رواية شغف الصقر الفصل الثالث عشر 13 - بقلم موني

في المستشفى كان في حالة من الرعب. الممرضين والدكاترة، الكل بيتحرك بسرعة كبيرة. وعلى جنب هنلاقي واحد حاطط عيونه في الأرض، وقميصه الأبيض بقى كله دم. إبراهيم: هتبقى كويسة صدقني. صقر، وأول مرة يعملها في حياته، ويعيط زي الطفل اللي فقد أمه: ياررررررب ياررررب 😭😭 بعد 4 ساعات، شغف في العملية. خرج الدكتور، الكل جري عليها. صقر: عاملة إيه يا دكتور؟ هي كويسة صح؟

دكتور محمد: للأسف لأ. الرصاصة كانت جنب القلب على طول، وقلبها وقف مرتين واحنا بنعمل العملية. إحنا دلوقتي هننقلها العناية المركزة، وادعوا اليومين الجايين يعدوا على خير والقلب حالته تستقر. بعد إذنكم. ومشي. وخرجت شغف من العملية، مودينها على العناية. الكل حزين عليها. وصقر اللي هيموت عليها. دخلت شغف العناية. راح صقر للدكتور. صقر: عايزة أخش لها. الدكتور، وكان صديق صقر واسمه خالد: اهدا يا صقر، مينفعش. صقر، بزعيق وعصبية،

وعمل يخبط ويكسر في المكتب: بقولك عايز أشوفها، عايز أطمن عليها. ليه سبتني؟ أنا مقدرش أعيش من غيرها. عشان خاطري يا خالد. خالد حاول يهديها، مقدرش عليها. رن على فهد وجاهد. فهد قعد قدام صقر على الأرض: إيه يا صاحبي؟ أول مرة أشوفك بالحالة دي. إيه؟ لأ، لازم تكون قوي. مين هيرجع حقه يا صاحبي؟ صقر مردش. فهد: قوم بقى فوق يا أخي. برضه مردش. ضرب فهد بالبوكس، واحد ورا التاني، لحد ما فاق صقر. فهد: قوم يا صاحبي.

صقر: خالد، والله ما هطول أشوفها. بصله خالد بتوتر. بعد فوق: 5 دقايق بس يا صقر. شغف تعبانة وحالتها مش مستقرة لسه. صقر: ماشي، ماشي. راح اتعقم ودخل عندها. قرب منها وقعد جنبها ومسك إيديها وباسها: حقك عليا يا نور عيني. أوعي تسبيني يا شغف. هموت من غيرك. بعدتي عني زمان وكنت واخدها قلبي وروحي. مش هتسبيني صح؟ وبعدين بص بنظرة شر بس: وغلوتك عندي لأخدلك حقك من اللي نايمك النومة دي، ومش هيطلع عليها نهار بكرة.

بص لها: أنتي قوية، عارفة. لأخر نفس عشان خاطري، عشان نعيش مع بعض. أنا واثق في ربنا ثقة كبيرة. باس إيديها ورأسها وخرج. الكل قام: هي عاملة إيه دلوقتي؟ صقر: إن شاء الله خير. يلا الكل يروح. محمد: لأ، أنا مش هسيبها. صقر: محمد، مش عايز نقاش. محدش هيعرف يقعد والساعة بقت 2 أهي. روحوا تعالوا بكرة. محمد: بس... صقر: خلاص بقى، يلا. خرج الكل من المستشفى وركبوا العربيات وروحوا.

واصلوا البيت. اليوم كان صعب على الكل. فجأة فرحتهم راحت. العروسة اللي ملحقتش تتهنى بفرحتها. نزلت منه تجري على صقر: فين شغف يا بابي؟ أنتم رجعتوا عشاني صح؟ بصلها الكل بحزن. صقر مسح دموعه بسرعة: شغف تعبت شوية وهي في المستشفى دلوقتي. منة بزعل وبدأت تعيط: أنا عايزة شغف. هي هتيجي امتى؟ صقر: اهدي يا روحي. منة: عايزة أنام في حضنها، عايزة مامي شغف. الكل انصدم. للدرجة منه اتعلقت بشغف. وليه لأ؟ هي اللي كانت بتعملها معاها شوية.

صقر: اهدي يا حبيبتي، مامي هتيجي بكرة. مرام قربت منها: طب إيه رأيك تنامي في حضني أنا؟ منة: لأ، أنا عايزة مامي. فضلوا يهدي فيها وهي فضلت تعيط لحد ما نامت وهي بتنادي على شغف. خدها صقر وطلعها أوضتها ونايمها في سريرها. وخرج. في أوضة محمد. غير هدومه وقعد على السرير. حط وشة بين إيديه وعمل يعيط. خرجت مرام، شافتوا في الحالة دي. زعلت أوي عليه وعلى بنت خالتها وصاحبتها ومرات أخوها. قربت مرام منه. مرام: محمد حبيبي.

بصله محمد وعيونه كانت حمرا أوي. طبطبت مرام عليه: عيط يا حبيبي، متكتمش في نفسك. شدها محمد لحضنه وقعد يعيط. محمد: آه شغف يا مرام. بنتي ودلوعتي الصغيرة. ليه الفرحة مسروقة منها من وهي صغيرة؟

في الأول تبعد عن أكتر حد كانت بتحبه وتعبت أوي لما سافرنا وفضلت 6 شهور مش بتكلم حد. ولما ترجع تكتشف إن صحبت عمرها وأقرب حد ليها ماتت وسبتها، ويطلع حد عايز يفرقها عن صقر. ولما نخلص منه أخيراً هنفرح، يرجع وينتقم من صقر فيها. آه يا وجع قلبي عليكي يا شغف. قعدت مرام تهدي.

مرام بعياط: شغف غالية على الكل. أول ما شوفتها حسيت إنها قريبة مني. ولما رجعتلنا فرحت. أول شغف غالية على الكل. ربنا هيقومها بالسلامة. اهدا يا حبيبي. الله يكون في عونك يا صقر. الباب خبط. قامت مرام وهي بتمسح في دموعها. لاقت صقر: تعال يا حبيبي. دخل: محمد. محمد لاق لابس وشكله خارج: رايح فين؟ صقر: هرجع حق مراتي. محمد: إزاي؟ وأنا هاجي معاك.

صقر: لأ، أنا هروح لوحدي. أنا جاي أعرفكم بس عشان تاخدوا بالكم من بنت منه عقبال ما أرجع. مرام: متقلقش يا حبيبي، وخلي بالك من نفسك كويس. قعد صقر جنب محمد: شغف هتقوم وهتبقى كويسة. العياط مش حل. صلي وادعيلها أحسن. سابهم وخرج وراح أوضة ورد. خبط. خرجتله ورد: نعم يا صقر. صقر: لاحظ عياطها. بطل عياط يا ورد. وبعد إذنك ممكن تروحي تنامي جنب منة عشان خارج. ورد: تمام، ماشي. وراحت. وهو نزل. ركب عربيته وفهد جنبه.

في مبنى المخابرات. واصل صقر وفهد وقدموا التحية العسكرية للواء. اللواء: بلاش تطلع أنت يا صقر. صقر: أول مرة تقول لي صقر المخابرات متطلعش. متقلقش يا فندم، بس القضية دي بتاعتي من الأول. بعد إذنك يا فندم. وقدم التحية وخرج. راح لفريقه. حط لهم صقر الخطة. صقر: مش عاوز غلطة. عزت محدش ليه دعوة بيها. الكل: تمام يا فندم.