رواية شقاء طفل الفصل الأول 1 - بقلم هدير احمد

انت يازفت ماتقوم بقيالطفل قام بسرعة بيقول بعياط: خلاص قومت يابابا. أبوه: يلا قوم شوفلك شغلانة بدل مانت قاعد كده. الولد بخوف: حاضر. **تعريف الأشخاص** بطل روايتنا اسمه محمود، هو طفل عنده 7 سنين. عايش مع عيلته: أمه وأبوه وأخته الصغيرة. بس دايماً أبوهم قاسي معاهم وأمهم ضعيفة متقدرش تعمل حاجة وتوقفه عن اللي بيعمله. **أبوه:** اسمه إبراهيم، أب قاسي ولا يعرف معنى الرحمة.

**أمه:** اسمها نوال، هي ست ضعيفة وطيبة، متقدرش على جبروت جوزها. **أخته:** اسمها إسراء، عندها 5 سنين، هادية ودايماً منطوية، متعرفش حد لسبب هنعرفه بعدين. **العيلة التانية** ياسر ولد عنده 8 سنين، عايش مع أمه وأبوه وأخواته البنات التوأم. **الأب:** اسمه محمد، رجل طيب يعرف ربنا ويراعي ربنا في أهله. **الأم:** اسمها مني، هي ست طيبة وهادية وجميلة. **الأخوات البنات:** سارة وياسمين، توأم وعندهم 5 سنين.

محمود قام بتعب وحزن من قسوة أبوه. اتوضأ وصلى وقعد يدعي ربنا كتير إنه يرحمه هو وأخته ووالدته من جبروت أبوه. وقام عدى على أخته لقاها بتعيط، جري عليها بسرعة. محمود بخوف: مالك يآيسو بتعيطي ليه؟ في حاجة بتوجعك؟ حاجة حصلت؟ إسراء استخبت في حضنه وفضلت تعيط وبتقول: بابا ضربني من غير ما أعمل حاجة. قالي قومي يابت نضفي البيت وأمك بتعمل الأكل. ولسه بقوم راح ضربني جامد.

محمود بيهديها: خلاص اهدي وقومي اتوضي وصلي وادعي ربنا كتير. وأنا هجبلك حاجة حلوة وأنا جاي. إسراء: بجد هتجبلي حاجة حلوة؟ محمود باس راسها وقالها: أيوه يجميلة هجبلك حاجة حلوة. إسراء قامت بسرعة تتوضأ وتصلي، ومحمود خرج يشوف شغل. **عند ياسر** والدة ياسر دخلت تصحي ياسر. مني: ياسر قوم ياحبيبي الساعة عشان تلحق صلاة الجمعة. ياسر: صباح الخير ياست الكل. مني: صباح النور ياحبيبي، يلا قوم. ياسر: حاضر. أمّال بابا فين؟

مني: قام وفطر وراح يصلي. يلا قوم عقبال ماروح أصحّي أخواتك. ياسر: حاضر. خرجت مني من أوضة ياسر ودخلت أوضة سارة وياسمين. مني: سوسو، ياسمين، يلا قوموا. سارة قامت: صباح الخير ياست الكل. مني: قومي يابنتي. ياسمين: يوووه، سيبني أنام. سارة: مش هتقوم كده ياماما. مني: أنا بقول كده برضه. ومسكت أبو وردة راحت ضربتها بيه. ياسمين: إيه ياماما؟ هو أنتِ على طول هتصحيني بأبو وردة؟

مني: طول مانتي غيبوبة هصحيكي بأبو وردة. قوموا يلا اتوضوا وصلوا وتعالوا افطروا. الاثنين: حاضر. خرجت مني من عندهم وراحت تجهز ليهم الفطار. **عند محمود** ماشي في الشارع تعبان وملقيش شغل وقعد يستريح. وحط راسه على إيده وهو مهموم. حس بحد قعد جنبه وبيطبطب عليه. رفع راسه يشوف مين. محمود...