هعلقه." شاور لمرام وشغف. "قوموا اقفوا جنبهم." وقفوا كلهم صف قدام الكل. كانت شغف جنبها مرام جنبها تمارا جنبها ورد جنبها زينة جنبها عشق وأحمد وإبراهيم وسليم وفهد.

صقر: "عاوز تعرف في أي يا خالي. الهوانم شغف ومرام كان عندهم أربع محاضرات حضروا واحد وسابوا الباقي لأ. وكمان مروحوش التدريب." مرام: "أبيه أنا والله مليش دعوة. شغف السبب وأنا كنت تعبانة." شغف بهمس: "آه يا واطية." الكبار: "برري مرام يا صقر عشان هي ليها عذرها." صقر: "على أوضتك مع جوزك ارتاحي. متتكررش يا حبيبتي. لو مش قادرة قولي وأنا أجيبلك المحاضرات لحد عندك. يلا يا حبيبتي." وطلعت مرام مع محمد بسرعة. بص ليهم تاني.

صقر: "واستاذ أحمد واستاذة زينة واستاذة عشق حضروا محاضرتين بس وكان عندهم خمسة وكمان مجوش التدريب. وياريت عشان حاجة مهم لأ. كان بيخرجوا." "والأستاذ الدكتور اللي المفروض يعقلهم بيتجنن زيهم وبيشجعهم وكان عنده محاضرات تانية محضرهاش. اد محاضرتهم بس وكمان مجاش الشركة. وانهاردة كان فيه اجتماع مهم. واستاذة تمارا." تمارا: "بص يا أبيه."

صقر: "اخرسي لما أخلص. وللأستاذة حضرت محاضراتها الأ واحد ومجتش عشان كانت معاهم. والاستاذة وورد والأستاذ سليم والأستاذ فهد كانوا معاهم وبرضو مجوش." صقر: "رأيكم." الكبار: "إحنا طالعين. رَبِّيهم بمعرفتك." وطلعوا. صقر: "أمم. بالنسبة للبنات عقابكم كالتالي." "شغف: محرومة من الشوكولاتة لمدة شهر والجامعة هتتراح كل يوم ومحرومة من التدريب لمدة أسبوع. يعني من الكلية للبيت."

"زينة: محرومة من الخروج مع الباشا لمدة أسبوع ومروحة الكلية كل يوم والتدريب مفيش تاني." "عشق: محرومة من القهوة لمدة أسبوعين ومفيش تدريب تاني ومروحة الكلية كل يوم." "تمارا: محرومة من الفرجة على المسلسلات التركية لمدة أسبوع ومروحة الكلية كل يوم ومفيش تدريب تاني." "ورد: هتطبقي بكرة وبعده وبعده. ومفيش روحة جيم لمدة شهر." "ده عقابكم." البنات: "بتهزر صح." صقر: "لو مش عاجبكم ممكن نغيره بس هيبقى أسوأ." "بالنسبة للبهوات."

"سليم وفهد وإبراهيم لمدة أسبوع مطبقين في الشركة." "وأحمد مفيش سباحة لمدة شهر ومروحة الكلية والتدريب كل يوم." "كده كل واحد خد عقابه الخاص. العقاب الجماعي." "أنتم كلكم ماعدا شغف ومرام ملكوش خروج لمدة أسبوع." تمارا: "اشمعنا بق." صقر: "عشان هما رجعوا عشان تعبانين واتخمدوا. أما أنتم بقا ليكم 6 ساعات صايعين." "البنات على الأوضة تغيير وتنزل." "الشباب نفس الكلام. ربع ساعة وتبقوا قدامي." طلعوا يجروا. صقر: "يا داده يا داده."

الدادة واسمها أماني: "نعم يا بني." "اطلعي يا داده معلش اندهي الكل عشان العشاء." طلعت ونزلت وبلغت صقر إنهم نازلين وطلب صقر منها حاجة وهي نفذت. بعد ربع ساعة بالظبط الكل نزل. الشباب رايحين يقعدوا. صقر: "رايحين فين. يلاه على المطبخ حضروا العشاء." أحمد: "والخدم فين." صقر: "تعبانين من الوقفة طول اليوم." إبراهيم: "مكنتش أم خروج هنتعاقب عليها العمر كله." صقر: "يلاه."

بعد شوية حضروا العشاء. والبنات حطوا خلصوا وقاموا يشيلوا الأطباق. شغف وهي ماشية وقعت من طولها. شالها صقر بسرعة وطلعها على جناحه. وطلب دكتورة. (اللي هيسأل هنا ليه محمد مكشفش عليها عشان محمد دكتور أسنان) صقر: "خير يا دكتورة." الدكتورة: "ألف مبروك يا صفر باشا. المدام حامل." صقر الفرحة مش سايعاه ولا البيت كله. باركوا لصقر ونزلوا. بعد شوية فاقت شغف. شغف: "في أي." صقر: "في ضيف جديد هيشرف حياتنا بعد كام شهر."

شغف: "قصدك إني." صقر: "حامل يا روحي. ألف مبروك لينا." شغف: قامت تنطط ومش مصدقة نفسها. صقر: "يا مجنونة. أنتي حامل." شغف: "أنا مبسوطة أوي." صقر: "باس راسها. ربنا يديم انبساطك. يلاه بس ننزل لأحسن منة تموت نفسها من العياط عشانك." شغف: "يلاه." نزلت والكل باركلها. منة: حضنتها جامد. شغف: "اهدي يا منون أنا كويسة." منة: "كنت خايفة أوي." الكل ابتسم على حبهم لبعض. صقر: "اطلبي هدية يا حبيبتي." شغف غمّزت

للشباب: "تلغي القرارات اللي خدتها." صقر: "نعممممم." شغف: "أي. هتزعلني وأنا حامل وزعل غلط عليا." صقر: "موافق." الشباب كلهم صرخوا في صوت واحد. وقعدوا يحتفلوا بشغف. غمز فهد لصقر من غير ما حد ياخد باله. صقر: "يلا الكل على فوق عاوز الرجالة بس." الكل: استغرب بس طلعوا. صقر: "في موضوع مهم لازم نتكلم فيها." ... يتابع ياترى إيه الموضوع ده اللي هنعرفه البارت الجاي. باي.