تحميل رواية شمس والجن العاشق بقلم احمد حسن pdf

الأم .. انتي يازفتة ياشمس مبتشبعيش نوم

شمس .. هووووه ايه ياماما لسه بدري

الأم .. يلا ياجزمة الساعة بقت 9 هتأخري على الجامعة

شمس .. ماشي ياست ماما جاية اه

جرس الباب يرن

الأم .. افتحي الباب ياشمس

شمس .. انا في الحمام ياماما

الأم .. خلاص رايحة مشفتش حد بيقعد ساعة في الحمام غيرك

الام .. اهلا ملك حبيبتي

ملك .. ازيك ياطنط

الأم .. الحمدلله ياحبيبتي

ملك .. هي الست شمس لسه بتجهز

الأم .. هعمل ايه يابنتي ساعة عشان تصحا وساعة قدام المرايا

شمس .. احم احم انا جيت واضح انكم بتتكلمو عليا

ملك .. اخلصي ياهانم المحاضرة هتروح علينا

الأم .. افطرو الأول حرام مجهودي في المطبخ يروح هدر

ملك .. بصراحة الفطار يجنن وبطني هتوجعني لو مكلتش منه

شمس .. حكمت محكمة شمس العائلية بعدم ترك فطار ماما الحبيبة حتي يخلص عن أخره

الأم .. ادي ال انت فالحة فيه طول ما انتي قاعدة مبتبطليش هزار وضحك

شمس .. هو احنا بس ال هنفطر ؟

شمس .. احم احم اه يااختي هو انتي مستنية حد تاني😂

ملك .. والله ياطنط هضربها شاهدة هي بترخم عليا ازاي

الأم .. 😂😂 اتلمي ياجزمة وملكيش دعوة بصحبتك

محمود .. صباح الخير اسف أتأخرت عليكم

الأم .. صباح الورد ياحبيبي ايه ال صحاك بدري

شمس .. هو مش معادك الساعة 12 بردو ياحودة😉😂

محمود .. اهو لسانك ده ال هيجيبلك الكافيه

ملك .. صباح الخير يامحمود

محمود .. صباح الفل والورد والياسمين و…..

شمس .. حيلك حيلك نحن هنا😂

ملك .. يلا بينا ياهانم احنا اتأخرنا

شمس .. يلا باي ياماما باي نحنوح قصدي ياحضرت الظابط😂

محمود .. ادي دقني إن فلحتي

ملك .. المحاضرة بدأت من ربع ساعة

شمس .. ربنا يستر من الدكتور

الباب خبط

الدكتور .. اهلا اهلا وياترى الهوانم كانو فين

شمس .. في البيت يادكتور

الطلبة .. 😂😂😂😂😂😂😂😂

الدكتور .. كله يسكت بتضحكو على ايه!!

الدكتور .. وانتي ياأستاذة شمس هتشيليني ما أنا عارف إنك كنتي في البيت ..إيه ال أخرك ؟

شمس .. كنت بفطر يادكتور

الطلبة .. 😂😂😂😂😂😂😂😂😂

الدكتور .. كله يخرس .. أطلعي برة ياهانم روحي احبسي بكوباية شاي على ما تخلص المحاضرة

شمس .. شاي فتلة ولا عروسة ؟

الدكتور .. بررررررره😣😣

ملك .. عاجبك كده أهو طردنا

شمس .. أنا اصلا مليش مزاج للمحاضرة النهاردة

ملك .. مالك كده ؟

شمس .. تعبانة والله ياملك

ملك .. خير ياحبيبتي فيكي ايه؟

شمس .. طول الليل ما نمتش

ملك .. حب جديد ولا ايه😂😂🤔

شمس .. حب ايه بس والله انتي رايقة

ملك .. امال ايه؟

شمس .. طول الليل حاسة إن في حد في الأوضة

ملك .. ازاي ده؟!

شمس .. مش عارفة حاسة بنفس في الأوضة وحد بيشد من عليا اللحاف وكأن في حد حاضني كل ما أصحى ابص حواليا مشوفش حد

ملك .. تلاقيقي بس كنتي بتحلمي بكابوس

شمس .. أنا مش موهومة ياملك فعلا ده كله بيحصل ومش أول مرة

ملك .. هتقلقيني عليكي ليه

شمس .. يلا بينا نتمشى شوية وبعد كده نروح

فعلا اتمشو شوية وروحت شمس ع البيت وقضت يومها عادي قعدت مع ماما اتفرجت ع التليفزيون وجت ساعة النوم

شمس .. أنا داخلة انام ياماما عايزة حاجة

الأم .. لا ياقلبي تصبحي على خير

دخلت شمس وبدأت تتظاهر إن مفيش حاجة عشان تقوى قلبها وشغلت الهاند فري في ودنها وفضلت تسمع أغاني لحد ما نامت

بعدها بساعتين الكهربا قطعت وكل ال ف البيت نايم حست شمس إن في حد بيشد اللحاف من علي جسمها وهي ترجعه تاني وهو يشده تاني وهي في قمة الرعب ……………………………

صرخات شمس علت وجاءت أمها تجري، وأخوها محمود خلفها.

الأم: مالك ياشمس؟ خير يابنتي؟

محمود: فيكي إيه ياشمس؟

شمس: مش عارفة، حاسة إن في حد معايا بالأوضة وبيشد اللحاف من عليا. 😢😢

الأم: استعيذي بالله يابنتي، ده كابوس.

محمود: بقا حتة كابوس ياخايبة يخليكي تعملي كده؟ 😁

شمس: لا يامحمود، مش كابوس، أنا كنت صاحية. من أول الكهربا ما قطعت.

الأم: بس الكهربا مقطعتش يابنتي!

شمس: إزاي مقطعتش؟

محمود: مش قولنالك كابوس. 😁

الأم: بطلي أم الأغاني دي اللي بتسيبيها شغالة في ودانك وتنامي.

محمود: يلا ياماما، سيبيها تنام وإحنا كمان ننام.

الأم: اقري آية الكرسي قبل ما تنامي.

شمس: حاضر ياما.

رغم إن كلام ماما ومحمود منطقي، وإن ده فعلاً ممكن يكون كابوس، بس كان في تساؤلات بتدور في دماغي:

هو فعلاً أنا كنت نايمة؟

بس إزاي؟ لا، أنا كنت صاحية.

طيب والكهربا اللي أنا شفتها قطعت وهي مقطعتش؟

واللحاف اللي اتشد من عليا وأنا حاسة بيه؟

أوووف، وبعدين أنا مفيش قدامي غير إني أصدقهم، وإن ده فعلاً كابوس.

مع ذلك، مقدرتش أنام الليلة دي، وفضلت صاحية لحد الصبح.

الأم: يلا ياشمس، اصحي يابت.

شمس: أنا صاحية ياماما.

الأم: غريبة، أول مرة تصحي بدري.

شمس: أنا أصلاً منمتش ياماما.

الأم: ليه يابنتي؟

شمس: معرفتش أنام تاني، وإنتي عارفة، لما بصحى مش بعرف أنام تاني.

الأم: طب يلا، صاحبتك زمانها جاية.

شمس: لا ياماما، مش هقدر أروح الجامعة النهاردة.

الأم: ليه بس؟

شمس: تعبانة شوية.

الأم: طب قومي افطري.

شمس: مليش نفس، سبيني بقا ياماما.

الأم: أنا مش عارفة إيه دلع البنات ده بتاع اليومين دول.

شمس: خدي الباب في إيدك والنبي ياماما.

وصلت ملك كالعادة في ميعادها.

ملك: صباح الخير ياطنط.

الأم: صباح الخير. جيتي في وقتك، ادخلي شوفي صاحبتك، بتقول مش هتروح الجامعة النهاردة.

ملك: لاااا، أنا لا يمكن اسمح بكده أبداً، أنا هدخلها. انتي ابت، إيه يا شمس؟

شمس: ادخلي يانيلة.

ملك: مالك يابت؟

شمس: تعبانة أوي والله ياملك.

ملك: خير، فيكي إيه؟

شمس: الموضوع اللي حكيتلك عليه اتكرر امبارح، أعصابي تعبت.

ملك: كده الموضوع ميتسكتش عليه.

شمس: أعمل إيه يعني؟

ملك: لازم تروحي لدكتور نفسي.

شمس: انتي شايفة إني مجنونة ياملك؟

ملك: لا ياحبيبتي، مقصدش، بس ده شيء طبيعي.

شمس: امشي ياملك، امشي عشان متفجرش فيكي زي الأنبوبة دلوقتي.

ملك: قبل ما أمشي، هو محمود متكلمش معاكي في حاجة؟

شمس: حاجة زي إيه؟

ملك: هنستهبل؟

شمس: يابت، اتقلي ع الواد شوية، يخربيتك.

ملك: هو أخوكي خلى فيا عقل؟

شمس: 😅😅😂

ملك: أيوة كده، اضحكي ياجميل، خلي الدنيا تنور. 😂

شمس: عالعموم، هو كان بيكلم ماما امبارح في إنه يروح يتقدملك.

ملك: بجد؟ 😍😍😍😍😍

شمس: يخربيت هطلك يابت، الراجل ما بيحبش البنت اللي بتبقى واقعة عليه، اتقلي شوية، هتطيريه من إيدك.

ملك: ماشي ياقلبي، يلا باي، الحق أفطر مع زوجي مقدماً. 😂

شمس: لا، تقيلة، تقيلة، روحي ياخايبة. 😁

شوية ومحمود جه.

محمود: عاملة إيه ياحبيبتي؟

شمس: الحمدلله يامحمود. إيه الشياكة دي؟

محمود: مفيش أهو، تغيير.

شمس: رايح فين بدري كده؟

محمود: عندي شوية حاجات هعملهم.

ملك: سيبيه بقا ياست شمس، أنا أخرت على جامعتي.

شمس: ااااااه، هو انت هوصل ملك النهاردة؟

محمود: اه، معدي من عند الجامعة قلت أوصلها في السكة.

شمس: حيث كده بقا، أنا هعد لحد 5، لو لقيتكم لسه هنا، والله هقوم أغير هدومي وأروح الجامعة.

محمود: اجري ياملك.

شمس: 😂😂😂😂😂😂😂😂

الأم: أنا نازلة أتسوّق شوية حاجات للبيت، عايزة حاجة ياحبيبتي؟

شمس: عايزة سلامتك ياماما.

خرجت ماما وبقيت أنا لوحدي في البيت. قعدت أتقلب يمين وشمال، وبرضو مش عارفة أنام. قمت دخلت الحمام أخد دوش عشان أطلع من المود اللي أنا فيه. خلعت هدومي وشغلت الدوش، ونزلت الصابون على عينيا، وفجأة المياه قطعت. حاولت أوصل للفوطة عشان أمسح عينيا، وفعلاً حطيت الفوطة على وشي وبدأت أمسح الصابون. وفي لحظة ما الفوطة على وشي، حسيت إن في حد قدامي، حاسة بنفسه على وشي. في نفس اللحظة الكهربا قطعت، وبقيت مرعوبة وخايفة أنزل الفوطة.

بدأت أنزل الفوطة من على وشي وأنا مرعوبة لأني حاسة إني هلاقي عفريت واقف في وشي.

بس جمدت قلبي ورحت كاشفة وشي مرة واحدة.

والحمدلله ملقتش حاجة.

بس ده طبعًا ميمنعش إني أخدها جري ع الأوضة.

دخلت الأوضة وبدأت البس هدومي.

وفي لحظة كده دماغي جمعت إن كان في حد قاعد على الأنتريه اللي في الصالة وأنا بجري على الأوضة.

فبدأت أقول: "انتي جيتي ياماما؟"

بس محدش رد.

قلت: "بس ده محمود واتحرجت أوي."

المهم إني خرجت من الأوضة وشايفة محمود قاعد بس مديني ضهره.

فبدأت أكلمه: "إيه الـ رجعك بدري ياحودة؟"

مردش عليا.

قلتله: "مالك ياواد البت ملك زعلتك ولا إيه؟"

برضه مردش.

رحت ماشية عليه وأنا بقوله: "لما أكون بكلمك ترد عليا ياحيوان."

بصيت لقيت حد غير محمود.

أتخضيت وفضلت أصرخ وهو قاعد ولا فارق معاه.

فجأه الباب اترزع وفي شخص جاي يجري عليا بيقولي: "إيه؟"

شاورت على الشخص اللي قاعد وبقوله: "الراجل ده…."

بصيت لقيت الأنتريه فاضي.

في نفس اللحظة وصل أخويا محمود.

لقي الشاب ده معايا وبدون ما يستفسر قام طلع سلاحه وضربه طلقة في كتفه.

فقد الوعي.

صرخت والناس اتلمت.

حكيت لمحمود الـ حصل.

راح محمود واخد الشاب وأنا رحت معاهم على المستشفى.

المهم الحمدلله لحقناهم.

محمود: مين ده؟

شمس: أنا سمعت البواب بيقول إن ده الساكن الجديد اللي في الشقة اللي قصادنا.

محمود: أنا لازم أقعد معاكي وأشوف موضوع الوهم ده.

شمس: واللهي ما وهم.

المهم خلينا في المسكين ده.

محمود: كملت أهي ماما وصلت، استلقي بقا.

الأم: خير يا ولادي؟ الراجل تمام؟

محمود: تمام ياماما الحمدلله.

الأم: ويعني إنت مش تستفهم دايما كده، متسرع؟

محمود: مش وقته ياماما الكلام ده.

الدكتور حسين: الحالة دي يامحمود لازم تتحجز على الأقل شهر.

وأنت عارف إنه مينفعش يقعد من غير تصريح.

وأكيد التصريح مش في صالحك لأن ده مضروب بطلقة في كتفه ولازم يتحقق معاه وساعتها أنت الـ هتضر.

محمود: لا يادكتور أنا هروحه بيته وهلبي كل متطلباته هو وأسرته.

الأم: فيك الخير يادكتور وجميلك ده على راسنا.

الدكتور: عيب ياماما الكلام ده أنا ومحمود عشرة قديمة.

محمود: وهو ده حبيبي ياحسين طول عمرك رجل مواقف.

الدكتور: الحالة فاقت جوه تقدروا تمشوا بس بالراحة عليه.

فعلاً دخلوا كلهم عند الشاب.

محمود: آسف جدًا والله مش عارف أقولك إيه.

الأم: حقك علينا يا ابني إحنا آسفين جدًا وإحنا تحت أمرك.

الشاب: متعيطيش يا أمي قدر الله وما شاء فعل.

ومحمود معذور أي حد في مكانه كان هيعمل كده.

الموضوع سوء تفاهم مش أكتر.

شمس: أنا مش عارفة أقولك إيه.

الشاب: متقوليش حاجة حصل خير.

محمود: غريبة أنا كنت متوقع يكون رد فعلك غير كده خالص.

الشاب: أنت بس اللي مكبر الموضوع.

الأم: مش هتقولنا اسمك بقا؟

الشاب: اسمي حسن.

الأم: عاشت الأسامي يا أستاذ حسن.

محمود: بص يا حسن هو الدكتور قال إنه يفضل إنك ترتاح في البيت.

إيه رأيك؟

حسن: ماتخفش ياحودة فاهم كل حاجة.

وبعدين البيت أحسن من رقدت المستشفى.

الأم: إحنا مستعدين نعوضك بأي حاجة أنت بس تؤمر.

حسن: عيب يا أمي الكلام ده إحنا نفهم في الأصول برد.

الأم: لا يابني مقصدش أزعلك واللهي.

محمود: يلا بينا نتوكل على الله.

الدكتور: مش هوصيك يا حسن المشي في أول أسبوع ممنوع.

حسن: تمام يادكتور.

واخيراً وصلنا.

حسن: أنا حاسس إني أقدر أطلع لوحدي.

وبعدين ياسيدي الأسانسير موجود.

محمود: وبعدين؟

انت نسيت الدكتور قال إيه؟

حسن: شيل ياسيدي.

محمود: خبطي على الباب ياشمس.

حسن: لا هما مش موجودين.

محمود: امال فين؟

حسن: مراتي راحت تزور أهلها شوية وراجعة.

عم عبده: طالع ع السلم.

الف حمدالله ع السلامة يا أستاذ حسن.

حسن: الله يسلمك يا عم عبده.

عم عبده: أنا هنزل أجيب شوية خضار ولحمة عشان هعملك حتة أكلة إنما إيه فلة.

الأم: إزاي ياعم عبده هي مراته مش جاية؟

عم عبده: مرات مين ياهانم؟ أستاذ حسن عايش لوحده.

حسن: اسكت يا غبي.

محمود: امال بتقول مراتك وطالع لينا بميت حجة ليه!

حسن: مش بحب أكون تقيل على حد.

الأم: يابني إنت بتتكلم إزاي؟ الكارثة اللي إنت فيها دي إحنا السبب فيها.

يلا يامحمود شيله ودخله عندنا.

حسن: بس…

الأم: مفيش بس اسمع الكلام لحد ما تقوم بالسلامة.

أنا هجهز لقمة كده وإنتي ياشمس ظبطي أوضتك عشان حسن هيقعد فيها وإنتي هتنامي معايا في أوضتي.

شمس: حاضر ياماما.

فعلاً، أكلو مع بعض وبعدين دخلوا حسن أوضة شمس.

وحسن نام والبيت كله نام.

اتقلب حسن على جنبه الشمال.

لمح إن الساعة 3:30ص.

بص في الساعة اللي متعلقة على الحائط فوق المراية.

بعدين نزل حسن بعنيه يبص في المرايا.

شاف حد قاعد وراه.

الأم: اصحي ياشمس قومي حضري الفطار وأنا هصحّي محمود وحسن.

شمس: حاضر يا ماما.

وفعلًا، قمت حضرت الفطار. وعلى الرغم من الظروف العصيبة دي، كنت فرحانة ومبسوطة أوي لأني أول مرة من فترة طويلة أنام نوم عميق من غير الكوابيس أو الأوهام اللي بشوفها.

الأم: شدي حيلك ياشمس شوية.

شمس: ثواني والفطار يكون جاهز يا ماما.

الأم: أنا صحّيت حسن، روح سنده وهاته يا محمود.

محمود: كنتي وديتي الفطار له الأوضة يا ماما؟

الأم: ليه يابني؟ مفيهاش حاجة لما يقعد يفطر وسطنا.

محمود: خلاص يبقى شمس تفطر لوحدها جوه.

الأم: طب إيه رأيك إن أنا وانت وشمس هنفطر مع حسن.

محمود: يااااربي 😡

الأم: 😂😂 بحبك في حرارتك دي، بتفكرني بأبوك الله يرحمه.

محمود: الله يرحمه.. خلاص ياستي مقدرش أزعلك.

الأم: ربنا يسعدك ويطعمك ما يحرمك يامحمود يابني.

شمس: أيوه ياستي، ماهو انتي مخَلْفِتيش غير محمود.

الأم: الله.. إحنا هنغير ولا إيه؟ 😂

محمود: لا، هي البت دي سودة من جوه، مش سالكة 😁

حسن: ههههه.

شمس: اشمعنى ضحكت عند دي يا سي حسن؟ 😣

الأم: أيوه كده اضحك ياراجل، محدش واخد منها حاجة 😂

حسن: 😂 ربنا يسعدكم.

الباب خبط.

الأم: قومي افتحي الباب ياشمس.

محمود: خليكي، أنا اللي هفتح الباب.

الأم: سيدي ياسيدي ع الحنية ❤

شمس: لا، وانتِ الصادقة، ده عشان عارف إن ملك بتخبط 😂

محمود: سامعك يا جزمة.

ملك: صباح الخير يا محمود.

محمود: صباح الخير يا حبيبتي.

ملك: 😊

محمود: وحشتيني يا قمر ❤

شمس: متشوفش وحش يا أخويا، أنا واقفة فقفاك مراقبة ال بيحصل على فكرة 😂😂😂😂

ملك: تصدقي إنك رخمة؟ ده أنا مصدقت نطق 😂😂😂

محمود: طب يلا ادخلوا انتوا وهي.

ملك: مين ال قاعد مع امك ده يا شمس؟

شمس: ده موضوع كبير، هحكيلك بعدين، نفطر الأول.

ملك: لا، أنا سبقتكم، هروح أعمل الشاي مع حماتي المستقبلية 😍

محمود: وأنا هروح أغير عشان أوصلكم.

شمس: توصلنا وترجع تقعد في البيت عشان ماما لوحدها.

محمود: أنا النهاردة عندي اجتماع مهم الساعة 4.

شمس: أنا جاية بدري، ع الساعة 3، يلا روح غير هدومك.

شمس: عامل إيه النهارده يا حسن؟

حسن: الحمدلله، أحسن كتير يا شمس.

شمس: يارب دايما.

حسن: عايز أسألك سؤال، ممكن؟

شمس: أكيد طبعًا، اتفضل.

حسن: ومش هتفهمني غلط؟

شمس: ربنا ما يجيب غلط، قول عايز تقول إيه!

حسن: انت عمرك ما شفتي حاجة غريبة في أوضتك؟

شمس: (بلهفة) قولي انت شفت إيه يا حسن؟؟؟

الأم: الشاي وصل.

ملك: انتي لسه قاعدة ياشمس؟ روحي البسي عشان نلحق.

محمود: أنا كمان جاهز، يلا يا شمس بسرعة شوية.

كنت مضايقة أوي إن ملحقتش أعرف من حسن هو شاف إيه، وكنت عايزة أكمل كلامنا قدامهم بس معرفش حسن يقصد ال في دماغي ولا هو يقصد حاجة تانية، وأنا خفت لأحرجه قدامهم.

المهم.. رحت الجامعة ودخلت المحاضرة ودماغي شاردة في الشيئ ال شافه حسن.

خلصت المحاضرة وطلعت جري ع البيت، وأنا في السكة الدقيقة بتمر عليا ساعة، عايزة أوصل البيت بأي طريقة.

وأخيرًا وصلت.

الأم: كويس إنك جيتي، أخوكي آخر ع الاجتماع.

الأم: في رعاية الله يا ابني.

شمس: امال حسن فين؟

الأم: نايم.

وأنا هستغل الفرصة وألحق أجيب طلبات البيت قبل ما يصحى، وانتي روّقي البيت.

شمس: ماشي يا ماما.

امي مشيت وأنا غيرت هدومي وبدأت أروّق في البيت، وفجأة سمعت حسن بيكلم حد معاه جوه!

مش سامعة تفاصيل الكلام، بس سامعة حسن بيقول: (هتموتها ليه وهي ذنبها إيه؟)

نبضات قلبي مبقتش متحكمة فيها، وبدأت أمشي خطوتين ناحية الباب وأرجع، كل ما أتقدم خطوة أرجعها تاني، لحد ما وصلت عند باب الأوضة وحطيت إيدي ع الأوكرة بتاعت الباب وخدت قرار إني أفتح الباب.

خدت نفس وروحت فاتحة الباب، لقيت...

الباب انفتح مرة واحدة. فوجئت بحسن واقع على الأرض وكتفه ينزف دم. جريت عليه وبقوله:

"إيه اللي حصل لك؟"

لقيته بيقولي:

"مش هيسيبك في حالك ياشمس، الجن عايز ياخدك لعالم بتاعه."

دي الجملة اللي قالها حسن وبعدها فقد الوعي.

اتصلت بمحمود جاب الدكتور معاه، وجه وماما كانت جت هي كمان.

الدكتور:

"أنا اديته حقنتين وظبطت له الجرح وعلقت له محاليل، مع إنه كان المفروض يروح المستشفى. برجاء التعامل معاه بحذر عشان بعد كده الموضوع هيسوأ."

محمود:

"شكراً يا دكتور."

الدكتور:

"الحركة ممنوعة لمدة 3 أيام."

الأم:

"تمام يا دكتور."

محمود:

"مع السلامة يا دكتور."

محمود:

"إيه اللي حصل ياشمس؟"

شمس:

"مفيش، أنا دخلت عنده لقيته واقع على الأرض."

محمود:

"وإنتي إيه اللي دخلك عنده؟!"

شمس:

"مفيش.. سمعت صوته بيتألم فالطبيعي إني أدخل."

الأم:

"شمس عندها حق، أمال المفروض هنراعيه إزاي؟"

التليفون رن.

الأم:

"الو، مين معايا؟"

التليفون:

"معاكي سميحة بنت خال المرحوم جوزك."

الأم:

"يااااه، فينك ياسميحة بقا؟ 15 سنة متسأليش عليا."

سميحة:

"معلش والله ياحبيبتي، الدنيا لاهي. واحشاني أوي."

الأم:

"إنتي أكتر والله ياحبيبتي، إيه مش هنشوفك بقا؟"

سميحة:

"والله ياحبيبتي جيت من البلد ومش لاقية مكان أسكن فيه، فقلت مفيش غيركم أعرفه، فخدت الرقم من دفتر معارف جوزي الله يرحمه."

الأم:

"تيجي إزاي!"

سميحة:

"إنتي مش عايزاني أجي ولا إيه؟!"

الأم:

"لا ياحبيبتي، ده كلام، ده بيتك ومطرحك."

سميحة:

"تسلميلي ياغالية، وهو ده العشم بردوا."

الأم:

"مع السلامة ياحبيبتي."

شمس:

"إيه ياماما وشك قلب ألوان ليه؟"

الأم:

"كارثة يابنتي."

محمود:

"كارثة إيه ياماما؟!"

الأم:

"واحدة من أهل أبوك جاية تقعد معانا كام يوم."

شمس:

"وفيها إيه ياماما؟!"

محمود:

"إنتي عبيطة يابت؟! والراجل الغريب اللي نايم جوه هنقولها إيه؟"

شمس:

"طب هنعمل إيه دلوقتي؟"

الأم:

"واللهي ما عارفة، أنا في ورطة."

محمود:

"نوديه شقته ونراعيه كل شوية."

الأم:

"إنت لسه سامع الدكتور بيقول عايز رعاية كاملة وميتحركش."

شمس:

"عندك حق يامحمود، ننقله الشقة بتاعته وإنت تاخد إجازة وتراعيه الفترة دي."

محمود:

"إجازة إيه؟! أنا شغال ظابط ياغبية مش كوافير."

الأم:

"بس إنتو الاتنين، خلينا نفكر بالراحة. مينفعش ننقله الشقة بتاعته وكل شوية حد مننا يدخل ويطلع من عنده. الناس تقول علينا إيه؟"

شمس:

"ماما عندها حق."

محمود:

"طب هنعمل إيه؟"

الأم:

"حسن لازم يكون له صفة في البيت تدي له الحق إنه يسكن معانا."

محمود:

"هنخليه أخونا مثلاً؟ هيقولولك جبته منين ده؟!"

الأم:

"إسكت ياغبي ياابن الغبية، طالع زي الغبية أختك."

شمس:

"يعني إنتي لازم تحشريني معاه وإنتي بتهزقيه؟"

محمود:

"ما شاء الله، أمك هتجنني."

الأم:

"مبروك ياشمس، إنتي بقيتي متجوزة حسن."

شمس:

"تصدق ياض يامحمود، أمك شكلها لسعت بجد."

محمود:

"إنتي إيه اللي بتقوليه ده ياماما، إنتي اتجننتي؟"

الأم:

"ياغبي إنت وهي، ده هيبقا تمثيل لمدة يومين لحد الست ما تمشي. وبعدين هما كده كده مقاطعينا، يبقا مش هيفرق معاهم، هي اتجوزت إمبارح ولا اتجوزت مين."

شمس:

"أنا مش موافقة طبعاً."

محمود:

"تصدقي أمك بتفكر."

شمس:

"آه، ما إنت مش لاقي داهية ترميني فيها."

محمود:

"يابت ده تمثيل، وبعدين متنسيش إن إنتي السبب في الزنقة اللي إحنا فيها دي."

شمس:

"شوف أخويا اللي كان عامل فيها إن دمه حامي."

محمود:

"أنا هسيبك إنتي وأمك، حلو المشكلة براحتكم."

فعلاً شمس اقتنعت بعد أمها ما قعدت معاها وعقلتها، وراحت الأم قعدت مع حسن وأقنعته بالموضوع.

بعد ساعتين.

الباب خبط وفتحت الأم. لقيت سميحة ومعاها بنتين وولد.

الأم:

"مين دول ياسميحة؟"

سميحة:

"إنتي لحقتي تنسيهم؟ دول ولادي علياء وفاطمة وسعيد."

الأم:

"ربنا يخليهملك."

سميحة:

"ويخليكي ياختي، ما شاء الله ولادك كبروا."

الأم:

"آه ياحبيبتي، هفكرك بيهم. ده محمود ظابط مباحث ودي شمس بتدرس في كلية الهندسة."

سميحة:

"أمال مين اللي محمود بيسنده للحمام ده؟"

الأم:

"ده جوز شمس، بس تعبان شوية."

سميحة:

"ألف سلامة، هي شمس اتجوزت إمتى؟"

الأم:

"من فترة قريبة."

خلص التعارف وجه وقت العشاء.

علياء:

"ميصحش تسيبي جوزك ياكل لوحده جوه ياشمس."

الأم:

"فعلاً علياء عندها حق، روحي كلي مع جوزك جوه."

شمس بصت لأمها بصة دهشة بعصبية، وبدأت تكلم نفسها وهي رايحة أوضة حسن وتقول:

"هي الولية أمي دي صدقت الموضوع ولا إيه؟"

سميحة:

"بتقولي حاجة ياشمس؟"

شمس:

"لا ياطنط، ما استغناش."

دخلت شمس الأوضة عند حسن.

حسن:

"تعالي، أنا سامع كل حاجة."

شمس:

"عاجبك كده ياعم حسن؟"

حسن:

"معلش، مكتوب عليكي تستحمليني."

شمس:

"إحنا اللي آسفين والله ياحسن، بهدلنا حياتك."

حسن:

"متقوليش كده، كله متقدر ومكتوب. يلا بسم الله، الأكل برد."

شمس .. الحمدلله انا شبعت

حسن .. وانا كمان

شمس .. طب اروح انا عشان هعملهم الشاي

جاء وقت النوم

الأم .. يلا يامحمود خد سعيد وروح على أوضتك وشمس وعلياء وفاطمة هينامو في الصالة وانا وامهم هننام في أوضتي

سميحة .. اخص عليكي ملكيش حق عايزة تبعدي شمس عن جوزها ال تعبان عشان خاطرنا لا والله لا يمكن ابدا

الأم .. لا ما هو.....

سميحة .. والله ما انتي مكملة كلامك متخلنيش أحس إني ضيفة تقيلة عليكم وانا بنفسي هاخد فاطمة من ايدها كده واقفل عليها بابها مع جوزها

وفعلا سميحة خدت شمس من ايدها ودخلتها عند حسن وقفلت عليهم الباب

ودلوقتي أصبحت شمس مع حسن بغرفة واحدة بالإجبار

شمس .. واضح اننا داخلين على أيام سودة😡

حسن .. أسف إني لخبطتلك حياتك🙁

شمس.انت ملكش ذنب انا ال أسفة اني السبب في كل ده🙁

حسن .. يعني بقيتي مراتي دلوقتي😂

شمس .. ده تمثيل ياحسن😀

حسن .. بس قدام قرايبك ال في نفس البيت مراتي بجد😁

شمس .. يعني ايه 😀

حسن .. يعني هرخم عليكي براحتي وهتنفذي كلامي😂

شمس .. واضح إنك هتعيش الدور بجد🤔

حسن .. لا انا بهزر معاكي عشان شايفك مضايقة😀

شمس .. قولي ياحسن انت شفت ايه قبل ما تفقد الوعي🤔

حسن .. اول ليلة نمتها ف أوضتك ظهر ليا حد في المرايا قاعد

ورايا كان شكله بشع وده السبب ال خلاني أسألك انك مشوفتيش حاجة غريبة في الأوضة .

شمس.. وتاني مرة؟

حسن .. تاني مرة ظهر ليا ف أتأكد انه جن وقعد أقرأ قرأن كتير عشان اطرده من الأوضة لقيته ظهر ليا وبدأ يكمل قراءة قرءان معايا

شمس .. ازاي ده ؟! وده معناه ايه !!؟

حسن .. ده معناه إنه بيتحداني ، بدأت أكلمه قولتله👇👇👇👇👇👇👇👇

حسن .. انت عايز مني ايه ؟

الجن .. مش عايزك انت انا عايز عشقيتي

حسن .. عشيقتك !!

الجن .. ايوة شمس عشيقتي

حسن .. حرام عليك دي علاقة غير مشروعة ومحرمة

الجن .. العشق في عالمنا ليس بحرام

حسن .. سيبها في حالها انت كده هتدمرها

الجن ..انا بقالي يومين مقربتش منها عشان بخاف عليها

حسن .. اول مرة أشوف جن رومانسي😁

الجن .. انتم لا تعرفون معنى العشق انتم فقط منافقين

حسن .. وأخرتها أيه؟!

الجن .. هاخدها للعالم بتاعي

حسن .. هتاخدها ازاي؟!!

الجن .. هاخد روحها

حسن .. مش هسمحلك ومش هتقدر

الجن .. حقا 😂😂 انتم البشر ضعفاء ومبدعون فقط بالكلام وأحب أقولك إني هاخدها غصب عنك وعن البشرية كلها وإستحالة حد يمنعني حتى الشخص ال أحضرني بالسحر او اي شيئ على وجه الأرض😡😡😡😠

حسن .. وبعدها راح رافعني من على الأرض خبطني في السقف ووقعت على الأرض كل ده بسحر عنيه فقط بدون ما يلمسني

شمس .. يانهار اسود انا كده ضعت

حسن .. متعيطيش انا هقف جنبك مش هسيبك

شمس ..هتقف جنبي ايه بس ده ملوش حل اعمل ايه ياربي

حسن .. بس قوليلي مين ال ممكن يعملك سحر!!؟

شمس .. والله ما عارفة انا مفيش عداوة مابيني وبين حد

حسن .. يبقا البداية بتاعتنا إننا نعرف مين ال عملك السحر

شمس.. إن شاء الله

حسن .. تعالي نامي انتي ع السرير وانا هنام ع الأرض

شمس .. لا خليك انا فرشت خلاص وبعدين عشان الجرح

حسن .. تصبحي على خير

شمس .. وأنت من أهله

في الصباح .. الباب خبط

سميحة .. يلا ياشمس عمتك سميحة هنا يعني قوامان بدري

شمس .. حاضر ياعمتو جاية اهو😠

حسن .. متنسيش تلمي فرشتك ياشمس عشان مننكشفش

شمس .. حاضر ، بس انت ايه ال مصحيك بدري كده🤔

حسن .. انا أصلا معرفتش انام😴

شمس .. ليه 🤔

حسن .. بعدين هحكيلك روحي بس شوفي عمتك الاول

شمس .. ماشي

فاطمة .. صباح الخير ياشمس

شمس .. صباح الخير يافاطمة

علياء .. بس بصراحة يابت يافاطمة جوزك ده مززز اوي😍

شمس .. نعم!!!

فاطمة .. علياء اختي بتحب تهزر😄

شمس .. اه😒

علياء .. ايه يابت انتي زعلتي ده انا بهزر ياعبيطة😌

فاطمة .. مفيش واحدة تقبل إن واحدة تتغزل جوزها يادعاء

شمس .. فعلا فاطمة عندها حق وده المفروض جوزي

علياء .. تقصدي ايه بالمفروض جوزك دي!!؟

شمس .. اقصد ان ده جوزي ومحبش حد يبص عليه

في نفس اللحظة شمس لقت حسن واقف وراها مبتسم من كلامهم مع بعض في المطبخ اتحرجت أوي ووشها احمرر

حسن .. كنت جاي أقولك إنك وحشتيني ياست الكل

علياء .. ايه ده انتم لسه كنتم مع بعض

حسن .. لم ربنا يرزقك بحد يحبك وتحبيه هتعزريني

فاطمة .. ربنا يهنيكم ببعض يابختك ياست شمس❤

حسن .. انا داخل الحمام ياحبيبتي

شمس .. وهي بتبصله بغضب من تحت لتحت ماشي

بس بعد ما مشي ابتسمت إبتسامة رضا عن عمله😊

فعلا حضرو الفطار .. ودخلت شمس تفطر مع حسن كالعادة

شمس .. ممكن اعرف بقا ايه ال قلته ده😡

حسن..كنت رايح الحمام سمعت البت بتستفزك قلت انصفك

شمس .. ياريت بعد كده تخليك في حالك وكويس اني مسكت نفسي

حسن .. اسف إن كنت أزعجتك

شمس .. الفطار برد

حسن .. رايحة فين؟

شمس .. رايحة الجامعة ملك مستنياني بره

حسن .. مع السلامة

علياء .. ممكن ادخل

شمس .. اتفضلي

علياء .. انا عملتلكم الشاي بنفسي

حسن .. تعبتي نفسك ليه

علياء .. ولا تعب ولا حاجة ده .. كام معلقة سكر؟

حسن .. تلاتة

علياء .. كام معلقة ياشمس؟

حسن .. لا شمس مستعجلة عشان جامعتها

شمس .. فعلا انا مستعجلة سلام

خرجت اليوم ده من الأوضة وانا مضايقة إني سايبة الجزمة ال اسمها علياء معاه في الأوضة ، وبدأت أقول لنفسي ايه ده هو انا مضايقة كده ليه هو انا صدقت ان جوزي بحق ولا ايه ، وبدأت أقنع نفسي إني مش فارق معايا الموضوع ونزلت أنا وملك مع بعض

ملك .. مالك وشك اصفر ليه ياعكر

شمس .. بس يابت مش ناقصاكي

ملك .. شكله الموضوع كبير احكي ياخايبة احكي

شمس .. (حكيت ل ملك كل حاجة)

ملك .. شكلك حبتيه ياموكوسة😀😂

شمس .. أحب مين ياهبلة انتي اتخبلتي في مخك😁

ملك .. وليه لأ ما الواد حليوة ويتحب😊

شمس .. أنا كل ال فارق معايا شكلي كمراته قدامهم المفروض يعمل حسابه إنه كده بيقل مني

ملك .. عالعموم ياخبر النهاردة بفلوس بكرة يبقا ببلاش

مشيت مع ملك وانا مش مستوعبة الكلام هل فعلا أنا هحبه ولا الموضوع تفسيره ايه المهم إن خلصت اليوم ورجعت اتغدينا سوا والبت دعاء رمت ليا كلمة كده قالتلي

(جوزك دمه خفيف أوي وخلاني ضحكت كتير النهاردة ) دخلت عنده وفرشت فرشتي كالعادة

حسن .. مالك وشك مقلوب كده ياشمس ؟

شمس .. وانت مالك مش قلتلك خليك في حالك😡😡

حسن .. انا عملت ايه ل ده كله ؟!

شمس.انت هتحاسبني!!متنساش إنك هنا لحد ما تخف وبس

حسيت في اللحظة دي إني جرحته أوي وهو عشان جدع مسك نفسه ومرضيش يمشي عشان ميكشفناش قدام قرايبنا

الليلة دي حسن مردش عليا ونام وطبعا انا حسيت إني كنت قاسية معاه اوي وفضلت طول الليل مش عارفة انام وحاسة

اني عايزة اعتذر ليه بس نفسي كانت واخداني شوية فضلت ع الحال ده لحد الساعة 3 الفجر لقيته بيتقلب وحسيت انه

صاحي !

شمس .. انت صحيت ياحسن ؟!

حسن .. هو انتي لسه منمتيش؟

شمس .. اه لسه ؟

حسن .. مالك ؟

شمس .. مليش

حسن .. متأكدة؟

شمس .. انا اسفة إني كلمتك بطريقة مش حلوة😒

حسن.. لا ياستي ولا يهمك انا ال كنت واخد الدور بجد🙂

شمس .. ليه بتقول كده ؟!

حسن .. مفيش بس كان لازم اعرف افصل مابين زوجك الحقيقي قدام الناس وزوجك المزيف هنا في الأوضة😊

شمس .. انت قللت مني بطريقتك مع علياء🙁

حسن .. ازاي 🤔

شمس .. كل ال في البيت بيتعامل ع أساس إنك زوجي فكونك تتهطل بكلام علياء فده معناه إني زوجة مقصرة

حسن .. تتهطل🤔

شمس .. اه ومتغيرش الموضوع😠

حسن .. والمطلوب🤔

شمس .. تحافظ على شكلي الإجتماعي قدام قرايبي😔

حسن .. وده أمر ولا رجاء 🤓

شمس .. ياريت متستهزئش بكلامي😡

حسن .. كل واحد يعمل ال يريحه تصبحي على خير 😴

شمس ،اتضايقت اوي من طريقته وندمت إني اعتذرت ليه فخدت قرار إني أهمشه وأعامله بطريقته

صحيت بدري اليوم ده وجهزت الفطار وقعدنا نفطر كلنا في الصالة

سعيد ..امممممم انا بحب البيض بالطريقة دي مين عمله؟

فاطمة .. شمس ال عملته❤

سعيد .. تسلم إيدك ياشمس بصراحة يجنن❤

شمس .. بالهنا والشفا ياسعيد 😊

بالصدفة ببص على حسن لقيت وشه جاب الوان والغضب بدأ يبان على وشه وحركات إيديه، ابتسمت😇 وحسيت إن الفرصة جت ليا فعشت في الدور جامد😉

شمس .. شكلك عجبك الطبق أوي ياسعيد😀

سعيد .. ياريت بعد كده تعمليه بإيدك الحلوين يابنت خالي

شمس .. بس كده من عينيا ياسعيد😄

( حسيت إن حسن أوشك على الإنفجار )😂😂

رحت متقلة العيار حبتين😋😍

شمس .. االنهاردة عندي أجازة وهنزل السوق تيجي معايا ياسعيد🤔

سعيد .. يااااه والله ياريت💓💓

حسن .. لااااا ده كده الموضوع زاد عن حقه😠😠😠😠

الأم .. مالك ياحسن !!!

حسن .. لا مفيش الأكل كله ملح😡

شمس .. بس الأكل مش مالح ياحسن🤔

حسن .. انا شبعت😡

دخلت بعدها الحمام وقعدت اتنطط واضحك كنت مبسوطة أوي إني حرقت دمه بس للحظة كده حسيت نفسي مبسوطة من حاجة تانية انا مش عارفاهة😄😄😄😄😄

حسن .. ياشمس ياشمس،انتي فين

شمس .. انا في المطبخ بعمل الشاي

حسن .. تعالي عايزك

شمس .. خير في ايه بتزعق كده ليه

حسن .. اقفلي الباب ورائك

شمس .. وادي الباب قفلناه ،نعم عايز ايه🤔

حسن .. انتي فعلا هتخرجي مع الواد ده؟

شمس .. وماله ايه عندك مانع🤔

حسن .. طب ايه رأيك أخرج أنا معاكي 😀

شمس .. مقدرش أكسر بخاطر سعيد انا وعدته😔

حسن .. يعني ايه وعدتيه انا زوجك ،،قصدي زوجك قدامهم

شمس .. كل واحد يعمل ال يريحه 😉

شمس .. انا ماشية بقا عشان سعيد مستني بره

حسن .. ثواني ياشمس عايز أقولك حاجة

شمس .. قول ياحسن

حسن .. انا ............

شمس .. انت ايه !!؟

حسن .. ولا حاجة خدي الباب في ايدك

شمس .. ماشي مع السلامة

حسن .. ياشمس انا 😶

شمس ..ايه ياحسن احنا هنلعب ولا ايه انطق عايز تقول ايه

حسن .. روحي ياشمس

شمس .. مع السلامة

حسن .. أنا بحبك ياشمس وعايز اتجوزك

في لحظة كده اتمسمرت شمس مكانها وبدأت تلف رأسها تدريجيا ناحية حسن بصلته بعينها وكان رد فعلها

حسيت بفرحة ملئت قلبي بس قدرت أسيطر على فرحتي واتعاملت معاه بكل برود

شمس .. ده ميمنعش برضو إني أخد سعيد معايا السوق😂

حسن .. !!!!! انتي سمعتيني قولتلك إيه ؟

شمس .. مش وقته الكلام ده ياحسن 😔

حسن .. لا وقته انت مش عايزاني زي ما انا عايزك؟

شمس .. طب ع الأقل سبني افكر براحتي

حسن .. ماشي ياشمس، طب ممكن اجي معاكم؟

شمس .. طب يلا البس وانا مستنياك بره

حسن .. في منت هتلاقيني جاهز 😀

شمس .. 😀😀😀😀😀 طب يلا 😀

نزلت انا وحسن وسعيد وعلى قد ما حاسة حسن مبسوط على ما كنت حاسه بغيرته من سعيد كنت مبسوطة اوي من

الإحساس ده

شمس .. كده إحنا اشترينا كل حاجتنا يلا بينا ع البيت

سعيد .. يلا بينا يابنت خالي

حسن .. معلش ياسعيد ممكن تاخد الحاجة وتسبقنا ع البيت

سعيد .. ماشي يااستاذ حسن

شمس .. انت مشيت سعيد ليه؟

حسن .. مفيش بس كنت عايز اتمشى انا وانتي شوية

شمس .. بس مش هنأخر عشان محمود صعب يقبل ده

حسن .. ماشي

شمس .. قولي بقا قصتك ايه؟

حسن .. انا من الصعيد جيت القاهرة بعد مشاكل كتير ما بين عيلتي وعيلة تانية

شمس .. مشاكل ايه؟!

حسن .. انا كنت وحيد ابويا وامي امي اتوفت وانا عندي 5 سنين وابويا توفى وانا عندي 14 سنة عمي جدتي هي ال

ربتني من بعدهم كنت شاطر في المدرسة كبرت وربنا كرمني وبقيت محامي فتحت مكتب على قدي وكانت ماشية وأخر

سنتين كنت مش بلاحق على القضايا ال بتجيني

شمس .. طب وايه ال خلاك سبته وجيت هنا!!

حسن .. عمي وولاده كان عاملين مشاكل مع عيلة تاني وقتلو منهم واحد عمي اتحبس وولاده هربو ومفيش غيري قريب ليهم من الدرجة الأولى جدتي قالتلي أهرب عشان مفيش غيرك قدامهم وتارهم هياخدوه منك

بصراحة مصدقتش خصوصا إني مليش ذنب واني محبوب في البلد

لحد ما جه يوم واتضرب نار والحمدلله ربنا نجاني ،، وقتها جدتي صممت إني أهرب وأسيب البلد ساعتها مقدرتش أقولها لأ

وجيت هنا حد ابن حلال قالي إن في شقة فاضيه جيت شوفتها وقعدت فيها ال هي الشقة ال قصادكم

شمس .. ياااااه ده انت حكايتك حكاية قطعت قلبي😞

حسن .. ياستي متشغليش بالك بمشاكلي 😀

شمس .. طب ليه متجوزتش!؟

حسن .. حالتنا كانت على قدها ومفيش حد يساعد معايا في تكوين نفسي وبعد تعب وشقا قدرت أعمل الشقة ال بحلم بيها وبقا معايا رصيد في البنك بس بعد ال حصل سبت الشقة وسبت المكتب وسبت الدنيا كلها وجيت

شمس .. بس أكيد كان في حب في حياتك بتعمله كل ده؟

حسن .. ال البنت ال حبيتها كانت مادية ودايما باصة للفلوس حتى لما روحت أتقدم ليها ابوها قالي إن في واحد خليجي خطبها وهي موافقة ،، باعتني عشان الفلوس فأصبح حبي ليها مش حب هي بس كانت تجربة خلتني أحط حلم قدامي وأدوس ع الصعب وأكمل عشان أحققه وأعرفها إن الفلوس سهل تيجي بس الحب صعب تشتريه

شمس .. يعني مفيش حد تاني في حياتك؟

حسن .. لا في واحدة حبيتها بكل صفاتها بضحكتها بعصبيتها بحنيتها واحدة كده لما بتضحك بشوف الدنيا كلها منورة ولم تبصلي بعنيها بحس إن ملكت الكون كله وأحلا حاجة فيها غيرتها عليا ال مش بتحب تبينها ليا وكمان لما بتتكسف خدودها بيحمرو وبطقطق صوابعها وبتكون مرتبكة😁

نفسي أقولها إني بحبها أوي وإنها حلم بعيد بس إن شاء الله هحققه

شمس .. يلا بينا انا شايفة إن إحنا أتأخرنا

حسن .. لسه بدري خلينا شوية

شمس .. وبعديييين

حسن .. خلاص ياستي متزعليش نفسك يلا بينا

بصراحة كنت ماشية جنبه وأنا حاسه إني أسعد واحدة في الدنيا الكلام ال قاله والحب ال كان باين في عنيه وإهتمامه بكل تفاصيلي حاجات كتير خلتني عايز أقوله إني بحبه بس مش قادرة حساهة مش وقتها

وصلت البيت لقيت محمود هو ال فتح الباب وخادني من إيدي ووقفنا قدام باب الشقة عشان محدش يسمعنا

محمود .. كنتي فين 😠

شمس .. حسن طلب مني نتمشى شوية

حسن .. اه فعلا ده حصل يامحمود

محمود .. اسكت انت ومتدخلش بيني وبين أختي😠

شمس .. ايه ال حصل يامحمود ل ده كله

محمود .. إحنا هنستهبل ؟ إنتي صدقتم إنكم متجوزين ؟؟!

شمس .. بس ...

محمود .. مفيش بس الموضوع ده ميتكررش تاني وكفاية إني صابر على شورتكم المهببة إنتي وأمك😡

شمس .. خلاص ماشي بس متزعلش نفسك😞

محمود .. حاولي تشوفي حل أنتي وامك في الموضوع ده أنا زهقت منه .

شمس .. خلاص ماشي طب مش هتاكل حاجة قبل ما تمشي؟!

محمود .. مليش نفس .. مع السلامة

شمس .. مع السلامة يااخويا

دخلت وانا زعلانة إني السبب في زعل محمود خصوصا إنه عنده حق

شوية ومحمود رجع

شمس .. في إيه رجعت ليه!؟

محمود .. نسيت أقولك ادخلي أوضتي هتلاقي علبة في درج المكتب دي هديت عيد ميلادك كل سنة وانتي طيبة ياحبيببتي

شمس .. حضنته وقولتله حبيب قلبي ربنا يخليك ومايحرمنيش منك ياقلب أختك انت هديتي في الدنيا😢

محمود .. طب بتعيطي ليه دلوقتي !

شمس .. عشان زعلتك😢

محمود .. انا مش زعلان ياحبيبتي انا بس خايف عليكي

شمس .. عارفة ياقلبي ربنا يخليك ليا ياااااارب💟💟

محمود .. يلا بقا باي عشان هأخر ع الشغل ياقمر

شمس .. في رعاية الله ياقلبي❤❤❤❤

حسن .. انا أسف إني إتسببتلك بمشاكل😞

شمس .. ولا يهمك بس إن شاء الله مش هتكرر تاني😔

حسن .. هو النهاردة عيد ميلادك؟

شمس .. اه شوف محمود جابلي ايه ❤

حسن .. جميل أوي الخاتم عليكي😔 بس كان نفسي كنت ابقا عارف

شمس .. ليه !؟

حسن .. بصفتي جوزك المزيف كان واجب عليا اهاديكي😞

شمس .. لا مش للدرجادي😁

حسن .. بشكرهم أوي

شمس .. هما مين؟!

حسن .. قرايبك ال كانو السبب في اني أكون قريب منك

شمس .. 😊

حسن .. يابنتي قوليها وريحيني😉

شمس .. هي ايه دي؟!🤔

حسن .. إنك موافقة تتجوزيني

شمس .. الموضوع مش سهل زي ما انت فاكر خليني افكر

حسن .. أنا جعان أوي ونفسي في أكلة من إيدك

شمس .. حاضر هغير هدومي وأبدأ عمايل الأكل

الأم .. أنتي لسه قاعدة يلا ياشمس عايزين نتغدا

شمس .. حاضر ياماما

حسن.. لحظة ياطنط لو سمحتي عايزك في كلمتين لوحدينا

شمس .. خلاص أروح انا أحضر الغدا

الأم .. خير يابني في ايه!!؟

حسن .. موضوع جوازي من شمس

الأم .. معلش يابني إستحمل هما خلاص يومين وهيمشو

حسن .. لا أنا قصدي عايز أخليه حقيقي

الأم .. ازاي؟

حسن .. يعني أنا بطلب إيد شمس للجواز ايه رأيك؟

الأم .. أنت فاجئتني بالموضوع ده

حسن .. أنا إتكلمت معاها

الأم .. وهي رأيها إيه؟

حسن .. مش عارف وعايزك تساعديني

الأم .. أساعدك إزاي يعني؟

حسن .. عايزك تكلميها قبل ما أفتح الموضوع مع محمود

الام .. طب مش تصبر شوية ياحسن

حسن .. ع الأقل أعرف رأيها منك دلوقتي

الأم .. ماشي يابني

حسن .. تسلميلي ياأعظم أم في الدنيا❤

إتغدينا وماما طلبت أقعد معاها في الأوضة شوية وبدأت تكلمني في موضوع حسن وإنها شايفاه بيحبني أوي وبصراحة أنا كمان حاسة من جوايا أني حبيته ف برهنت لأمي إني موافقة وبعد كده طلعت ع أوضتي لقيت حسن رابط طرف خيط في أوكرة الباب مربوط أمشي وراء الخيط في اللحظة دي هو كان سايب الأوضة وقاعد في الصالة

المهم حبيت الموضوع ومسكت طرف الخيط وبدأت أمشي وراه لقيت نفسي أدخل الدولاب وأرجع عند الباب وأبص تحت السجادة وأرجع ع الدولاب وأنزل تحت السرير المهم حسيت إني متمرمطة في الأوضة ربع ساعة وأنا رايحة جاية في أوضة صغيرة لحد ما وصلت لطرف الخيط ال موجود داخل مخدة من المخدات فتحت المخدة لقيت رسالة مكتوب فيها ( قوليها بقا وريحيني ياحبيبتي )

بصراحة ضحكت أوي وصعب عليا تعبه وهو مجروح في عمل موضوع الخيط ده كله حسيت إن جه وقت إن أقوله إني موافقة

بس حبيت أتعبه وأضحك شويه زي ما تعبني

جمعت الخيط ووزعته في الأوضة وحسن جه كنت انا قاعدة على المكتب بتاعي بذاكر في الأوضة

دخل عندي وشاف الخيط متوزع عرف إني وصلت للرسالة وأتفاجئ إني هرد عليه بنفس الطريقة كان ملهوف أوي يعرف نهاية الخيط فين

قعد ماشي وراه وأنا أبصله من فوق النضارة وأضحك جامد في سري وبعد فترة وصل لطرف الخيط لقي كيس كل يفتح كيس يلاقي من جواه كيس لحد ما وصل للورقة حسيته مبسوط أوي وبيفتحها بفرحة كبيرة فتح الورقة لقي مكتوب فيها ( متبقاش تعمل كده تاني ) 😂😋

حسيته هيفرقع زي الأنبوبة بس كتم غضبه ومتكلمش كلمة واحدة واعطاني ظهره وتوجه ناحية سريره عشان ينام

فجأة لقيت نفسي وقفت وقلتله ( أنا موافقة ياحسن)😄

حسن نسي إنه مجروح في كتفه وبدأ يتنطط ع السرير فجأة جري عليا مرة واحدة وراح بايسني في شفايفي رحت ضرباه بالقلم اتصدم👋

راح مكررها تاني رحت ضرباه بالقلم تاني👋

راح ماسك إيدي وباسني محستش بنفسي وقتها لقيت نفسي رحت لدنيا تانية جسمي اتهز حاسة إنه كان هيغما عليا

لقيته شالني وعمال يلف بيا من فرحته ❤

بعد ما نزلني كنت عايزة أخد موقف معاه بس مكنتش مجمعة خالص وشي أحمرر ومش قادرة أرفع عيني فيه

بس وأنا باصة في الأرض لاحظت إن في دم ع الأرض

شمس .. ايه الدم ده؟

حسن .. فين !

شمس .. إنت جرحك بينزف😨

حسن .. متخافيش بسيطة

شمس .. طب نام ع ضهرك وأنا هتعامل مع الجرح

حسن .. ماشي

غيرت ليه ع الجرح وعينه منزلتش من عليا شوفت فرحته كانت زي فرحة العيل الصغير😂

الليلة دي إحنا الأتنين كنا صاحيين بنتقلب ومش نايمين

تقريبا كده لحد الفجر

يدوب عيني غفلت ولقيت حد جاي ليا في المنام بيقولي

( هيموت )

رديت عليه ( هو مين ال هيموت )

قالي ( ال فضلتيه عليا )

رديت ( تقصد مين )

قالي ( حسن )

رديت ( أنت مين؟ )

قالي ( ،،انا عشيقك .. أبعدي عنه أو أموته ،،)

رديت ( لا ده حبيبي )

قالي ( أنتي حبيبتي وعشقيتي،، انتي ملكي أنا ) للمرة الأخيرة بحذرك أختاري ( أبعدي عنه او يموت ) القرار لكي

شمس .. أنت ليه عايز تحرمني منه انا مصدق ما لقيت حد يحبني وأفتح له قلبي

الجن .. إختاري ياشمس

شمس .. مفيش قوة في الدنيا هتبعدني عنه

الجن .. يبقا انتي كده حكمتي عليه بالموت

فجأة إختفا من قدامي في الحلم حسيت شوية وصحيت علي صوت النجفة بعد ما وقعت جنب راس حسن جريت عليه

شمس .. حسن حبيبي😱

حسن .. الحمد لله سليمة😔

شمس .. انت كويس

حسن. .. اطمني أنا كويس

شمس .. تعال إنزل برحتك السرير كله زجاج

حسن .. هو ايه ال حصل ووقعت إزاي

شمس .. الحمدلله ربنا ستر

في اللحظة دي سرحت في كلام الجن وعرفت إن ده تهديد منه أتأكدت وقتها إني لازم أبعد عنه عشان أحميه😢

الموضوع كان صعب عليا أوي خاصتا وإن حسن مش هيصدق إن الجن هو ال عايز كده😢 فخدت قرار إني لازم أبعد بالطريقة وأحاول أخليه يكرهني😢

نمت وصحيت لقيت الدنيا حواليا جنة لقيت حسن عمل فطار ليا ونزل الشارع جاب ورد أبيض واحمر وفرش بيه الأوضة

كلها حتى أنا قمت لقيت جسمي متغطي بورد معرفتش هو عمل ده كله إمتا وإزاي

المهم إني كنت طايرة من الفرحة وقلبي كان بيرفف في السماء محستش بنفسي وأنابترمي في حضن حسن

وأنا فحضنه كانت المرايا قصادي إتفاجئت بالجن طالع منها ووشه كله غضب وقف وبصلي فهمت إن هو بيفكرني بكلامه ليا في الحلم

عيني دمعت ومقدرتش امسك نفسي من العياط سبت حسن وطلعت أجري ع الشارع فضلت أجري في الطريق أجري

واجري وأبكي لحد ما وصلت على البحر قعدت وبكيت بصوت عالي وأقول يارب

حسيت بحد حط إيده علي كتفي وبيطبطب عليا

بصيت لقيتو شيخ كبير

الشيخ .. مالك يابنتي 😞

شمس .. تعبانة مقهورة أوي ياشيخ😢

الشيخ .. مفيش بني ادم يستاهل إنك تعملي كده بسببه

شمس .. ماهو فعلا مش بني ادم ياشيخ😢😢

الشيخ .. ازاي ؟! إحكي يابنتي يمكن أقدر أساعدك

شمس .. ( حكيت له حكايتي كلها )

الشيخ .. ياااه يابنتي شايلة في قلبك كل ده😞

شمس .. شفت ياشيخ 😢

بصيت لقيت الشيخ حط إيده على راسي وبدأ يقرأ قرءان قرأ كتير أيات مختلفة

فجأ لقيت الشيخ إتفزع

شمس .. في إيه ياشيخ؟!!

الشيخ .. ال عملك السحر حد قريب منك ومش من دمك

شمس .. إزاي ياشيخ!!!

الشيخ .. الشخص ال عاملك السحر حاليا في بيتك

شمس .. طب لو شفته تعرفه؟

الشيخ .. طبعا يابنتي

شمس .. طب يلا بينا ربنا يخليك عايزة قلبي يرتاح

الشيخ .. يلا يابنتي توكلنا على الله

خدت الشيخ وجريت بيه ع البيت اول ما وصلت لقيت الكل في البيت وكمان ملك موجودة

محمود .. مين ده؟

شمس .. عشان خاطري بعدين هحكيلك

الشيخ .. ممكن الحمام عشان اتوضا يابنتي

شمس .. الحمام اهو ياشيخ

الشيخ .. اجمعي ال في البيت والبسي لبس الصلاة بتاعك

شمس .. حاضر ياشيخ

فعلا عطيت خبر لل في البيت إنهم يجمعو في الصالة ودخلت طلبت من حسن إنه يخرج عشان أغير هدومي

فعلا غيرت هدومي وطلعت ع الصالة وكلنا كنا في إنتظار الشيخ

فجأة الشيخ نده عليا

رحت للشيخ ورجعت عندهم وقعت في وسطيهم أغمى عليا