رواية شهد الادم الفصل الثالث 3 - بقلم سلمى محمود

شهد بغضب: أنا مراتك وليا حقوق عليك. ادم بغضب وهو يقترب منها وينظر لها باشمئزاز: لو هو ده اللي انتي عايزاه، فأنا هنفذه حالا. واخذ يقترب منها ببطء وهو ينزع قميصه. شهد بتوتر وهي تبعد عنه ولكن تفاجأت بالحائط خلفها: أنا أنا مكنتش أقصد كدا. اقترب منها ادم وثبت يديها فوق رأسها. واقترب بشفتيه من شفتيها وقال بهمس: حتى لو تقصدي، أنا بمزاجي أعمل اللي أنا عايزه. ولو عايز آخد حقوقي منك دلوقتي هاخدها، ومش انتي اللي تقولي.

ودلوقتي اتفضلي قدامي اعملي الأكل عشان جعان. ثم أكمل بعصبية مزيفة: يلا انجزي. شهد بخضة من صوته: حاضر حاضر. ادم ضحك عليها وخرج من الأوضة. بعد قليل من الوقت خرجت شهد من المطبخ. الأكل جاهز. أدم ببرود: ماشي. جلس أدم عالسفرة وتذوق الطعام. تسلم إيديكي الأكل جميل قوي. شهد نوعًا ما فرحت إنه عجبه الأكل، ولكن لم تستمر فرحتها وهي تسمع إليه يتحدث بسرحان. ادم بسرحان وبسمة على وجهه: آآآه أصل نرمين الله يرحمها مكانتش بتعرف تطبخ.

تخيلي كنت مقضي وقتي أنا وهي على الدليفري. أو ساعات كانت بتتدلع عليا وتخليني أعلمها تطبخ إزاي لحد ما اتعلمت تطبخ وبقت طباخة بريمو. شهد بدموع قامت من عالسفرة ودخلت أوضتها وقفلت عليها الباب. أدم فاق من ذكرياته على قفل الباب بعنف. أدم بتذكر: آآآه أنا غبي غبي إزاي أقولها حاجة زي كدا. ادم وهو يأنب نفسه: إيه يا أدم، هي دي صلاتك اللي بتصليها ولا إيه؟ انت كده بتعاملها زي ما رسولك وربك أمرك، استغفر الله العظيم يا رب.

أدم قام ودق على شهد الباب. شهد شهد افتحي عايز أتكلم معاكي. أدم بحزن لحالها: يا شهد افتحي بقولك. شهد بغضب: غور من وشي بقولك. طلقني لو راجل طلقني يا ادم. أنا مش عايزة أعيش معاك بعد كده. امشي من وشي بقااا اااااه اااااه ياربي. أدم بسرعة زق الباب كذا مرة لحد ما اتكسر. دخل واتصلب مكانه لما لقى شهد فالأرض لتاني مرة وبتترعش نفس الرعشة تاني ويمكن أسوأ. شالها ادم واخدها ادم في حضنه لحد ما هديت. وبعد قليل هدأت شهد.

ممكن تطلع برا؟ ادم بهدوء وهو يداعب أنفها بيديه: تؤ تؤ مش هطلع. أنا عايز أعرف انتي ليه بيحصلك كدا. شهد بحزن ودموع: عايز تعرف حاضر يا ادم حاضر. أنا بيحصلي كدا من وقت موت أمي وأبويا في حادثة. وبعدها اتبهدلت أحسن بهدلة من بيت لبيت. لحد ما جيت بيتك ده، الواضح جداً إني هخرج منه قريب قوي. أدم وهو يأخذها في حضنه ويهديها: وعد عليا وربنا شاهد عليا. إني طول ما أنا عايش إن شاء الله دموعك دي مش هتنزل تاني أبدا.

يلا قومي بقا نصلي مع بعض، مش عايزين ولا فرض يفوتنا. شهد قامت معاه واتوضوا وصلوا مع بعض، وللمرة التانية بردو يكون إمامها فصلاتها. دعت ربنا كتير أوي إنه يفضل كدا طول العمر. شهد: حرما. ادم: جمعا إن شاء الله يا ست البنات. قوليلي بقا نفسك في إيه دلوقتي وأنا هنفذهولك حالا. شهد: هتنفذلي أي حاجة أطلبها؟ ادم: أي حاجة تطلبيها. شهد بخوف من رد فعله: عايزة أسيب الشقة دي ونروح أنا وانت شقة تانية. ادم....