رواية شمس الزين الفصل الخامس عشر 15 - بقلم حنين علي

شمس ضحكت: بحبك. ابتسموا لبعض وناموا عشان يصحوا يكملوا يومهم في الجامعة. شمس بنعاس: صباح الخير. زين: صباح النور. شمس: ده انت شكلك فايق وصاحي من بدري بقي. زين وهو بيشيل شعرها من على وشها: اها. شمس: هقوم البس وأحضر الفطار عشان نمشي. زين: تمام، أنا كمان هقوم البس عشان ما نتأخرش. شمس غسلت وشها وأخدت دش وغيرت وطلعت. لقت الفطار متحضر وجنبه ورد أحمر جميل وملاحظة صغيرة مكتوب فيها: "وأنا معاك أحب الأيام وأحب الدنيا وأحبك."

زين كان طالع من الأوضة وشكله جميل. شمس قامت وقفت وراحت عنده وباسته من خده. شمس: دي بوسة شكر على الفطار والملاحظة اللطيفة دي. زين: هعملك الفطار وأكتب لك كل يوم. شمس: مش هتمل؟ زين: ابدا. شمس: تعرف! زين: أحب أعرف. شمس: انت ألطف حاجة حصلت في حياتي كلها من يوم ما اتولدت. ديما بحس انت قد إيه جميل على عكس ما كنت بفكر فيك الأول وبتثبت لي تفكيري ده في كل مرة. زين انت الحاجة الوحيدة اللي اثبت فيك جمال حظي حرفيا. أنا بحبك.

زين: وأنا بموت فيكي. خلصوا فطارهم ونزلوا ركبوا العربية وراحوا للجامعة. زين: وصلنا، انزلي وأنا هركن العربية وأجي. شمس: تمام. شمس بترن على ملك تشوفها فين. شمس: فييينك يبنتي مش لاقياكي خالص. ملك: شمس، خطوبتي بكرة. أكيد ما نزلتش الجامعة يعني. شمس: أيداا والله نسيت. ملك: الصحاب في إجازة أصلا. شمس: ما عندناش غير محاضرة واحدة بس، هخلصها وأجيلك. ملك: اشطا، مستنياكي. شمس: اشطا.

شمس قفلت مع ملك الفون ودخلت المدرج عشان تحضر المحاضرة، وكالعادة كانت بتسجل ملاحظات وخلصت وخرجت. دق دق دق. زين: ادخل. شمس: زيين. زين: عيونه. شمس: أنا كده خلصت المحاضرة اللي عندي، ممكن أروح لملك؟ زين: اقعدي خمس دقايق، هخلص الورق ده وهوصلك. شمس: تمام. قعدت تستناه وخلص ومشيوا. زين: هتروحوا فين؟ شمس: مش عارفة، بس هننزل المول نشوف فستان لـ ملك ونخلص حاجتها ونرجع على طول. زين مسك إيديها: تمام، خلي بالك من نفسك.

شمس: وانت كمان. نزلت من العربية وطلعت لشقة ملك. دق دق دق. ملك: ميين؟ شمس: أنا يبت، هو حد يعرفك غيري. ملك: روحي قلبييي، وحشاني أوي. شمس: انت أكتر والله. ملك: ادخلى ادخلى بسرعة. شمس: حاضر، استني. جبتيلي صرص... ملك: مامااا، تعالي سلمي على شمس صحبتي. مامتها: ازيك ي شموسة، عاملة إيه؟ شمس: الحمدلله بخير ي طنط، انت أخبار حضرتك إيه؟ مامتها: في نعمة يبنتي الحمدلله. ملك: يلا يجماعة، يلا يبت، ما تتأخريش.

مامتها: والله ما أنا عارفة يبنتي انت صاحبتي المجنونة دي ليه. شمس: ضحكت، ربنا يهديه. ملك: يلا. شمس: يلا يلا خلاص، سلام ي طنط. مامتها: سلام ي حبيبتي، ابقي تعالي تاني. شمس: أكيد هجيلك تاني ي حبيبتي. ملك أخدت شمس ونزلوا. شمس: ها، هنروح فين بقي؟ ملك: المول. شمس: اشطا يلا. ركبوا تاكسي ووصلوا المول، دخلوا المحلات يختاروا فساتينهم وكده. شمس: كفاية بقي، أنا تعبت. ملك: خلاص والله، آخر محل اللي جاي ده. شمس: ماشييي.

ملك: والله أحلى محل دخلناه لحد دلوقتي. شمس: دي حقيقة. ملك: أي رأيك في الفستان ده؟ شمس: قمر أوي، هيبقي جميل عليكي، جربيه. ملك: اشطا. دخلت ملك تجرب الفستان وشمس كانت بتلف في المحل. ملك: أنا خلصت. شمس: أي دههه، ده إيه القمر ده بجد، اللهم بارك. ملك: حلو بجد. شمس: جميييل، انت اللي محلياه طبعًا. ملك: روحيي، خلاص هاخده. ملك أخدت الفستان وخلصوا. شمس: أنا مبقتش قادرة أمشي.

ملك: هحجز في البيوتي سنتر قريب من هنا، وفيه كافيه قريب برضو هنقعد فيه ونطلب أكل وكده. شمس: اشطا. مشيوا وملك حجزت في البيوتي سنتر وراحوا يقعدوا في الكافيه. ملك: بقولك إيه. شمس: قولي. ملك: كنت بفكر أعزم دكتور زين، بس خايفة يحرجني وما يجيش. شمس: احمم، اشمعنا يعني. ملك: اشمعنا إيه؟ شمس: عايزة تعزميه. ملك: عادي يبنتى، مش الدوك بتاعنا. شمس: كلميه، قدام عايزاه يجي، جربي حظك. ملك: اشطا، هرن عليه دلوقتي. شمس: اشطا.

ملك: شموسه. شمس: نعم، إيه بتبصيلي كده ليه؟ ملك: ما تكلمي انتي بالله. شمس: لا طبعًا، مش هينفع. ملك: لييه؟ شمس: يبنتى، هي دي خطوبتي ولا خطوبتك؟ ملك: عادي يستي، مش انتي البيست فريند ولا محسوبة عليا بيست وخلاص؟ شمس: لا، مليش دعوهه. ملك: اهو فتح. شمس: ردي طيب. ملك: الو. زين: الو. ملك: ملك مع حضرتك يدكتور. زين: اها، ازيك ي آنسة ملك. ملك: الحمدلله. زين: فيه حاجة ولا إيه؟

ملك: كنت بكلم حضرتك أعزمك على خطوبتي، وبصراحة خايفة تحرجني وما تجيش. زين: لا، إزاي طبعًا، هاجي. ربنا يتمم بخير يارب. ملك: شكراً لحضرتك جدًا، والله مع السلامة. زين: مع السلامة. ملك: يختااي. شمس: إيه، موافقش! ملك: لا، وافق. شمس: اشطا، يلا بقي نروح، أنا فرهدت. ملك: اشطا يلا. ملك وشمس ركبوا تاكسي وكل واحدة راحت بيتها. شمس دخلت البيت. شمس: زيين، ي زيين، فينك. شمس دخلت تشوفه في البلكونة. شمس: كنت متأكدة إني هلاقيك هنا.

زين قام حضنها: وحشتيني. شمس: وانت كمان والله. زين: ادخلي خدي دش وغيري وتعالي احكيلي عملتي إيه. شمس: تمام. دخلت أخدت دش وغيرت. شمس: زين. زين: تعالي. شمس: ده انت عامل شاي بالنعناع، ده فيها قاعدة طويلة بقي. زين: مستني أسمعك. شمس بدأت تحكيله على كل حاجة عملوها واشتروا إيه وع الفستان اللي عجبها بس مجابتهوش وقعدتهم في الكافيه لحد ما روحت. شمس: بسكده وجيت. زين: اتبسطي؟ شمس: جدًااا. زين: يارب ديما تكوني مبسوطة.

شمس: وانت كمان.