رواية شمس الفصل الثالث والعشرون 23 - بقلم امل السيد

شمس كانت بتعيط. حماتها مستنياها تتكلم. مسحت دموعها. شمس: أنا ولا حاجة، بس افتكرت ولاء. قوم أشوف يونس خلص الواجب بتاعه ولا لا. شمس طلعت لقت يونس بيرقص. ماسك أيد ولاء بيحاول يخليها ترقص معاه. يونس: باباكي هيتجوز، مش هنروح المدرسة بكرة. هيه هيه. شمس بعصبية: خلصت الواجب بتاعك وحفظت اللي وراك؟ يونس: هو أنتِ بتطلعي لي منين بس؟ حفظت آه. شمس: سمع اللي حفظته. يونس: قولي أول كلمة وأنا أكمل على طول. شمس: أنتَ هتهزر، تعالة احفظ.

يونس: أنا تعبان. وجرى عند عمار في الأوضة. شمس راحت وراها. عمار: كويس إنك جيتي. شمس قولي لي أنهي بدله أحلى لاني محتار، ولا أشتري بدله تانية. أنتِ ما تعرفيش اليوم ده مهم بالنسبة لي قد إيه، أحلى يوم في حياتي. ولا أقول لك استني، أتصل بمي أشوف لون الفستان بتاعها. أنا وهي شبه بعض والصور تطلع حلوة، إيه رأيك؟ شمس: هو أنتَ بتتكلم بجد؟ عمار: هو إيه اللي بتكلم بجد؟ قصدك على أيه؟ تجوز يعني؟ آه بجد. أنتِ ما شفتيش مي عسل إزاي؟

عينيها خضراء، هو حلوة ولا جسمها عود فرنسي، ولا ضحكتها جنان. شمس بغيظ: إلهي ترمى وهو معدي يدوسها. هو أنتَ لحقت تحفظ الحاجات دي؟ أيوه بان على أصلك، ما أنتم رجالة عينكم زايغة تدب فيها 360 رصا. فين غض البصر اللي بيقولوا عليه؟ ولا خلاص شايل برقع الحياء؟ عمار: وهي جت عليا يعني؟ وبعدين لازم أشوف اللي هتجوزها مش أحسن تطلع نكدية؟

رحت فيها أنا. وبعدين يا شموسه، ما فيش ترماي في قطار في أتوبيس عربية مترو. وكمان نسيت أقول لك في الفرح واحد صاحبي هي وصحابها كانت بترقص حلو قوي. لازم أشيل برقع الحياء في الأوقات دي لأحسن ألبس في محكمة الأسرة وأنا مش قدها. شمس هتتفق من كلام عمار: شفت حاجة تانية؟ وبعدين أنتَ بتقولي الكلام ده والواد قاعد؟ يونس: دي تبقى مزة حلوة أوي. هي دي اللي أنتَ كنت بتقول لها أكلمك بعدين؟ شمس: لا والله، هو في إيه بالظبط؟

عمار: أنا أنام. اسأليه هو. يونس: أنتَ رايح فين وسايبني؟ دي هتنفخني. لا هتطيرني. مامي أنا مش عاوزة أتجبر. مش هروح المدرسة بكرة صح؟ شمس: هو أنا هنفخك؟ بس ده أنا هاكلك. أنتَ إزاي ما تقوليش على موضوع البنت دي؟ يونس: نسيت. عمار: لو مش واخده بالك دي أوضتي. يونس: أنام هنا. عمار: بره. يونس طلع يجري وقعد يلعب مع ولاء لغاية ما نامت. شمس بقت تبص له وهو يبص لها.

شمس: دلوقتي ما فيش غيري أنا وأنتَ. سبتك تلعب براحتك، تحفظ وتسمعلي وتخش تنام. هسيبك 10 دقائق. والله يا يونس ما سمعت الكلام هتنضر. بجد وأنتَ عارف. يونس بص لها بخوف: حاضر. يونس قعد يحفظ وشمس بتفكر في مي إن هي ممكن تكون زي ما وصفها عمار. يونس سمع لها ودخل ينام وهي كمان دخلت نامت علشان ما نامت إمبارح ومنتظرة بكرة بفرغ الصبر. الصباح.

شمس قامت اتوضت وصلت. كانت ولاء صحيت. غيرت لها هدومها وأكلتها وقعدتها تلعب. شمت ريحة برفان عمار عرفت إن هو خارج. راحت على أوضة عيالها. أنس قام لوحده. أما يونس ما صحتهوش زي كل يوم. شالته بس كانت حرارته عالية. شمس مرضتش توديه المدرسة. بتعمل له كمادات وقالت لعمار هو يشوفه. عمار: يونس حبيبي لازم تأخد الحقنة دي عشان تبقى كويس. يونس لنفسه: دي فيها حقنة، كنت رحت المدرسة كانت أسهل. أنا بقيت كويس. شمس: إديها له. هو أنتَ تسأله؟

يونس: مش أنا اللي هاخدها ومش عاوز أخدها. شمس: أنتَ أكلت شطة صح؟ بصت لعمار أنتَ أديته فلوسي؟ يونس: لا ما أكلت. عمار: أيوه أديته فلوسي. يونس: فتان. الفتنة أشد من القتل. عمار: بعدين هتاخد حقنة ولا لا؟ أنا مش فاضي لك. أنا ورايا كم حاجة لازم أخلصها. يونس: لا. عمار: امسكي لي الواد ده خليني أمشي. يونس: طب أنا مش حاضر فرحك. عمار أداله الحقنة ومشي. شمس تبص ليونس. غطى وشه.

شمس: هي مين البنت اللي عمار كان بيكلمها وكانوا بيقولوا إيه؟ يونس: مش فاكر. شمس: بقي كده طيب. بالليل. شمس لبست وجهزت نفسها. عاوزة تشوف مي وكلام عمار عليها إن هي جميلة بالشكل ده. خلصت ولبست عيالها ومشيت. شافت غزل موجودة في الخطوبة ونغم. شمس: أنتم مين اللي دعاكم تيجي؟ غزل: جوزك. قلت أجيب نغم معايا تؤنسني. شمس: طب حلو. عنده واجب عشان تشوفوا درتي الجديدة. غزل: بتقولي حاجة؟ شمس: لا. عمرو ما جاش معاكي ليه؟

غزل: جايه كمان شوية. نغم: هي دي اللي هيخطبها عمار؟ غزل: مالك مش عارفة تجمعي الكلام ليه! شمس بصت عمار كان ماسك إيديها. بصيت لها جامد بعدين بصت لعمار كان مبتسم. لقيته بيبص لها هو كمان. ديرت وشها. لمحته جايه عليها. عمار: شمس تعالي أعرفك على مي. شمس: وماله. هتعرف ما تعرفش ليه. على فكرة مش حلوة. نغم: هي مين دي اللي مش حلوة؟ حرام عليكي شمس دي قمر. يا ريت أنا كده. شمس: تجميل مش حقيقة. وبعدين ده أنا أحلى منها.

غزل: حتى لو تجميل بس حلوة. أنا هعمل تجميل أنا كمان. شمس: أولدي. وبعدين فكري. مش عارفة هتموت. توا عليها على إيه. عمار: هي دي غيرة ولا إيه؟ بعدين أنا سايبه واقفة لوحدها ما ينفع كده. شمس: أنتَ خايف عليها تبرد؟ قال وقفه لوحدها؟ ما تقف أغير من دي بس تحمل وتولد وتفرج. شمس راحت سلمت عليها: مبروك. عمار: شمس اللي حكيت لك عليها يا مي. شمس: حكيت إيه عنها؟

مي: أنك طيبه واخده بالك من ولاء بنته. بس ما تقلقي كلها ست شهور أشيل عنك كل ده. شمس: وليه ست شهور؟ مي: نتجوز بس. غزل: معلش في السؤال هو ده طبيعي ولا تجميل؟ مي بضحك: طبيعي. شمس في سرها: ضحكتك مسهوكه كذابة. في أصل وشك بقي ده طبيعي؟ أنتِ حاطه 2 كيلو بودرة على وشك. وبعدين ما لقاش غير عود القصب ده اللي يتجوز. نغم: ظلمتيها شمس. هو ما فيش جاتوه ولا إيه؟ شمس: لما يتزفتوا يلبسوا الدبل. وبعدين أنا ماشية. مش مستنية جاتوهات.

نغم: متنرفزة ليه؟ أمال ولاء فينه؟ شمس: مع شيماء في البيت. كنت أجيبها بس لقيتها نايمة. غزل: تعالي نتصور معاها. شمس: أنا ماشية وحاسة بشوية صداع. شمس خدت أنس ويونس ومشت. في البيت. شمس: شيماء لو عايزة تروحي قومي. لو هتباتي قومي نامي. شيماء: مالك شكلك مش مبسوط ليه؟ شمس: كل واحد يخش ينام وأنا كمان هنام علشان تعبانة. بعد مرور ست شهور.

النهارده كتب كتاب عمار ومي. عمار بيجهز نفسه في أوضته. شاف الباب بيتفتح ودخلت شمس. كانت لابسة دريس أسود بس ملامحها كانت حزينة. عمار: شمس تعالي. أنتِ كويسه؟ إيه رأيك في البدلة حلوة؟ شمس: هو أنتَ بجد هتتجوز؟ بتتكلم بصوت مبحوح.

عمار: أيوه بجد هتجوز. وأنتِ مش شايفة المأذون قاعد بره. بعدين أنا استنيتك تقولي لي ما تكمل في الخطوبة بس أنتِ متكلمتيش. أنا عمري ما فردت نفسي عليكي. مش هنزل من نفسي أكتر من كده. مش ناسي القلم اللي أنتِ ضربتيني. أنا اتأخرت ولازم اطلع. وقف مكانه مش بيتحرك. شمس حضنته جامد وبتعيط. عمار: أهدى في إيه بس؟ شمس: هو أنا لو قلت لك ما تتجوزش تسمع كلامي وتلغي كل حاجة؟ عمار: وأنا هعمل كده ليه؟ وعشان إيه؟

عايز جواب مقنع يخليني أعمل كده.

شمس: عشاني أنا. لو بتحبني أو لسه بتحبني بلاش الجوازة دي. تعبت وكل حاجة بتروح مني. لما اتجوزت ما عرفت أقول آه. قلتها وأنا مش مقتنعة بيها. لما خلاص حبيت راح مني. ما بكاش قدامي حاجة تانية غير أني أحارب الدنيا عشان أكتر. أعيش ومحدش يبص لي وربي عيالي. بس الدنيا مسابتني. شيلتني وجع وخوف من بكرة لدرجة أني بخاف أبص ورايا. عمري فكرت لا بفلوس إن ممكن يحصل معايا كده. خلاص ما عادش حاجة أحارب عشانها غير عيالي وأنتَ.

عمار: أنا ليه تحربي علشاني؟ أنا مش بيهمك أصلا. نسيتي الكلام كله اللي أنتِ قلتيه. شمس: عاوزاك تبقى جنبي وما تسيبنيش لوحدي ونكمل الطريق سوا. عمار: حيرتني معاكي. معنى الكلام ده ما تقوليها وتخلصي وتريحيني وتريحي نفسك. شمس: بحبك. آسفة على كل حاجة جرحتك بسببي. غبية بقي تقول إيه. عمار: بحبك وبموت فيكي. غبية. بسه. أفضل جنبك ومش هسيبك أبدا. نكمل الطريق سوا زي ما أنتِ قلتي. سمعوا صوت عياط جاي من على الباب. عمار بيبص شاف مي.

عمار: مي استني أفهمك. شمس بغير: أنتَ رايح فين؟ استنى هنا و...