رواية شقاء طفل الفصل الثاني 2 - بقلم هدير احمد

رفع محمود وشه يشوف مين اللي حط إيده عليه، لقي راجل باين عليه الطيبة. الراجل: مالك يا ابني مهموم ليه؟ وإيه اللي مقعدك كده؟ محمود: كنت بدور على شغل وملقيتش خالص. الراجل: انت اسمك إيه وفي سنة كام؟ محمود: اسمي محمود وعندي 7 سنين. الراجل: عاشت الأسماء يا حودة، وأنا اسمي محمد، فين والدك؟ ليه نازل تدور على شغل وأنت في السن ده؟ محمود: بابا قاعد في البيت مش بيشتغل، ولو روحت من غير ما يكون معايا فلوس هيضربني.

محمد: طيب أنت بيتك فين؟ محمود: بيتي قريب من هنا. محمد: طيب أقولك على حاجة حلوة، تعالي واشتغل معايا في السوبر ماركت بتاعي. محمود: بجد شكراً جداً ليك، طيب ممكن أبدأ من النهارده عشان أروح يكون معايا فلوس، كده كده هو بياخدها مني بس عشان ميضربنيش، وعشان أجيب لأختي شوكولاتة اللي وعدتها بيها. محمد: طيب بص خد دول، اعتبرهم إنك اشتغلت النهارده، وتعالى خد الشوكولاتة اللي أنت عايزها من السوبر ماركت، هي أختك عندها كام سنة؟

محمود: عندها 5 سنين، مينفعش آخد فلوس من غير ما أشتغل. محمد: يا عم اعتبرهم سلف، ولما تشتغل وتكبر، يبقى ردهم ليا تاني. محمود: شكراً جداً ليك. محمد: أنت زي ابني، متشكرنيش، يلا تعالي عشان تاخد الشوكولاتة. محمود: يلا. قاموا راحوا السوبر ماركت. محمد: ده بيتي أهو اللي تحتيه السوبر ماركت، وده ابني وبينادي عليه. ياسر! ياسر: جه بسرعة، نعم يا بابا. محمد: ده محمود، هيقف في السوبر ماركت.

ياسر: ماشي يا بابا، تعالي يا محمود، لما أعرفك كل حاجة. محمد: لا، هو بس هياخد حاجة ويمشي، وهييجي بكرة، يبقى تقعدوا مع بعض بكرة وتبقوا أصحاب. محمود: شكراً بجد. سارة وياسمين شافوا باباهم جه، نزلوا يجرو بسرعة. سارة وياسمين: بابي! بابي! محمد: حبايب بابي. عاملين إيه؟ محمود: حاضر. وبياخد الشوكولاتة لأخته، وروح. وهو طالع على السلم سمع صوت صراخ أخته، طلع يجري يشوف في إيه، وفتح الباب واتصدم من اللي شافه.