رواية شهد السلطان الفصل الخامس والعشرون 25 - بقلم نورة عبد الرحمن

نهضت بفزع. أخذت أنفاسها بصعوبة. الحمد لله.. الحمد لله يارب.. كان كابوس. الحمد لله. وضعت يدها على بطنها تتحسس جنينها بابتسامة. فهي تتحرق شوقًا لرؤية وجه سلطان عندما يعلم بحملها. تفاجأت بباب الشرفة مفتوح. نهضت تريد إغلاقه لترى سلطان يقف وينظر إلى السماء بشرود. كانت ملامحه جذابة جدا. ابتسمت واحتضنته من الخلف. سلطان. أمْسَك يديها التي تحيطه ليديرها إليه ويحيط خصرها. سلطان: انتي صحيتي. شهد: رجعت امتى.. مصحتنيش ليه.

سلطان: رجعت متأخر وشفتك نايمة محبتش أصحيكي. شهد بدلال: لا مرة تانية تصحيني.. وإلا هزعل منك والله. سلطان بغمزة: أي وحشتك. شهد أبعدت نظرها بحرج. سلطان: لا أنا مش هقدر أقوم أكتر من كده. التوت البري بيقولي تعالى خد حتة. شهد بخجل بـ.. قاطعها بقبلة. ليحملها. *** في الصباح استيقظت شهد وقد كان سلطان غارقًا في النوم. ابتسمت وهي تراقبه لدقائق. لتنهض وتجهز. نزلت الدرج لتجد الحجة نعمة تجلس لوحدها. شهد قبلت رأسها: صباح الخير.

نعمة: صباح الورد يا ست البنات. شهد: سليم فين. نعمة: بـ..وضته ياحبيبت عيني الود قالب على نصه.. معرفش ماله. شهد بضيق: قالي أمه وحشاه ياحجة. نعمة: متجبش سيرتها ال***دي. شهد: ياحجة سليم محتاج أمه.. هو لسه صغير ميعرفش حاجة. نعمة: قصدك إيه. شهد: إني هكلم سلطان عشان ياخده عند أمه.. حرام أكده. نعمة: والله ماتستحقش الرحمة سهام دي. شهد: معلش ياحجة عشان سليم.

نعمة: ربنا يتممك بعقلك ياحبيبتي.. ويفرحني بعيل ليكم انتي وسلطان.. قادر يا كريم. شهد بابتسامة رقيقة: يارب ياحجة. إني هروح أشوف سليم وأتكلم معاه. شهد لم ترغب بإخبارها بالحمل.. أرادت إخبار سلطان أولاً. شهد: قاعد لوحدك ليه. سليم بضيق: مفيش. شهد: مفيش كيف وانت مكشر أكده. سليم بحزن: أمي وحشاني قوي ياشهد.. هي امتى هتيجي. شهد: إن شاء الله قريب. سليم: بس إني بقالي كتير مشفتهاش.. وسلطان مانعني أروح لها.

شهد بحنان: إن شاء الله أول ما سلطان يصحى هقوله يوديك عندها. مش هتلعب معايا النهارده.. وإلا خايف أغلبك. كيف مغلبتك امبارح. سليم: لا انتي غشيت.. إني شفتك بعيني. شهد: أخص عليك ياسليم.. بقى أنا بغش. سليم بابتسامة: أيوه ياشهد. شهد: طب متيجي نلعب ونشوف كيف هغلبك. سليم بحماس: ماشي. *** إيمان: إني مش قولتلك تخلصني منه.. مستني إيه. : مستني أوامرك وعشان نتفق على الفلوس. إيمان: اللي انت عايزه بس خلصني من همام بأسرع وقت.

: ماشي كمان أسبوع وهتودعيه نهائي. إيمان: هتعمل إيه. : لازم تعرفي. إيمان: أه.. مش هفضل على عمايا كده. ماشي إني هقولك. إيمان: والله فكرة حلوة ومحدش هيحس عليك.. إمتى هتنفذ. : هخططلها كويس وأبلغك. ارتاحي. هتسمعي خبره قريب. بس انتي جهزي الفلوس الأول. *** سلطان: صباح الخير ياحجة. نعمة: صباح النور ياسلطان. شهد قالتلي رجعت متأخر.. هاا.. عملت إيه. سلطان بضيق: مفيش ياحجة. خلصت شغلي ورجعت طوالي.

نعمة: مالك حساك مش على بعضك أكده. سلطان: مفيش. نعمة بإصرار: لا في.. إني خابراك زين ياسلطان.. قولي متخبيش حاجة. تنهد سلطان: مرات خالد ابن عمي.. الله يرحمه. نعمة بضيق: مالها العقربة الصفرا دي. سلطان: مش راضية تبيع حصتها بالأملاك.. وقال إيه هتيجي تقعد معانا. نعمة بحدة: تيجي فين.. هي اتجننت.

سلطان: حاولنا أنا وبكري نضغط عليها بس مفيش فايدة. مش عايزين غريب يدخل مابينا ياحجة. وحلالنا يروح للغريب. قولتلها اطلبي المبلغ اللي انتي عايزاه.. مرضيتش. نعمة: ربنا يهديها.. دي قادرة ومفترية.. بت أمها. سلطان وهو يتلفت: هي شهد فين. نعمة: عند سليم. سلطان بقلق: ليه.. ماله هو كويس. نعمة: كويس بس عايز أمه. يابن.. قاطعه: خلاص ياحجة.. سهام.. متجيبوش سيرتها قدامي خالص.. وتحمد ربها إني سبتها. نعمة: بس..

سلطان نهض بضيق: مبـ..ـس.. إني قايم أشوفهم. دخل ليجدهم يلعبون. سلطان: إيه.. مش هتلعبوني معاكم. سليم بزعل: لا.. مش هتلعب معانا. سلطان: ليه بقى سليم بيه زعلان.. إياك.. هو أنا موحشتكش.. بقالي كتير مسافر. سليم…. شهد: أومال دنتت وحشته قد الدنيا.. هاا بقى.. جبتله إيه معاك. سلطان: خلاص مش زعلان.. مش هديهاله. شهد برجاء لتأثر على سليم: لا والنبي وريني جبتله إيه. سلطان: تؤ.. ييجي يبوسني ويصالحني.. هفكر.

شهد: يلا ياسليم.. قوم بوسه.. خلينا نشوف جابلك إيه. سليم…. شهد بضيق على حاله: قوم ياسليم.. قوم ياحبيبي. سليم بدموع: إني مش عايز حاجة منك.. إني عايز أمي. لينهض ويغادر بسرعة. تنهد سلطان بتعب: يارب.. هعمل إيه.. أصلحها من هنا.. تخرب من هنا. شهد ربتت على كتفه: وديه لأمه ياسلطان. سلطان: انتي تقولي أكده ياشهد. شهد: مش عشانها.. عشان سليم.. منتا شايفه عامل كيف.. عشان خاطري.

سلطان: بس ياشهد.. إني مش عايزها تربي سليم أكده.. تربية عفشة زيها. شهد: معلش.. خده عندها.. هي تفضل أمه.. وهو صغير ومحتاجها.. ومفيش أم تأذي ضناها.. عشان خاطري. سلطان: انتي طيبة أكده كيف ياشهد. شهد: إني مش طيبة.. بس أتكلم بالحق. سلطان بهيام قبل يدها: الحق.. إني ما عشتش حياتي إلا لما عرفتك ياشهد. انتي غيرتي دنيتي كلها. شهد: وانت بقيت كل دنيتي ياسلطان.. أوعاك تهملني.. أو تفكر تبعد عني.

سلطان: إني أهمل الدنيا كلها إلا انتي. وضعت رأسها على صدره. ربنا يخليك ليا. إني عايزة أقولك حاجة. سلطان: إيه. ليقاطعهم رنين الهاتف. كان همام. شهد بسعادة: أيوه ياهمام. همام: عاملة إيه ياقلب همام. شهد بعتاب: دلوقتي افتكرت أختك. همام: حقك عليا.. بس انتي خابرة فايق وجوازته. شهد باهتمام: عملتوا إيه. همام: الحمد لله.. الجماعة وافقوا.. والنهاردة كتب الكتاب. شهد: الحمد لله.. باركيله عني ياهمام.

همام: إيه اللي باركيله عني.. إني متصل عشان تيجي تحضر كتب الكتاب. نظرت إلى سلطان. ماشي يا خوي.. هسأل سلطان ولو وافق هاجلكم. سلطان أشار لها: في إيه. شهد بهمس: كتب كتاب فايق.. أقدر أروح. أومأ لها الآخر. ليرى ابتسامتها السعيدة ويبتسم لابتسامتها. ماشي يا همام.. هاجيلكم بعد شوية. همام: تنوريني يا ست الكل.. سلام. *** سلطان صالح سليم وأخذه إلى والدته.. وأخبره بأنه سيعود ليأخذه مساءً.

وأوصل شهد لمنزل والدها بعد أن وعدته بأنها ستعود مساءً. تم عقد قران فايق وعيشة.. وسط سعادة وزغاريد الجميع.. ومباركاتهم لفايق وعيشة. فايق همس لهمام: أخويا حبيبي. همام: عايز إيه.. اختصر. فايق: عايز أشوف العروسة لوحدنا. همام: انت اتجننت.. أكيد ميصحش. فايق: منا بقيت جوزها خلاص.. وهي بقت حلالي. همام: إكتم يافايق.. إكتم. فايق: عشان خاطر أخويا. نظر إليه بضيق ليقول بحرج.

همام بحرج: احم.. بعد إذنك ياعم عبدالله.. فايق عايز يكلم عروسته لوحدهم. عبدالله بضيق: انت بتقول إيه يا همام.. دي مش عوايدنا.. ولا الأصول.. لما تبقى ببيته.. يكلمها زي ما هو عايز. منصور وقد لاحظ ارتباك ابنه وضيقه ليقول: أصول إيه.. ده مش خطيبها ياحج.. ده جوزها.. وعلى كلن هما هيقعدوا قصادنا بالجنينة.. إيه رأيك. عبدالله: بس ياحج. منصور بابتسامة: إيه ياحج عبدالله.. بتغير على بتك من جوزها.

عبدالله بابتسامة: ماشي ياحج.. إني هخش أندهلها.. ويقعدوا بالجنينة عشر دقايق. فايق نهض بسعادة: ماشي ياعمي. همام همس بضحك: إجمد يابني.. باين قوي إنك مدلوق. فايق بغيظ: مالكش صالح.. إني عايز أكلمها. همام بسخرية: هتكلمها.. هي هتطير يعني. شاهدها تخرج خلف والدها.. شرد بجمالها.. ملاك يمشي على الأرض بستحياء. همام: فايق.. يا فايق.. فضحتني يخربيتك.. مالك هتخوف البت منك بنظراتك دي. فايق بشرود: هااا.. ماليش.

عبدالله: خدي جوزك واقعدوا بالجنينة هناك.. ياعيشة. أومأت برأسها دون النظر إليه.. لتمشي والآخر يتبعها بهيام. *** بكر بقلق: مالك ياهدى.. مالك.. إيه اللي واجعك. هدى بألم: بطني يابكر.. سكاكين بتقطع فيها.. مش قادرة. بكر بارتباك: انتي واكلة حاجة. هدى بألم: لا.. لا.. أكلت من أكلكم.. أهه.. مش قادرة. بكر: طب يلا.. يلا هنروح عند الدكتور.. ربنا يستر.. يارب. هدى…