رواية شمس الزين الفصل الرابع عشر 14 - بقلم حنين علي

شمس: ممكن ننزل نتمشى شوية ع البحر؟ زين: ممكن ليه لا نزلوا يتمشوا شوية ع البحر. قعدوا ف مكان ع البحر ساكتين لفترة طويلة. شمس: تعرف! زين: أحب أعرف. شمس: أحيانا الواحد بيقع ف حب شخص ما لحد ما لدرجة العشق. بتحصل حاجة فجأة وف لحظتها تخليه يفكر إنه يتخلى عن حبه ويمشي. زين: اللي بيحب مبيفارقش. شمس: غصب عنه ممكن يفارق، مش بإرادته.

زين: مش ممكن، معتقدش أبداً إنه حتى لو غصب عنه ممكن يفارق. الشخص ممكن يعمل أي حاجة، يتخلى عن أي حاجة أو حد مقابل إنه ينقذ حبه وميسبش حاجة تلوثه. مقابل إنه بس يلمح نظرة من اللي بيحبه. شمس: ممكن يكون ضعيف أو حاسس إنه هو المذنب. زين: هيفضل معاه، هيحاول، هيقوله، هيعمل أي حاجة مقابل إنه ميبعدش عن نظره من عيني للحظة. شمس: ممكن.. بتحبها زي ما وعدتها قبل ما تسافر إنك هتتجوزها؟ زين بصلها: مش فاهم!

شمس: اللي ظاهر عكس كده، لسه بتحبها؟ زين: محبتش غيرك ولا شايف غيرك. شمس: بس هي بتحبك. زين: هتتعود وتنساني مع الوقت. شمس: بتقول عكس كلامك. زين: يعني؟ شمس: يعني أنت لسه قايل دلوقتي إن اللي بيحب مبيفارقش، مبيفارقش حبه، عن مشاعره، مبيفارقش اللي بيحبه. زين: بس مريم مبتحبنيش، ممكن عشان قريبة مني كبنت عمي وموجود معاها على طول واللي فات كان مجرد إعجاب. شمس: زين، أنت بتضحك على نفسك ولا على مريم؟

بتحبك، أنا سمعتها وهي بتكلم حد ف الموبايل كانت بتقوله إنها بتحبك ومش هتتخلى عنك وعن وعدك ليه، وإنّي جيت بوظت كل حاجة. تعرف إن مريم مش تعبانة ولا حاجة، مريم عملت كده عشان مش عايزانا نبقى مع بعض، وكانت عارفة إن عمي هيرن عليك وانت هترجع عشان هي غالية عليك. زين: مش هيفرق معايا كل الكلام ده، أنا قولتلك إني بحبك ومش شايف غيرك.

شمس: مريم مش هتسيبك وهتعمل أي حاجة عشان ترجعك ليها، هي بتحبك وأنا مقدرش أفرق بينكم حتى لو على حساب قلبي. زين: ميحقلكيش إنك تاخدي القرار ده. شمس: زين، أنا بحبك بس مقدرش ع إحساس إني مفرقاكوا وإني دخلت حياتك بعدها وانت بتحبها، مقدرش. زين حضنها: ششش، أنتِ ملكيش ذنب في أي حاجة ولا في فراقنا. مريم كان اللي بيني وبينها مجرد إعجاب وتافهة من اللي بتحصل مع أي حد قدام الطفولة. شمس، أنا بحبك ومقدرش أستغني عنك، أنت جزء مني.

شمس: ممكن نروح. زين: تمام، يلا. زين أخد شمس وروحوا البيت. دخلوا غيروا لبسهم. زين: شمس. شمس: نعم. زين: أنا بحبك ومش عايزك تفكري ف حاجة غير ف كده. وباسها من جبينها. شمس: وأنا كمان. زين: إيه. شمس ضحكت: بحبكي.