رواية شطرنج الحب الفصل الخامس 5 - بقلم جني غنيم

حسيت نورا بنفس حد وراها بيلف. لقت عزيز وراها، هتصوت. "كت" عزيز بوقها بإيده. نورا بدأت تعيط وحضنته بقوة. عزيز حط وشه في رقبتها وبيتفس بقوة كأنه بيطلع الضغط اللي جواه. نورا قالت بشهقة: ابعد عني، ابعد عني. بدأت تضرب عزيز على كتفه. عزيز بعد عنها بالعافية وقال، محاول يغير الموضوع: كنت بختبرك، أشوف ردة فعلك. نورا بتهوي بإيدها وتحاول تاخد نفسها وقالت: نجحت بقى في الاختبار؟ مش كل حاجة أمن الدولة تعرفها يا حضرة الظابط.

نورا مشيت، ولكن عزيز مسكها من دراعها وقال: بتكابري ليه يا نورا؟ إيه سرك؟ نورا بدموع: اديك قلت سر. سيبني في حالي، أنا كنت ماشية جنب الحيط لغاية ما أنتَ ظهرت في حياتي. عزيز شدها وقعدها وقال: طالما جعانة، كنتِ المفروض تقوليلي. نورا بلعت ريقها بإحراج ولم ترد. فقال عزيز: عايزة حاجة معينة؟ نورا: أنتَ عارف الساعة كام دلوقتي؟ هتطلب ديليفري دلوقتي؟ عزيز: هو إحنا بنعمل حاجة غلط؟

ملكيش دعوة بكلام الناس. ها، بقا عايزة حاجة معينة؟ نورا: لا عادي. أنا بس عندي حساسية من الشطة والفلفل الأسود. عزيز مسك تليفونه وقال: تمام. نورا قاعدة وافتكرت موقف. فلاش باك. نورا قاعدة على ترابيزة السفرة مع أسرتها، وكانت حاسة بإيد على رجلها. تبص تحت المفرش وتلاقي والدها، ويبص لها نظرات مش أب وبنته نهائي. نورا قامت بفزع وقالت: عن إذنكم، شبعت... أنا هنام. انتهى الفلاش باك. نورا دموعها بتنزل. عزيز ييجي

وشايل أكياس الأكل وقال: أنتِ كويسة؟ نورا بصتله وقالت: عمرك شفت أب حاول يتحرش ببنته؟ عزيز بص لها بعدم فهم: أكيد لا... بس ليه بتقولي كده؟ نورا قامت وقفت وقالت: أنا أبويا راجل وقح وعمل كده. نورا جريت على أوضتها وقفتلت الباب. عزيز واقف مش مستوعب حاجة وقال: طب مين هياكل الأكل ده؟ صباح تاني يوم. نورا طلعت لقيت عزيز بيحط إزازة لبن في التلاجة، فقالت: صباح الخير.

عزيز قفل باب التلاجة وقال: صباح النور. يا رب تكوني أحسن دلوقتي وأنا آسف على اللي حصل. نورا بتوتر: ولا يهمك. عن إذنك، الحق أجهز عشان أروح الشغل. عزيز: أنا بلغت لواء غفران بموافقتك وأنتِ مش هتروحي الشغل. نورا بإستغراب: يعني؟ عزيز: يعني هتاخدي إجازة عشان هنبدأ تدريبات نجهزك بيها للمهمة. اقنعي كاظم بأي حاجة، يعني صاحبتك هتتجوز ومحتاجة مساعدة عشان يتيمة ومحتاجة أسبوعين إجازة. نورا بتوتر: حاضر... هروح أكلمه.

عزيز قعد ومصطفى خرج وقال: عزيز صباح الخير. عزيز حضن أخوه وقال: صباح النور يا درش. عندك درس النهاردة صح؟ مصطفى: آه، يا دوب ألبس وأنزل. عزيز: أنا فخور بيك دايماً. اعمل اللي عليك ومتشغلش بالك بالباقي. مصطفى: ربنا يطول في عمرك يا عزيز. نورا جات، فقال مصطفى: صباح الخير يا نورا. نورا ابتسمت وقالت: صباح النور يا مصطفى. مصطفى دخل الحمام، فقالت نورا: كله تمام، وافق. هو أصلاً مسافر وكان لسه هيتصل بيا وهيرجع بعد شهر.

عزيز قام وقال: عظيم. يلا عشان مستعجلين، مش عايزين نضيع وقت. بعد فترة. نورا ركبت الأسانسير مع عزيز وقالت: هو أنا مش مجرد جاسوسة؟ إيه لازمة التدريبات؟ عزيز ابتسم وقال: انتِ شغالة مع مافيا، يعني لازم تكوني في قمة التركيز وتبقى جاهزة عشان لو اتكشفتي. نورا ماشية ورا عزيز وركبوا العربية. عزيز هيحط مفتاح العربية، يلاقوا عوض خال نورا واقف وماسك شوما (عصاية كبيرة) فقالت نورا بصويت: الحق يا عزيز!

عوض ضرب إزاز العربية الأمامي بالشوما اتكسر. عزيز حضن نورا و...