رواية شيطان العشق الفصل السابع 7 - بقلم دنيا محمد

وفجأة اعتماد: يالهوووووي عفريت عفريت الحقوني يا اهل البيت الحقوني نسرين: أنا مش عفريت أنا أخوك يا فواز اعتماد: انصرف انصرف لا تأذينا ولا نأذيك جاني جني جصير يجوللي أنا خووووك يافواز جانيني نسرين: أنا جصيره يا اعتماد متطلعيش الوحش اللي جويا اعتماد: يعني إنتِ مش عفريت؟ نسرين: أنا نسرين يا وليه اللي كنتي نايمة في أربيزها امبارح ومكلبشة فيها اعتماد: كدابة أنا كنت نايمة امبارح في حضن جوزي

نسرين وهيا بتهز كتفها: هيهييييي نايمة في حضن المرحوم إزاي اعتماد: غوري يابت روحي امسحي القرف اللي عملاه في وشك ده إيه تعمل المشطة في الوش العكر نسرين وهيا بتبربش بعيونها وبتحول: لي يا سعات الهانم دنا قمري اعتماد: أعوذ بالله انصرفي انصرفي نسرين وهيا ماشية وبتضحك خبطت في مالك مالك: يخربيتك البوهيا اللي في وشك عكت هدومي مش تفتحي وإنتي ماشية

نسرين: لا بقولك إيه يا أدلعدي هتغلطي هغلط وأطلع عينك أنا مبيهمنيش أه، وإيه يعني هدومك اتعكت فدايا فدايا مالك وهو يمسكها من هدومها بقرف: تعرفي لولا إني مستعجل كنت روقتك هنا فاكرة الزنزانة تروحي دلوقت كده زي الشاطرة وتنزلِ تقعدي فيها نسرين: سيب هدومي بس كده الأول بدل ما أغاظك مالك بعصبية: تغاظي على مين نسرين: اعتماد طبعاً هتغاظي على مين يعني يا بشا تركها مالك ورحل نسرين: يخربيتك دراكولا ماشي بيخوفني اعتماد من وراها:

مين ده اللي بيخوفك نسرين: عاااا إنتي عملة كده ليا اعتماد ووشها أسود: أصل أبو العيال رجع من السفر فقلت يابت يا اعتماد اتظبطيله وحطيت المسك اللي إنتي عملاه وحطاه في التلاجة نسرين: خربيتك ده مش مسك اعتماد: أومال إيه نسرين: ده آيس كريم يختي طالع جديد فبعت الخدامة تجيبه يختيييي حطيت آيس كريمي على وشك اعتماد وهيا بتلحس وشها: طعمه حلو تصدقي نسرين: امشي من وشي يا اعتماد هتجبلي جلطة امشييييي جرت اعتماد من قدام نسرين

نسرين: أعاااا منه له منه له خلصت الآيس كريم بتاعي مروحة أعملي إندومي يواسيني في أحزاني واتجهت نسرين للمطبخ نسرين: إنت مين الشخص: إنتي نسرين: أيوة أنا إنت مين بقا ومداري وشك لي ولابس أسود في أسود لي إنت حرامي يا لهوي يا مصيبتي خد فلوسي خد المظاتي خد كل ما أملك بس سيبني أعيش أقولك مكتب مالك في خزنة شفته لما كنت رايحة أرخم عليه هتلاقيها معبية فلوس روح خد منها اللي إنت عاوزه بس سيبني أعيش الشخص وهو

يضغط على عرق في رقبتها: وكنتي عاملالي فيها شجيعة السيما أغمي عليها الشخص: هاخدك دلوقتي من هنا وأبقى أرجع آخد الملفات وقت تاني وشال نسرين على إيده ومشى من القصر واتجه على منزله ياسمين: مين دي يا أبي اسر: أمانة عندنا متسألش كتير هتفضل عندنا فترة هاجم هو اسر فكرينه اللي ضربته في تاني بارت الظابط اسر

وهو بيحط نسرين على السرير: من يوم ما ضربتيني وأنا مستني بفارغ الصبر اليوم اللي هشوفك فيه لولا إنك عطلتيني يوميها كان زماني مت في الانفجار مش قادر أنسى عنيكي اللي بلون البحر من يوميها أول مرة بنت تعمل اللي عملتيه ده فيا بس مش مدايق ولما شفتك نسيت الورق والمهمة وكل حاجة وجيبتك معايا بس يا ترى بتعملي إيه عند مالك وإيه علاقتك بيه وتركها اسر وخرج أم اسر: إيه يا اسر مين دي وجبتها هنا ليه اسر: كنت عند مالك ولقيتها

عنده فجبتها معايا أم اسر: إنت بتستهبل إزاي تجيبها من عنده ولي تعمل كدا اسر: هعرفك بعدين بس أهم حاجة اعملوها كويس ياسمين ابقي ادي لها هدوم من هدومك لما تفوق ياسمين: حاضر يا بيه بينما في الجنب الآخر مالك للخادمة: هيا نسرين فين الخادمة برعب: معرفش يا مالك بيه مالك: طب روحي شوفيهالي الخادمة: الآنسة نسرين مش في القصر كنت بدور عليها طول النهار بس مش موجودة مالك: إيييييه اومال راحت فين

الخادمة: معرفش والله أنا كنت آخر مرة شفتها كانت رايحة للمطبخ من بعدها اختفت مالك بزعيق: إنتو يا بهايم اللي هنا كله يجمع حالا الحراس كلهم جم جري مالك: نسرين فين انطقوا واحد الحراس: منعرفش والله يا باشا كلنا كنا واقفين في مكاننا ومحدش منا اتحرك من مكانه ولا شوفنا الست نسرين ولا خرجت من القصر مالك بغضب جحيمي: كلكم على أوضة التعذيب وإنت هات تسجيلات الكاميرات قبل ما تروح معاهم وجاب الحارس تسجيلات الكاميرات وشاف مالك

نسرين وهيا بتنخطف مالك: فاكر لما تلبس قناع على وشك مش هعرفك يا اسر ههههههههه بتحلم بس ليه خدتها وأنا متأكد إنك جاي عشان حاجة تانية اممممم حلو اللعب وحشني اللعب معاك خليها معاك الليلة دي بس بكرة هاخدها تاني يوم في الصباح استيقظت نسرين نسرين: يااا أنا مصدعة كده ليه أنا نمت كتير إيه ده أنا فين ودي مش أوضتي خرجت من الأوضة وقابلت ياسمين نسرين: إنتي مين ياسمين: أنا ياسمين نسرين: ياسمين مين ياسمين: أخت اسر نسرين: اسر مين

ياسمين: أخويا نسرين: أخوكي مين ياسمين: اسر نسرين: إنتي مين بقا ياسمين: يالهووووي إنتي بتفهمي منين أنا ياسمين أخت اسر نسرين: أنا فين ياسمين: في بيتنا وتذكرت نسرين ما حصل نسرين بلطم: أعاااا يختيي يختييي يختييي يختيييي أنا اتخطفت تاني هو أنا جيت مصر عشان أتخطف تعرفي يا أختي لو عملوا جائزة أكتر واحدة تتخطف هاخد المركز الأول فيها كل شوية أنام أصحى ألاقيني في مكاني ياسمين: إنتي اتخطفتي قبل كده

نسرين: آه والله يا أختي المهم اعملي الفطار عقبال ما أتوضأ وأصلي عشان جعانة وهحكيلك كل حاجة واحنا بناكل ياسمين بضحك: واضح إنك متعودة على الخطف فعلًا نسرين: آه يا أختي شوفتي الهنا اللي أنا فيه الناس كلها خيبتها السبت الأحد وأنا خيبتي ما وردت على حد ياسمين: هموت يخربيتك لا لا أنا هروح أعمل الفطار وتحكيلي كل حاجة من طأطأ لسلامو عليكم