رواية شيطان العشق الفصل السادس عشر 16 - بقلم دنيا محمد

سوري على التأخير، بس الشاحن كان بايظ ولسه جايبه واحد جديد. حصلي حتة موقف من جارتنا اللي تحت، من شهر كنت حاطة ميكب ولابسة حلو، ومعرفش إيه سمعتها بتقول: "إنتي كده من غير ما تتجوزي، أومال لما تتجوزي هتعملي إيه؟ خفي شوية من الميكب." وسكتتلها. النهاردة كانت عندنا، وكنت في المطبخ، لقيتها بتقول لأمي: "خلي دنيا تهتم بنفسها شوية وتهتم بشكلها."

طب منين من شهر مكنتش عجباكي عشان مهتمة بنفسي، ومنين النهاردة مش عجباكي عشان مش حاطة حاجة على وشي ولابسة هدوم بيت عادية. وطبعًا الموقف ده عرفني حاجة، إن الناس مبيجبهاش العجب فعلًا. أكدب عليك لو قولت بحبك لسه، وأكدب عليك لو قولت نسيتك. همسة. يلا نبدأ. تاني يوم في الصباح، اتصلت ياسمين على معتز. ياسمين: الو أستاذ معتز. معتز: أيوه مين معايا؟ ياسمين: أنا ياسمين اللي أنقذتها امبارح. معتز: آه ياسمين، ازيك؟

ياسمين: الحمد لله، كنت بتصل عشان أشكرك. معتز: على إيه؟ ده واجبي. ياسمين: أنا واقعة في مشكلة. معتز: خير، في إيه؟ ياسمين: ممكن نتقابل؟ مينفعش على الفون. معتز: تمام، كمان نص ساعة في كافيه ياسمين: تمام. وراحت للكافيه وقابلت معتز. معتز: تشربي إيه؟ ياسمين: لمون. معتز: واحد لمون للآنسة، وأنا هاخد قهوة مظبوط. معتز: خير يا آنسة ياسمين؟

ياسمين: أحمد الحيوان بيهددني بصوري اللي معاه، وركبهم على أجسام بنات مش أوي، وبيهددني إنه ينشرهم أو أبعتله صورتي من غير هدوم خالص، ومش عارفة أعمل إيه. معتز: طب سيبلي الموضوع ده وروحي حالا على البيت، وأنا هتصرف، واستني مني مكالمة. ياسمين: هتعمل إيه؟ معتز: ملكيش دعوة، أنا أعرف أتصرف مع أشكاله، وهجيب لك حقك لحد عندك. ولو كلمك مترديش عليه. ياسمين ومسكت إيده: شكرًا بجد، مش عارفة أقولك إيه.

معتز: متقوليش. اسمعي يا ياسمين، كلنا جربنا نحب، وكلنا غلطنا، بس أهم حاجة إننا منتمداش في الغلط بتاعنا، فهماني؟ ياسمين: فهماك. شكرًا بجد ليكوا. تركته ورحلت. معتز: الو، الشقة بتاعتي، في واحد ساكن جنبي اسمه أحمد، هاتوه على المخزن، وكسروا شقته كلها، وهاتولي التليفون واللاب بتاعه. الشخص: حاضر يا باشا، عنيا. نتركه ونذهب لمكان آخر. أدورد: سيدي، السيد مالك لديه حفلة يوم الجمعة في منزله، وسمعت إنه رجع لصوابه.

ألكس: حسنًا. أدورد، يجب علينا أن نزور صديقنا مالك وزوجته. أدورد بخبث: حسنًا سيدي، أوامرك. ورحل أدورد. ألكس: حسنًا أيتها الجميلة، سأراكي قريبًا، قريبًا جدًا. نتركه ونروح عند معتز. معتز: أهلًا بديك البرابرة اللي بيستقووا على الستات. أحمد: إنت فاكر نفسك مين؟ البلد فيها قانون. معتز: ههههههههههه، قانون إيه؟ لو فيها قانون كان وسخ زيك يفضل موجود. روّح أشوف اللاب بتاعك عليه إيه. فتح اللاب.

معتز: الله الله، حلوة الأفلام اللي إنت مسجلها للبنات دي. ولا الصور أحلى؟ والشات اللي بينك وبينهم. ههه، طلعت قواد بتهددهم؟ يا إما يشتغلوا في الدعارة، يا إما تفضحهم. ويتار بقى ياسمين، كنت عايز تضمها ليهم صح؟ أحمد: هههههههه، لا ياسمين كانت وضع مختلف. ياسمين أخوها ظابط كبير، وكان هينفعني. معتز وهو بيضربه: بالهبل اللي معايا دي أقدر أسجنك، بس مش هعمل كده. تعرف ليه؟ عشان البنات اللي هنا دول ميتأذوش.

واتصل على ياسمين فيديو كول. معتز: شوفي القواد اللي كان بيهددك يا ياسمين. ياسمين: في إيه؟ أنا مش فاهمة حاجة. معتز: اعتذر يا كلب لستك ياسمين، وقولها أنا مرها. أحمد وجسمه بيوقع دم: آسف يا ياسمين، أنا مرها، بس أبوس إيدكم سيبوني. معتز: البيه قواد وشغال في دعارة، وكان عايزك عشان أخوكي ظابط وهتنفعيه. ياسمين بدموع: حسبي الله ونعم الوكيل فيه. حسبي الله.

معتز: صورك وشات بتاعك، أنا هكسر الجهاز. الـ Data بتاعته. ودلوقتي اقفلي عشان عندي لسه شغل مع أحمد. وقفل مع ياسمين. معتز: إنت قلتلها إنك مرة صح؟ أحمد: أبوس إيدك ارحمني وسيبني. معتز: ههههههههههه، أنا هخليك مرة عشان متعدش تنفع لأي واحدة، وتفكر بعد كده قبل ما تستغل البنات وتضحك عليهم. وده حاجة بسيطة تعويض لكل بنت كسرتها وجيت عليها. نتركه في اللي بيعمله، ونروح لياسمين.

ياسمين بعياط: أنا السبب، كان زماني ضعت دلوقتي. كان زماني شغالة أكيد في الدعارة، لولا معتز، لولا ربنا وقف جنبي، كان زماني ضعت. كنت هرفع وشي إزاي لأخويا؟ كنت هقوله إيه؟ تربيتك ليا ضاعت على الفاضي. يارب سامحني، أنا عارفة إني غلط، سامحني واغفرلي. نتركها ونروح لأبطالنا. مالك بزعيق: نسرين! نسرين وهيا في المطبخ: إحيه، قفشني، قفشني. عرف أنا عملت إيه. استخبي فين؟ دلوقتي أروح فين؟ وراحت استخبت جوه التلاجة. مالك: نسرين!

اطلعي، اطلعي بقولك، أحسن هتشوفي وشي التاني. نسرين وهيا بتقرأ قرآن: يارب واجعلنا من أمامهم سدًا ومن خلفهم سدًا فاغشيناهم فهم لا يبصرون. مالك وفتح التلاجة وسحب نسرين من قفاها. مالك: إنتي إيه اللي دخلك أوضة المكتب بتاعي؟ انطقي! نسرين بدموع تماسيح: والله ما أنا. دي اعتماد استفزتني وجرت على المكتب، فا جريت وراها، وي، وقفت فوق المكتب، فا شديتها من رجليها، فا وقعت، وي، وقعت اللاب بتاعك. مليش دعوة. مالك: اعتماد!

اعتماد بجري وهيا رافعة رجل البنطلون وربطة طرحة على شعرها: إيه يا سعادة البيه، يلزم خدمة؟ مالك: إنتي اللي كسرتي اللاب؟ اعتماد: أنا؟ محصلش. دي الهانم. وشورت على نسرين. نسرين بعصبية: اعتماد الكلب، وديني ما سيباكي، بتلبسيني في حيطة. مالك: أعمل فيكم إيه؟ إنتو الاتنين؟ أعمل فيكم إيه؟ بلوتين وقعوا على راسي. حسبي الله. نسرين واعتماد وهما بيتسحبوا. مالك: اقفوا عندكم إنتو الاتنين. وبلذات إنتي، بتستخبي في التلاجة ليه؟

متجوزة إنسا. نسرين بهبل: لا، كمثري، عشان لما أتوه منك تقولي ويين الكمثري. مالك بضحك: مش هتفلتوا من العقاب، واحمدوا ربنا إني عامل نسخة تانية من اللي على اللاب في فلاشة. إنتو الاتنين حالا تجمعوا سجاد البيت كله وتغسلوه. نسرين واعتماد بيبصوا لبعض: بتكلمني أنا؟ مالك: لا، خيالكم. يلا، على شغلكم. وجمعوا السجاد كله وقعدوا يغسلوا، ومالك قاعد على كرسي قدامه. نسرين: والله يا زمن، لا بأيدينا ولا على الشوق يا زمن.

اعتماد: يا ظالم. مالك: اغسلوا بضمير. نسرين بعصبية: إنت تخليني أغسل سجاد؟ دنا في بيت أمي مكنتش بشيل. مالك برفع حاجب: دلوقتي بقيتي في بيتي وهتمشي على قوانيني لحد ما تعقلي يا نسرين، وتبطلي تعملي عقلك بعقل اعتماد. اعتماد: إيه ده؟ سوفاج! أنا بعمل إيه هنا؟ إنتي بنت خدامة، خلصي السجاد وتعالي جهزيلي أبجاكوزي بتاعك. وتركتها. مالك بنظرة معناها: شفتين.

نسرين: حسبي الله. أدبست أنا يا صغيرة على الشقا. يا نيرو، يا خسرتك في المرمطة. مش كان زماني متجوزة متولي، كان هيجبلي شغالة. خلصت من أبو كرش، جيت لهولاكو. مالك: بتقولي حاجة يا نسرين؟ نسرين: لا، دنا بشكر فيكم. مالك: طب اغسلي بزمّة.