رواية شقيه شقلبت حياتي الفصل الثالث عشر 13 - بقلم لودان عبده

رجع اياد وانصدم لما شاف لدن ماسكة شعر ميرنا، وميرنا بتصرخ من الوجع. ست نرجس كانت بتحاول تفك إيد لدن من شعر ميرنا. اياد مسك لدن وشدها. اتخضت وسابت شعر ميرنا. استغل اياد تشتيت انتباهها وشالها على غرفتهم. هبه بفرحة: "يا سلام عليكي يا لدن، علمتي على البت الزرقاء." ميرنا ونرجس بصوا لها بغل. هبه ابتسمت ببلاهة: "انتوا هتخرجوا من هنا في يوم ومش هترجعوا." وراحت بسرعة وهي بتغني في فرح. وراحت اتصلت على حبيب القلب سليم.

سليم رد على طول: "حبيبتي عاملة إيه؟ هبه: "بخير يا حبيبي، انت عامل إيه مع الشغل؟ سليم بسرعة: "انتي قلتي إيه من شوية؟ هبه: "عامل إيه مع الشغل؟ سليم: "لا، اللي قبلها." هبه: "بخير يا حبيبي." سليم: "أنا كنت تعبان، ولكن بعد ما سمعت صوتك وكلمة حبيبي، خلاص عندي طاقة لمدة سنة." هبه بسعادة: "انت عارف لدن عملت مشهد بطولي." سليم بحماس: "ها، عملت إيه؟ بسرعة." هبه: "اصبر، هحكيلك."

وحكت له كل حاجة حصلت من الألف للياء. وعقدوا يرغوا لوقت طويل. عند لدن وإياد. دخل بيها على غرفتهم. اياد: "إيه اللي عملتيه دا يا لدن؟ لدن بحزن: "انت لو سمعت الكلام اللي قالوه ليا، كنت عملت أكتر من كدا. دول أهانوا كرامتي وأنا مقدرتش أستحمل الذل دا." اياد بحنية: "أنا آسف على كل حاجة حصلت. كلها فترة وتعدي إن شاء الله." وحضنها. لدن: "انت بتعمل إيه يا اياد؟ اياد: "سيبني يا لدن، أنا مرتاح كدا." وعدا. ونزلوا يتعشوا.

على الأكل، لدن كانت عاوزة تقعد جنب اياد، بس ميرنا سبقتها وقعدت جنبه. اياد جاب لدن وقعدها على رجله. لدن بخجل: "انت بتعمل إيه يا اياد؟ سيبني." اياد: "مراتي وأنا حر فيها. حد عنده مانع؟ هبه وسليم بضحك: "لا يا باشا." ست نرجس وميرنا بصوا لها بحقد. لدن كانت قاعدة على رجله ومكسوفة جداً. وإياد كان بياكلها بإيده. وبعد العشاء، كله راح غرفته ونام. تاني يوم. لدن صحت قبل اياد وقعدت تتأمل فيه. وقامت أخدت دش.

اياد صحى لقاها طلعت من الحمام. باس خدها وقال: "صباح الخير يا قلبي." ودخل الحمام. لدن وقفت مصدومة من عملته، وقالت: "هو اياد بقى مجنون ولا إيه؟ أنا مش فاهمة." اياد من الحمام: "أنا مش مجنون يا بت." لدن بعصبية: "متقوليش يا بت." وراحت عملت الفطور مع دادة ميرفت. ونزلوا كلهم عشان يفطروا. وهما قاعدين يفطروا بهدوء، ميرنا اتكلمت بخبث: "لدن، ممكن تروحي معايا المول؟ عاوزة أعمل شوبينج."

لدن: "طيب، متروحي تعملي شوبينج لوحدك، أنا مالي." ميرنا: "أنا عاوزة أروح معاكي عشان علاقتنا تتحسن ونبقى صحاب زي أنا واياد." اياد: "روحي معاها يا لدن، وخدوا معاكم قمر بالمرة عشان زهقت من المدرسة ومحتاجة أغير جو." لدن بموافقة: "ماشي، هروح. يلا يا قمر روحي البسي." ميرنا في نفسها: "إيه اللي دخل زفت قمر في الموضوع دلوقتي؟ مش مهم، هتصرف بعدين." راحوا بعدها المول، واياد على الشركة. وهبه طلعت مع سليم يختاروا حاجات الفرح.

(طبعاً فرحهم بعد أسبوعين وأربعة أو ثلاثة أيام.) وست نرجس في البيت مستنية تسمع البشارة. عند لدن وميرنا وقمر. ميرنا اشترت حاجات كتير جداً. ولدن وقمر مكانوش مهتمين بيها. وراحوا الكافيه وطلبوا أكل وعصير وقعدوا يتكلموا ومبسوطين. لحد ما جات ميرنا. ميرنا بخبث: "يلا يا جماعة، أنا خلصت." لدن وقمر بصوا لكمية الأكياس اللي معاها.

وبعدها عند العربية وركبوا. لدن وقمر ورا، وميرنا قدام. وبعدها ميرنا رشت منوم بدون ما يحسوا. ونامت كل من لدن وقمر في العربية. وبعدها حد جه واخد لدن معاه. ركبها في عربية وراح. وقمر لسه في مكانها. ميرنا ضحكت بشر: "أخيراً هرتاح منك." وطلعت عربيتها وراحت على البيت. بس لدن راحت فين؟ وصلوا البيت العصر. وأخدت قمر وودتها السرير. ورجعت. اياد رجع من الشغل وشاف ميرنا.

ميرنا بتمثيل: "لدن جاتها رسالة وقالت عندها شغل ضروري ولازم تروح بسرعة." اياد باستغراب: "طيب قمر فين؟ ميرنا: "قمر في غرفتها، راحت تنام." اياد مستغرب: "هي إزاي تخرج من غير ما تقولي؟ يا ترى فيه إيه يا لدن؟ قطع داومة الأفكار رسالة جات لأياد. اياد بصدمة.............................