رواية شمس الزين الفصل الثاني عشر 12 - بقلم حنين علي

هنروح فين ده مش طريق البيت زين: راجعين الصعيد، العمده اتصل بيا وقالي إن مريم تعبانة. شمس: اها، الف سلامة عليها. زين: الله يسلمك. عدى وقت ووصلوا الصعيد. زين: يلا. شمس: يلا. زين: أول مرة متناميش في الطريق. شمس: مش جايلي نوم خالص. زين: لما تطلعي فوق هترتاحي وتنامي. شمس: اها، بس نطمن على مريم الأول. زين: تمام. دخلوا البيت. زين: صفية. صفية: نعم يا بيه. زين: العمده فين؟ صفية: في أوضة مريم هانم. زين: طيب. دق دق دق.

العمده: ده أكيد زين. زين: إيه اللي حصل واتعبت إمتى؟ العمده: والله ما أنا عارف يا زين، وجبتلها دكتور كتبلها على شوية علاج وقال تعتنوا بيها كويس وهتبقى زينة. زين: خير إن شاء الله، الف سلامة عليكي يا مريم. مريم: الله يسلمك يا زين، أمال فين شمس؟ شمس: أنا هنا، إيه الأخبار دلوقتي؟ مريم: كويسة الحمد لله، انتوا أخباركوا إيه؟ شمس: كويسين الحمد لله، هنسيبك ترتاحي شوية. مريم: تمام. شمس وزين طلعوا الأوضة يغيروا.

شمس: هنزل أقعد مع مريم شوية، يمكن محتاجة تتكلم. زين: تمام، ماشي. عند مريم في أوضتها. مريم: أيوا يبنتي، لا طبعاً عملت كده عشان عارفة عمي هيتصل عليه ويرجعه. مريم: بتقولي إيه؟ ميصحش اللي بعمله، وهو كان يصح لما يتجوز غيري لما سافرت؟ مريم: لا مش غلط، وأيام إعدادي كان واعدني إنه هيتجوزني أنا. مريم: انت متخلفه! لا طبعاً مبفكرش في فلوس، أنا بحبه بجد.

مريم: أيوا يستي، ارتاحي، بحبه وبحب فلوسه، بس متنكريش إني بحبه، وانت عارفة ده ومش هرجع عن اللي في دماغي. مريم: تمام، اقفلي انتي وأنا هنام شوية، سلام. شمس: إيه الأخبار دلوقتي؟ مريم: ا ا بخير الحمد لله. شمس: يارب ديما تكوني بخير. مريم: ا ا انتي هنا من بدري؟ شمس: لا لسه جايه، مالك متوترة كده ليه؟ مريم: لا لا مش متوترة ولا حاجة، المهم انت أخبارك الجامعة إيه وكده؟

شمس: كله تمام، متقلقيش، أنا قولت أجي أقعد معاكي شوية لو في حاجة وحابة تفضفضي. مريم: ا ا لا مفيش حاجة، ده أنا حتى كنت رايحة أنام، بس انتي جيتي نقعد شوية بقى. شمس: تمام، هسيبك تنامي شوية. مريم: تمام. شمس طلعت الأوضة. زين: ما تيجي تنامي. شمس: حاضر. زين كان نايم وشمس مش جاييلها نوم وقاعدة. ترن ترن ترن. شمس: الو. ملك: الو، فينك؟ برن عليكي ننزل شوية. شمس: رجعت الصعيد النهارده. ملك: الصعيد!! المهم صوتك متغير كده.

شمس: من السفر راجعة مفرهدة خالص. ملك: اشطا، كنت هحكيلك على حاجة بس هسيبك تنامي. شمس: لا احكي، مش جايلي نوم أصلاً. ملك: اشطا، فاكرة الولد اللي وقفك تاخدي منه الكشكول؟ شمس: أيوه، ماله ده؟ ملك: لما دبستيني معاه وكده. شمس: حساكي عاملة مصيبة. ملك: أنا يبنتي، شكراً على ثقتي الغالية. شمس: طب قوللي. ملك: طلب إيدي. شمس: بتهزرااااي؟ ملك: لااا. شمس: إيه خدمة، وفقت راسين في الحلال.

ملك: المهم اتفقنا هنعمل الخطوبة في البيت يوم الجمعة الجاية، انتي جاية؟ شمس: طبعاًاا، دي فيها كلام. ملك: اشطا، هقفل أنا عشان يوسف بيرن. شمس: أيوا بقى. ملك: بس بتكسف. شمس: يلا هقفل أنا، سلام يبيبي. ملك: سلام يا روحي. زين: بتكلمي مين؟ شمس: بسم الله، خضتني، دي ملك صاحبتي. زين: اممم. شمس: كانت بتعزمني على خطوبتها الجمعة الجاية. زين: امم. شمس: امم إيه! زين: هفكر. شمس: تمام. زين: مالك متغيرة أكده؟ شمس: مفيش.

زين شدها لحضنه: لا في، لاوية وشك ليه أكده؟ شمس طلعت من حضنه: بقولك مفيش يا زين. زين: ماشي، بس أكيد هعرف فيه إيه. شمس: ماشي. طلعت عملت شاي بالنعناع ووقفت في البلكونة. زين: يعني مش هتعزمي عليا بالشاي؟ شمس: هقوم أعملك. زين: لا اقعدي، هشرب معاكي من كوبايتك. شمس: ماشي. زين: مش هتقوليلي بقى فيه إيه؟ شمس: زين طلقني.