رواية شمس الصعيد الفصل العاشر 10 - بقلم كيان كاتبة

ادهم اول ما شاف انهيار آيه وعياطها ضاق من نفسه، معقولة لدرجة مش طايقاه وبتخاف منه؟ هو مكنش هيكمل وهو بيهددها بس. لبس التيشيرت وبعد بضيق: "انتي لو آخر واحدة في الدنيا مش ممكن أبص لها، خليكي فاهمة كده. والي حصل في المعرض ده علشان أبعد نسرين، صاحبي بيحبها وهي عينها مني." ادهم كان طالع بس رجع: "وأها الورقة اللي معايا هتتقطع أول ما يتقدملك عريس."

ادهم مشي. أول ما فتح الباب، كف نزل على وشه بكل غضب من نوسة. ادهم معملش حاجة وطلع من الشقة كلها، نزل تحت. نوسة دخلت جري على آيه بلهفة: "حبيبتي، انتي كويسة؟ آيه مسحت دموعها: "متخافيش يا خالتي، هو معمليش حاجة." نوسة طبطبت عليها: "قومي اغسلي وشك يا حبيبتي." آيه هزت راسها وقامت. ..... ادهم قاعد سرحان ومرجع راسه لورا على الكرسي في ورشة صاحبه "اسر". "مكنتش أعرف إنها بتكرهني كده." اسر ضحك وهو بيطلع من تحت العربية،

مسح إيديه بالفوطة: "والله؟ مستني إيه منها بعد اللي عملته؟ قافل الباب و بتهددها، عايزها تعمل إيه؟ ادهم اتعدل: "وهي تعرف عني كده؟ أنا ممكن أعمل فيها كده، خمس سنين عايشة معانا كنت بطلع أنام فوق السطح لحد ما كتبت عليها. أنا بحافظ عليها من نفسي." اسر قعد قصاده: "بتحبها؟ ادهم: "لأ." اسر: "طيب أنا طالب إيدها." بوكس نزل في وش اسر من ادهم بدون إنذار. اسر: "إيه؟ مش انت مش بتحبه وهو أوله بيها؟ ادهم بغضب:

"ده أنا اقتلها ولا تكون لحد تاني! اسر حط إيده على وشه بوجع وهو بيضحك: "روح صالحها يا أخي وغور من حواليا." ادهم زق الكرسي على الأرض وهو بيبص لـ آسر بغضب ومشي. ....... فتحية بخوف: "أنا خايفة يا مدام، لحد يكشفني. والله جمال بيه ما يرحمني فيها." "اجمدي كده ومتخافيش. جمال هيعرف منين إن إيهاب بيتعاطى؟ وإيهاب ذات نفسه ما يعرفش." فتحية: "مهو اللي حضرتك متعرفيهوش إن إيهاب بيه اتجوز وبقى معاه المدام، وهي ممكن تعرف."

"حتى لو عرفت، هتخاف تقول لجمال من إيهاب." فتحية: "طيب تمام، على اتفاقنا. أحطلها كل يوم المخدر في الإزازة اللي بيجيبها." "أيوه، بس عايزك تزودي الكمية علشان الحرب هتبدأ بجد." ...... ادهم دخل الشقة وهو باصص في التليفون، والوقت كان متأخر. لقي آيه قاعدة قدام التليفزيون. ادهم حط الكيس (فيه الآيس كريم اللي بتحبه آيه) على الترابيزة وبكل برود وزي ما هو وشه في التليفون: "قومي اعملي كوباية شاي." آيه قامت ونفخت

بضيق على بروده وبصوت واطي: "يارب امتى أخلص منه.... ادهم قعد. وشوية وطلعت آيه بالشاي. حطته قدامه بضيق: "اتفضل." ادهم برضو عيونه في التليفون: "خدي الكيس ده وادخلي نامي." آيه: "بكرة إجازة ومش عايزة أنام دلوقتي." ادهم حط التليفون في جيبه وبصلها بتحدي: "عايز أسمع فيلم ومش هينفع تسمعيه معايا." آيه بسخرية: "ليه يعني، فيه حاجات خارجة؟ ادهم بصلها بخبث: "بالظبط. لو انتي عاجبك الموضوع تقدري تقعدي عادي." آيه وشها أحمر من الكسوف

وهي بتدب رجلها في الأرض: "سافل... " ودخلت. ادهم ضحك: "متنسيش الكيس... " آيه طلعت، خدتها ودخلت تاني بغصب. ..... حور واقفة في المطبخ وهي بتعيط، وبتعمل لإيهاب عصير لمون بعد ما فجأة قام وفضل يستفرغ في الحمام. حور طلعت وحطت العصير على الترابيزة ودخلت الحمام ولقيت إيهاب بيغسل وشه. حور مسحتله وشه بالفوطة. وإيهاب عرقان وبيترعش كله. "بقيت أحسن؟ قبل ما يرد عليها، نزل وشه في الحوض تاني. حور بخوف: "... دم...