رواية شمس الزين الفصل الثالث عشر 13 - بقلم حنين علي

شمس: طلقني. زين: شمس... شمس. شمس: نعم، معلش سرحت شوية. زين: شكلك مش مظبوط، فيكي حاجة ومش عايزة تقولي؟ مالك؟ شمس: قلت لك مفيش يا زين، مفيش حاجة. لو في هخبي عليك ليه؟ زين: طيب، هستناكي لما تيجي وتحكيلي لوحدك. شمس: تمام. هنرجع تاني امتى؟ زين: نطمن على مريم ونمشي. شمس: تمام. زين: هنزل أشوفها دلوقتي. شمس: ماشي. زين نزل لمريم. دق دق دق. مريم: ادخل. زين: إيه الأخبار دلوقتي؟ مريم: بخير بوجودك. زين: يا رب ديما بخير.

مريم: هتفضل واقف بعيد كده؟ زين: معلش، جيت أطمن عليكي عشان همشي أنا وشمس، عندها خطوبة صاحبتها كمان يومين. مريم: اقعدوا يوم كمان وروحوا بكرة. زين: هشوف شمس. مريم: ما تيجي نتمشى شوية تحت، اتخنقت من قاعدة الأوضة. زين: تمام. خرجوا من الأوضة ونزلوا يتمشوا في الجنينة. مريم: مقلتليش علاقتك انت وشمس اتحسنت ولا إيه؟ زين: يعني إحنا كويسين حالياً، بس مش عارف حاسسها متغيرة من ساعة ما جينا. مريم: كح كح، متغيرة إزاي يعني؟

زين: مش عارفة، بس كأن في حاجة مضايقاها، بس هعرف. مريم: تلاقيها بس عشان غيرت المكان وجيتوا فجأة وكده. زين: يمكن. مريم: متضغطش عليها برضو، وهي لو في حاجة أكيد هتقولك. زين: تمام. يلا اطلعي انت عشان نمشي. مريم: يعني مش هتقعدوا شوية؟ زين: عشان شمس متزعلش. مريم: تمام. مريم سلمت على زين وحضنته، وشمس كانت شايفة دول من شباك الأوضة. زين طلع لشمس الأوضة. زين: جهزتي؟ شمس: بلبس أهو. زين: طيب، هنزل أستناكي تحت. شمس: ماشي.

زين نزل يستنى شمس تحت، وشمس قفلت الأوضة وراه وقعدت تعيط فترة. شمس: أنا خلصت. زين: كنت بتعيطي؟ شمس: لا. زين: ماشي، اركبي يلا. شمس: تمام. شمس ركبت هي وزين العربية وبدأوا مشوارهم. شمس كانت قاعدة باصة للشباك وسرحانة، وزين كل شوية يبصلها. زين: مش عايزة تحكي؟ شمس: مفيش حاجة أحكيها. زين: بس أنتِ متغيره كده.

شمس: عادي، كلنا بنتغير بطرق مختلفة، كلنا بنسمع حاجات تغيرنا وبنشوف حاجات تغيرنا وبنمر بحاجات تغيرنا لدرجة إننا منعرفش نفسنا بعد ما اتغيرنا، وبتكبرنا بتكبر عقلنا، بتكبر وتغير طريقة تفكيرنا، بتغير اتجاهاتنا وخططنا لحياتنا، كلنا بنتغير، ولازم تبقى عارف كده، تبقى عارف إن اللي حواليك ممكن يتغيروا في أي وقت في أي لحظة. زين: اللي صادق ما بيتغيرش. شمس: كله بيتغير، حتى انت هتمر بحاجات تغيرك. زين: يمكن!

وصلنا، انزلي، هركن العربية وأجي وراكي. شمس: تمام. هطلع أنام عشان تعبانة شوية من الطريق. زين: تمام. شمس طلعت غيرت ونامت. زين ركن العربية وطالع. زين: شمس نمتي؟ زين غير وطلع البلكونة قعد فيها وشغل أغنية لأم كلثوم. عدى فترة وزين قاعد في البلكونة بيسمع أم كلثوم. "العيب فيكوا يا في حبايبكوا، أما الحب أما الحب يا روحي عليه يا روحي عليه." شمس: تشرب شاي بالنعناع؟ زين: أشرب. شمس: تمام، هعمله وأجي. زين: استنى، هاجي أعمله معاك.

شمس: تمام. زين قام مع شمس ودخلوا يعملوا شاي وطلعوا يشربوه في البلكونة. شمس: ملك كلمتني، هنزل معاها بكرة أشتري حاجات عشان الخطوبة. زين: تمام. شمس: زين. زين: اممم. شمس: محبتش قبل كده، يعني مكنش في حد في حياتك، كنت معجب بحد، حاجة كده؟ زين: لا، بتسألي ليه؟ شمس: عادي، أصل أي حد ممكن يكون حب قبل كده أو بيحب يعني، قولت ممكن تكون بتحب ولما جيت أنا بوظتلك الدنيا. زين مسك إيدها: لا يا حبيبتي، محبتش قبل كده، محبتش غيرك ولا هحب.

اتنفس براحة ورجع بظهره على الكرسي. يعني كنت ضد الحب وإن حد يدخل حياتي، بس جيتي انت غيرتيها، غيرتيلي كل خططي، انت الشخص اللي اتكلمتي عليه لما قولتي كلنا بنتغير بطرق مختلفة، وانت دخلتي حياتي غيرتيني وغيرتي حياتي، بس أنا فرحان بالتغيير ده، بالعكس مش مضايق إطلاقاً. شمس أخدت نفس عميق: ممكن ننزل نتمشى شوية على البحر؟ زين: ممكن، ليه لأ.