رواية شيطان العشق الفصل السادس 6 - بقلم دنيا محمد

مالك في شركته. مالك: يا باسل افهمني، أنا عارف إنك محتاج الصفقة. باسل: بدل عارف، عاوز تديها لمعتز ليه؟ مالك: يبني هو محتاجها أكتر منك، بس عمتا حاضر يا باسل، خدها أنت. (باسل لو فاكرينه بطل رواية "أحببت قلباً"، أحب أفكركم بيه) تليفون مالك بيرن. مالك: ألو. إيه؟ طب أنا جاي حالاً. باسل: إيه في إيه؟ مالك: تيته اعتماد حصلها حاجة. باسل: مش وقته يا باسل، لازم أروح دلوقتي على القصر. مالك: استنى، جاي معاك. بينما في الجنب التاني.

نسرين: إيه ده، إيه ده، إيه ده، إيه ده، إيه ده. لا دي بجاحة. إيه يا صغيرة على الموت يا نيرو. كان مكتوب لك المرمطة دي كلها؟ فين دلوقتي ضرب النار اللي شغال فوق ده؟ أكيد هيخلصوا على اللي فوق وهيخلصوا على أستاذ أعصاب وييجوا ليا هنا. هيغتصبوني وبعد كده يعذبوني ويقلعوا ضوافري ويكبوا عليا مية مغلية ويكهربوني ويدخلوا السيخ المحمي في صرصور ودني. ويقولولي اعترفي يا بت. بس هعترف بإيه؟ دي المشكلة. عاااا. وفي الآخر يموتوني. طب لي؟

أستنى، أموت نفسي؟ لا، كده هكون مت كافرة. وبعدين ميجيش قلبي أموت نفسي. واحد من العصابة دخل عليها وقتل الحراس وكسر قفل الباب. نسرين وهي رافعة إيدها لفوق: أنا هستسلم. بص يا باشا، مالك ده حيوان وبقرة ودموسة وطور وخطفني وعاوز يعذبني. خد دهبي، خد فلوسي، خد كل حاجة، بس سيبني أعيش. سيبني أعيش. عاااا. مالك دخل ضرب الشخص بالنار في راسه. مالك: خلصتي الفيلم ولا لسه؟ باسل وهو

واقع على الأرض من الضحك: هموووت، لا فظيعة. هايل يا فنانة، هايل. عندي نسخة منك في البيت. مالك: وريني. نسرين وهي بتنط على ضهر مالك وبتعضه في ودنه. مالك: يا بنت العضاضة، انزلي. نسرين: سيبني أمشي، كان فاضلي تكة وأسلم على الشهداء اللي هناك. باسل بيتذكر ملاك. (Flash Back) ملاك: بيسو. باسل: أصحى. ملاك: إيه يا دنيا. باسل: عاوزة رنجة. ملاك: حاضر، عنيا. نامي دلوقتي وبكرة هجيبلك. باسل: لا، عاوزة دلوقتي. قوم.

ملاك: دنياااا. نامي وريا شغل بكرة. ملاك بعياط: أنت معتش بتحبني. اعاااا. هيا طلباتي دي طلبات ابنك؟ يرضيك يطلع له رنجاية في وشه. باسل: بكرة هجبلك اللي أنت عاوزاه. ملاك وهي بتقعد على ضهره. باسل: انزلي من على ضهري، سبيني أنام. ملاك وهي بتعضه في ودنه. باسل: يابنت العضاضة، انزلي. ملاك: بعينك، قوم هتلي رنجة وأنا أسيبك. وتقطعلي بصل كمان وتجبلي طعمية معاها عشان بحبها بالطعمية.

باسل: رنجة وبصل وطعمية الساعة 3 الفجر. تصدقي، الطلاق ليكي حلال. ملاك: هتقوم ولا لأ؟ باسل: قايم يا دنيا، قايم. يا رب صبرني، يا تاخدني، المهم أبعد عن بنت المجانين دي. ملاك: يارب لو هتخده، خدني معاه عشان أقرفه. يارب. باسل: بحبك. ملاك: روح هتلي الرنجة. (انتهاء الفلاش باك) باسل وهو بيضحك: لا، أنت لازم تشوفي مراتي. هيعملوا دويتو سوا، محصلش نفس الهطل، ما شاء الله عليكم. أقولك يا مالك، أنا مش متفائل. دنتا هتشوف أيام.

مالك: انزلي بقولك. نسرين: تؤ تؤ. مشيني أحسن لكم. مالك: تمام، أنتِ اللي جبتيه لنفسك. نسرين بخوف: هتعمل إيه يعني؟ خدها مالك واتجه ناحية حمام السباحة ونزل فيه، بينما باسل واقف بيصور. مالك وهو وهيا في المية: قلتلك انزلي بالزوق، مفيش فايدة. اشربي بقى. نسرين وهي متعلقة في إيده: أنت متخلف؟ يلا. مبعرفش أعوم. يخربيتك. تركها مالك وخرج من المية.

نسرين: عاااا. حج كامل الحقني يا حج كامل. مبعرفش أعوم. أحيه، أحيه. هو أنا لو مموتش بالرصاص أموت غرقان؟ مالك: أوووف، أنا اللي جبته لنفسي. ونزل جابها من المية. نسرين وهي فاقدة الوعي. باسل: زمانها شربت مية كتير، لازم تنفس صناعي. مالك: تعال أعملهالها أنت. باسل: نعم؟ عاوز دنيا تقطعني حتت وتعبيني في أكياس سودة؟ لا، عم. دي لو عرفت هتتحول للمعلم رشدان بتاع سلاحف النينجا. مالك: خلاص، اكتم. هعملها أنا.

فضل يعملها تنفس صناعي ويضغط على صدرها لحد ما فاقت. باسل: قومي يا أختي، قومي. مالك: قومها يا بتاع المعلم رشدان. باسل وهو بيضحك: عقبالك لما أشوفك كده، زي بتتفرج على سبونج بوب وسلاحف النينجا مع بنت المجنونة اللي هتحبها وتتجوزها. (ووجه نظره لي نسرين) مالك وهو بيحمل نسرين: مش هيحصل، لسه متخلقتش اللي توقع الغول. باسل: كنت بقول زيك كده لحد ما جيت على بوزي. عمتا، أنا ماشي. يله سلام.

مالك: سلام. ومتنساش تسلملي على مراتك وعيالك. باسل: هما كام سنة دلوقتي؟ مالك: 3 سنين بس. مجانين أمي هما وأمهم. باسل: ربنا يخليهم لك. مالك: يارب. يله همشي أنا. زمان دنيا مستنياهيا هيا والعيال. بالسطور عشان التأخير ده. ومشي باسل. اتجه مالك بنسرين لغرفته فوق، وترك معاها جدته اعتماد اللي كانت مستخبية في غرفته وقت ضرب النار. مالك: والله لأوريهم إزاي يخشوا قصري. أنا هوريك يا سراج. وانتبه أن هدوم نسرين مبلولة وأنها نايمة.

مالك: لازم أغيرلها هدومها، مينفعش تنام كده. وغير هدوم نسرين وتركها وذهب لغرفته. مالك في الهاتف: تجيبلي سراج هو ورجالته متكتفين في المخزن الشرقي. مفهوم. الشخص: أوامرك يا باشا. تاني يوم في الصباح. نسرين بنعاس: أنا فين؟ وإيه اللي جابني هنا؟ وإيه اللي غير هدومي دي؟ وتذكرت ما حدث معها بالأمس. أحيه. طب أنا كنت بغرق. آخر حاجة. طب إيه اللي غير هدومي دي؟ وتركت سريرها وذهبت في القصر. نسرين بصراخ: أنت يا غول! أنت! ياه يا غول!

اطلعلي هنا! أنت فين؟ لو كنت راجل اطلعلي! مالك من خلفها: نعم؟ كنتي بتناديني؟ نسرين: لا أبداً يا باشا. بس كنت عاوزة أصبح عليكم. مالك برفعة حاجب: تمام. نسرين: استنى بقولك، هو أنا امبارح كنت بغرق وأنت لحقتني. شهم وجدع. هتلاقي ربنا يخليك للغلابة اللي زيك. المهم، أنا كنت بهدوم غير دي امبارح. إيه اللي بدلها كده؟ مالك: أنا اللي غيرتلك هدومك. نسرين بوجه محمر: إزاي تسمح لنفسك تغيرلي هدومي وتعمل كده؟ إزاي؟

مالك: لا، كنت أسيبك تنامي بهدومك المبلولة عشان تموتي؟ نسرين: بعد الشر عني. أنشله اللي يكرهوني. تركها مالك وذهب. نسرين: عاااا. بارد. أوف. مروح أصلي. أستغفر الله. إنسان مستفز. صـلت نسرين فرضها. نسرين: بيني، هقعد هنا فترة. لازم أتأقلم على الوضع. وذهبت للمطبخ، عملت حلة فشار، وعملت ماسك لشعرها وماسك فحم لوجهها. نسرين: كده تمام. نقعد بقى نتفرج على الكرتون. وجابت فيلم الملك الأسد. نسرين بعياط: أسكار يا ابن الكلب!

كده تقتل موفسا؟ طب هو عملك إيه يا واطي؟ تقتله لي؟ وكمان عاوز تموت سيمبا؟ دنتا لو عمي كنت شلوحتك. أهئ أهئ. عاااا. رجع مالك القصر. مالك بفزع: بسم الله الرحمن الرحيم. نسرين بقرف: إيه؟ شوفت عفريت؟ مالك: لا، شوفت عفريتة. إيه اللي عملاه في نفسك ده؟ نسرين: عاملة ماسك. تؤكلي فشار. مالك: هو أنتِ لي مش حاسة إني مخطوفة؟ ولا كنتي هتموتي امبارح؟

نسرين وهي بتستربع: أقعد أعيط يعني وأقولك خرجني، فتقول لي لأ مش هخرجك. وبعد كده تمضيني على ورق أنا معرفش إيه هو، ويطلع قسيمة جواز وتتجوزني. فا أعند عليك وأهرب، فا تقوم ترجعني وتغتصبني وتعذبني وتقولي بحبك، بعديها. فا أنا مصدقكش وأهرب تاني، فا ترجعني وتعذبني، فا أقوم أحبك. مالك بصدمة: إيه الفيلم الهندي ده؟

نسرين: تؤ، الفيلم ده اتهرس في ألف رواية. بس بما إننا في الحقيقة مش الروايات، فا لازم أعيش مع الواقع وأتقبله وأتعلم من أبطال الروايات. تركها مالك ورحل. نسرين: على راحتكم. وأكملت فرجة على التليفزيون وأكل الفشار. وفجأة...