رواية شطرنج الحب الفصل الثالث 3 - بقلم جني غنيم

نورا وشها احمر وقالت وهي على وضعها: غمض عينك. عزيز: ليه هو أنا ببص عليكي؟ ما قولتك انتِ مش نوعي المفضل. نورا بعصبية: يا عم البنطلون اتقطع. عزيز قلع چاكيت وقرب من نورا وربط الچاكيت حوالين وسطها لأن القطعة كانت من ورا. نورا هتتكلم بتسمع حد بيخبط وبيقول: نورا افتحي الباب. نورا بصدمة: خالي! عزيز ببرود: وإيه المشكلة؟ هو إحنا بنعمل حاجة غلط؟ نورا برعب: إحنا في منطقة شعبية، افهم واحد وواحدة لوحدهم.

عزيز قاطعها: والشيطان تالتهم. خال نورا بيزعق وبيقول: افتحي يا نورا، أنتِ فيين؟ نورا مسكت إيد عزيز ودخلته أوضتها وقالت: أبوس إيدك أنا مش ناقصة مشاكل. عزيز قعد على سريرها بملل، ونورا خرجت وطلعت جري تفتح الباب وقالت بقر"ف: نعم يا خالي، خير! عوض: مش هتقوليلي اتفضل؟ نورا: وجودك غير مرغوب. عوض زقها ودخل وقال: في عريس متقدم. نورا ربعت إيدها وقالت: هو أنتَ ولي أمري؟ عوض: أنا وفقت لسمعتك ورجوك متأخر...

كتب كتابك أنتِ ومحمد ابن المعلم صبحي كبير المنطقة يوم الخميس. نورا: مش هيحصل، مش هسيبك تعمل فيا زي ما عملت في أمي. عوض مسك نورا من دراعها: اسمعي يا بت... كلامي سمع وطاعة. عزيز طلع من الأوضة وضر"ب عوض بالبوكس وقال: ليه كلامك قرآن يا روح أمك؟ نورا بصدمة: أنتَ بتعمل إيه؟ إيه اللي دخلك!!؟ عوض بزعيق: ميين ده يا محترمة يا شريفة؟ عزيز: اتكلم معايا أنا... أنا راجل البيت يا أخويا... أنا جوزها.

عوض اتجه ناحية الباب: ورحمة أبويا ما هرحمك يا بنت نوال. نورا بتضر"ب نفسها بالقلم: عملت إيه!!! روحت في دا"هية. عزيز مسك إيدها وقال: خلاص اهدي، هنتصرف.. إحنا ممكن نلعب عريس وعروسة. نورا من صدمتها و"قعت، أغمى عليها.