رواية شمس الزين الفصل السادس 6 - بقلم حنين علي

العمده: عمك اتحدد معاي وجالي ابعتك تجيب مريم من المطار، هتيجي بكرة. زين: ما تخلي أي حد من اللي شغالين عندك يجيبها. العمده: أنا جلتلك أنت يا زين، والكلام خلص. زين: حاضر يا عمده، اللي تؤمر بيه. العمده: صفية. صفية: أيوه يا حضرة العمده، تؤمر بحاجة. العمده: وضبي الأوضة اللي جمب أوضة زين فوق عشان مريم تيجي فيها. صفية: حاضر يا عمده. خلصوا أكل، والعمده دخل المكتب، وزين وشمس دخلوا الأوضة بتاعتهم. شمس: زيين. زين: جولي.

شمس: هو أنا هاجي معاك؟ زين: لو عايزة تيجي، تعالي. شمس بتتكلم بغيره: هي مين مريم دي؟ واشمعنا أنت اللي تجيبها يعني؟ زين حس بغيرتها: مريم دي تبجي بنت عمي، أكبر منك بسنة. تجربيا هتحبيها لما تعاشريها. شمس: وأنت ع كده بتحبها؟ زين: أيوه طبعًا، أحبها ليه؟ مش بنت عمي برضه، ولا إيه. شمس: طب بعد إذنك، اطفي النور عشان عايزة أنام. زين: هما البنات أجده، لو في نص الشارع، هتقولك عايزه أنام. شمس: زيين. زين: إيه.

شمس: اطفي النور وتعالى نام معايا، عشان بخاف من الضلمة. زين: إحنا مش لسه صاحيين. شمس: معلش، أنا عايزة أنام دلوقتي. زين: طيب، أنا خارج. شمس: رايح فين كده؟ زين: ملكيش صالح، أنا مبحبش حد يسألني رايح فين ولا جاي منين عاد. شمس: أووف، ماشي. زين خرج، وشمس قاعدة هتولع في دمي. شمس: لا، أنا مش هحرق في دمي، وهو خارج، قومي يابنت اعمليلك فشار واسمعي فيلم وكلي.

شمس قامت، لبست هوت شورت ورفعت شعرها كعكة كده، ونزلت خصلتين من الجنب، وكان شكلها قمر. عملت بقي فشار وجابت بيبسي وشوكولاتة وقعدت تسمع فيلم. شمس: هو اتأخر كده ليه؟ شمس: لا، متأخرش، ده لسه خارج. شمس: أيوه برضو، اتأخر. شمس: أنتِ مالك، ما يتأخر براحته، أنتِ مالك. شمس: أيوه صح، أنا مالي، بس حاسة إنه واحشني أوي، اللي منه لله ده، لا، بعد الشر منه لله، إيه، عشقته؟ عليا النعمة عشقته وأنا م أدريانة، وهتبقي رواية "عشقت الزين".

شمس: أنتِ اتهبلتي. شمس: بس يلهوي ع البدلة، يولاه، يختااااي، الواد حتة قشطة كده، مني لله، والله بقي ده ميتحبش، هكلمه أنا. شمس: ألو، يازين. زين: ألو. شمس: كنت عايزاك تجبلي حاجة معاك. زين: جولى ياشمس. شمس: عايزة مصاصات وجيلي كولا وشبسي ولبان وأيس كريم وشوكولاتة كتير عشان اللي هنا خلص. زين: حاضر، تؤمر بحاجة تاني. شمس: زين. زين: نعم. شمس: هتيجي امتى؟ زين: شوية وجاي.

شمس: طيب، متتأخرش، وخلي بالك من نفسك، ومتنساش تجبلي اللي قولتلك عليه. زين: حاضر، وأنتِ كمان، مع السلامه. شمس قفلت الفون، وكملت أكل في الشوكولاتة اللي قدامها. خلصت أكل، وغسلت، وقعدت ع السرير تستنى زين. زين وصل البيت وطلع فوق للأوضة وهو معاه الحاجة اللي طلبتها. زين: شمس. شمس: نعمم، اتأخرت كده ليه؟ فصلت مستنياك. زين: كنت قاعد مع صحابي شوية. شمس: طيب، جعان! زين: أيوه، بس صفية زمانها في سابع نومة دلوقتي.

شمس: طيب، غير وتعالى ننزل نعمل أكل أنا وانت. زين: أنتِ هتنزلي كده؟ شمس ده كله بتستوعب إنها لسه لابسة قدامه الهوت شورت. شمس صوتت في وشه وجريت تغير. لبست الإسدال وطلعت. زين ضحك عليها ودخل غير ونزلوا المطبخ يعملوا أكل. زين: بتعرفي تعملي إيه؟ شمس: هقلي بطاطس وبانيه، معروفة يعني. زين: هاتي، أقطع البطاطس. شمس: بتعرف! زين: أهه. شمس: تمام، وأنا هقلي البانيه. بيعملوا الأكل وكل واحد بيبص للتاني من غير ما ياخد باله.

شمس: تسمع أغاني؟ زين: أسمع. شمس: هشغل أغنية جديدة، بس بحبها أوي. زين: سمعيني. شمس شغلت أغنية. الأغنية: حبيت واخيرا جالي اللي سنين اتمنيته دعوة وربنا جبهالي بعلن للناس حبيته ياااه بقيت وياه وياه دي أحلى حياة. زين ساب البطاطس وراح حضن شمس من ضهرها. شمس لفتله: زين. زين: عيونه. شمس اتكسفت. زين باسها من خدها: بحبك.