رواية شمس الزين الفصل الثاني 2 - بقلم حنين علي

شمس صحيت من النوم ودخلت الحمام تاخد دش. أول ما طلعت، شمس (بصريخ) اعاااا! شمس انت مين وبتعمل ايه هنا؟ زين (ببرود) بردُه. شمس شافت زين نايم على السرير، قالع التيشيرت ونايم بالبنطلون وعضلاته باينة. كان طويل، بشرته قمحاوية، وملامحه حادة، وشعره أسود غزير، ورموشه سوداء وغزيرة. شمس لو سمحت، لو سمحت، عيب كده. اتفضل برا أوضتي. زين ششش. مش عايز أسمع صوت. سيبيني لحالي. شمس أسيبك إيه؟ مش فاهمة. وبعدين دي أوضتي، إزاي تدخل كده؟

زين قام وقعد نص قعدة كده على السرير. شاف شمس واتصدم من جمالها. بشرتها بيضا جداً، وشعرها بُني تقيل وطويل، وعيونها عسلي، وخدودها حمرا طبيعي. بشرتها بيضا وقصيرة شوية، وجسمها مناسب لسنها. زين أوضتنا، قصدك أوضتنا. وأنا جوزك زين الصعيد. تؤمري بحاجة تاني عاد؟ شمس جوز مين؟ أنا مش متجوزاك. أنت أنا باب... أنا الحج أحمد جوزني للحج رؤوف مقابل فلوس وشيكات وحاجات كده. زين فهم إن الحج أحمد ده يبقى والدها، وهي مش عايزة تقول اسمه.

زين لأ، أنتِ فاهمة غلط. الحج رؤوف ده يبقى عمي، أبويا. وهما جوزونا لبعض. يلا اتأجّي تنامي، يا تسبيني عشان أنام، وبعدين نتحدّث أنا وأنتِ. شمس حاضر. أنا نازلة تحت. زين نازلة فين بخلجاتك دي عاد؟ شمس بص، أولاً كده أنت متعرفنيش وأنا معرفكش. وهما كام شهر وأنا هكلم العمده إن شاء الله وأنا أشوف تعليمي ومستقبلي، وأنت تشوف حياتك. زين (اتعصب وعينه احمرت) لما تتحدّثي مع زين الصعيد، تتحدّثي عدل، فاهمة؟

ومين جالك إنك هتفضلي على زمتي أو هتحددي اللي هيحصل. وأنا لما أقولك مفيش نزول أكده، يبقى مفيش نزول أكده. البسي لك جلابية ولا أي حاجة، والبسِ حاجة تغطي بيها شعراتك دي. شمس خلاص، حاضر. حاضر. أنا آسفة. زين لاحظ خوفها وتوترها. زين خلاص، مش عايز أسمع تاني. شمس حـ... حاضر. زين لف وشه وكمل نوم. شمس طلعت عباية وطرحة لبستهم ونزلت تحت. شمس صفية... يا صفية. صفية أيوه يا شمس هانم. شمس هو العمده فين؟ صفية

في المكتب هناك، على إيدك الشمال. شمس طيب، أنا هروحه. (دق دق دق) العمده ادخل. شمس السلام عليكم. العمده وعليكم السلام. ارتاحي يبنتي. شمس أنا آسفة ياعمي على الطريقة اللي اتكلمت بيها، بس حضرتك شوفت الظروف اللي أنا فيها، وشوفت أبويا باعني بشوية فلوس إزاي. العمده متزعليش يبنتي. ربنا مبيضيعش حق عبده. وبعدين أنا عندي خبر مليح لك. شمس خبر إيه ياعمي؟ العمده أنتِ معاكِ الشهادة الثانوية صح؟

عرفت إنك جايبة مجموع طب، بس أبوكي قعدكِ في البيت. شمس أيوه. العمده أنا أخدت الورق بتاعك وهتتحدّثي مع زين لما يصحي يقدملك في الجامعة. شمس بجد ياعمي؟ أنت عملت اللي معملهوش بابا. ربنا يحفظك ليا يارب. العمده ويحفظك لينا يا زينة البنات. شمس بس... ا... العمده بس إيه يبنتي؟ قولي اللي عندك. شمس بخصوص جوازي أنا وابن حضرتك زين. العمده

متخافيش يبنتي. أنا فاهم زين على كل حاجة. زين راجل وعارف معاملته ليكي جاسية شوية، بس عشان كل شيء تم بسرعة. شمس تمام. عن إذنك ياعمي، هطلع أتمشى في الجنينة. العمده خدي راحتك يبنتي. البيت بيتك. شمس قعدت على كرسي في الجنينة وبدأت تعيط على اللي بيحصل معاها، واللي أبوها عمله. زين إيه حكايتك؟ بتعيطي ليه؟ شمس اتخضت. شمس مـ... مفيش حاجة. زين أنا قولتلك إني مبكررش كلامي، صح؟ شمس أيوه صح. معلش، أنا آسفة، بس مش قادرة أحكي دلوقتي.

صفية ي سيدي العمده عيناديك. زين قول له جاي يا صفية. صفية حاضر يا سيدي. زين راح للعمده في المكتب. زين كيفك ي عمده؟ العمده اقعد ي زين. زين قعدت. العمده ......... زين كيف يعني هتِعمل أكده؟ لأ، أنا مش راضي على الكلام ده.