رواية شيطان العشق الفصل العشرون 20 - بقلم دنيا محمد

عند أسر أسر: ماذا؟ أليكس توفي؟ الشخص: لقد انتحر سيدي، أخوك مالك كان من الإنتربول وتخفى من أجل أن يوقع بنا. أسر: لكن كيف؟ و و القيادة لدي طلبوا مني أن أوقع به وأحضر أوراق من قصره، إذا كانوا يعرفون بأمري من أجل أن يشتتوا انتباهي. الشخص: أجل سيدي. أسر: حسناً، أغلق الآن، علي أن أهرب. وقفل مع الشخص. ياسمين: في أي يا أبه بتلم هدومك؟ أسر: مسافر يا ياسمين، خلي بالك على نفسك وعلى ماما، تمام؟ ياسمين: رايح فين طيب؟

تركها أسر ورحل. عند مالك مالك: أنا متشكر جداً يا باسل لمساعدتك لي. باسل: عيب عليك يا لوكا، دحنا عشرة عمر يا راجل. نسرين: استوب. عشرة عمر إزاي؟ وإيه فيلم الأكشن اللي حصل ده؟ وإنت إزاي ظابط؟ مش كنت مافيا وماسكلي المسدس؟ ملاك: وفين عيالي؟ وإنت إزاي يا باسل متقوليش على الحوار ده؟ مالك: اسكتوا انتوا الاتنين.

باسل: أنا ومالك كنا سوا في ثانوي مع بعض ونعرف بعض من أيامها، وبالنسبة لعيالك يا ست كخة، سبتهم مع معتز بعد ما ركبوا العربية من ورانا والطيارة، واستخبوا وجم معانا ولا كأنهم رؤساء عصابة، مخلف أي أنا قرود. مالك: أما بالنسبة لموضوع المافيا، أنا بقالي سنتين معاهم، في الأصل أنا ظابط يا ست نسرين، واتخفيت عشان أجيب المعلومات اللي تثبت شغلهم الوسخ كله. عارفة إيه هو شغلهم الوسخ؟

مخدرات، خطف بنات وبيعهم في مزاد، وبيشتغلوا في الدعارة، واللي تقول لأ كانوا بيقتلوها ويبيعوا أعضاءها. سمعتي عن حوادث الخطف اللي شغالة اليومين دول؟

أهم المافيا دي هي اللي كانت بتخطفهم، ده غير السلاح اللي بيدخلوه البلد وتهريب الآثار، من الآخر كل الشغل الوسخ اللي تتوقعيه هما بيشتغلوا فيه، لحد ما إنتي ظهرتي في طريقي خليتيني معظم مخططاتي تبوز بسببك. كانت رقبتك مطلوبة وكانوا شاكين فيا، لحسن حظك إني قدرت ألحقك وألحق نفسي، اليوم ده فاكرينه؟

كانوا المفروض يصفوني لأن أعضاء المجلس وافقوا كلهم على كده، بس لحقتك ولحقت نفسي، وجبت ساعتها كل المعلومات عنك، عشان كده اتجوزتك، لأن حتى لو قتلوني ما كانوا هيقربوا لك لأنك مراتي. فهمتي؟ نسرين: آه طبعاً، أومال بس سؤال صغير، هو إنت أخوك أسر الظابط اللي خطفني قبل كده؟ مالك: أيوه، أخويا من الأب هو وياسمين، عشان كده لما جه القصر وغيره مأذتوش، بس دلوقتي زمانهم قبضوا عليهم.

ملاك: اممم، سيبكم من كل ده وودوني لعيالي، وحشوني أوي ولاد العفاريت، وضهري واجعني عايزة أستريح. آآآه، هو ماكس الكلب قبضتوا عليه ولا لأ؟ الهي ينشك في إيده اللي زي المرزبة. باسل: حبيبتي، الله يكرم أصلك اللي هو أصلي بردوا. ملاك وبتبعتله بوسة في الهوا: حبيبي قلبي. مالك: معرفش، رجالة أليكس في منهم اللي مات، وفي اللي اتقبض عليه، وفي اللي هرب. المهم، يله نروح نجيب عيالكم عشان نرجع مصر. وتوجهوا ناحية الفندق.

نسرين: وقف بسرعة، وقف يا مالك. مالك: في إيه؟ نسرين: الدنيا بتشتي، أنا نازلة ألعب. نزلت نسرين من العربية وقعدت تلف وتدوخ حوالين نفسها. ملاك بحزن: يبختها، نزلت تحت المطر. باسل: عايزة تلعبي في الشتا يا أم العيال؟ ملاك: ياريت بس ضهري. باسل وشالها على إيده وقعد يلف بيها ويدوخها. ملاك بضحك: يا مجنون. باسل بضحكة صافية: متجوز طفلة، أعمل إيه؟ كل اللي عليها تأمر وأنا اللي عليا أنفذ. ملاك

وهي ممسكة بوجهه في كف يده: بعشق أمك يا بيسو. باسل: وأنا بموت فيكي يا مو لسان. ونصبين. مالك نزل وقعد يتفرج على نسرين ويفتكر الذكريات القديمة. Flash Back مالك: يا غزل، تعالي هنا، هتخدي برد. غزل: يباي عليك، سبني ألعب شوية تحت المطر. مالك وهو محتضنها من الخلف: بخاف عليكي يا قلبي. غزل: بتحبني يا لوكا؟ مالك: بموت فيكي. فاق من ذكرياته على صوت نسرين. نسرين: ممكن تديني فلوس؟ مالك: ليه؟ نسرين بضحك: هروح أجيب آيس كريم.

مالك: في الشتا ده؟ نسرين: ده متعة، استنى هجيب لك معايا. أعطاها مالك بعض النقود. نسرين: حد عاوز آيس كريم معايا؟ مالك: أنا، والنبي. الله آيس كريم في الشتا. باسل: مجانين وربنا. روحوا سوا. نسرين، تعالي سنديها. وأخذت نسرين ملاك ومشوا. واتجه باسل لي مالك. باسل: هتعمل إيه معاها؟ مالك: في إيه؟ باسل: هتسيبها على ذمتك ولا هتطلقها ولا هترجعها لأهلها ولا هتعمل إيه؟ مالك: مش هطلقها.

باسل وهو بيبوسه من خده: هو ده الكلام، وربنا إنت برنس. مالك: أنا… باسل بصدمة: إنت مجنون؟ نتركهم ونروح مكان تاني. عند معتز معتز وهو بيجري وراهم: زينننننن، سيب السلك اللي في إيدك، متدخلوش في الكهربا. يزن، سيب الكاتشب يبني، متعكش الحيطة. يخربيتكم جننتوني. زين: ميزو اتجنني. زين: يا حيام لسه صغيي مدخلش دنيا. (يا حرام لسه صغير مدخلش دنيا) معتز: بقولكم إيه، تعالوا أحكيلكم حدوتة وتناموا. زين ويزن: يا ريت.

وقعد معتز يحكيلهم حدوتة لحد ما نام. زين: ميزو نام ننه. يزن: تعاي نكتفه. (تعالي نكتفه) زين: لي؟ يزن: عشان نحطله ييوج زي تاع ميمو. (عشان نحطله روج زي بتاع ملاك) وقعدوا يكتفوا في معتز وهو نايم. يا قلب أمه. عند ياسمين الباب بيخبط. ياسمين: مين؟ أحد الأشخاص: افتحوا، بوليس. فتحت ياسمين ودخلت الشرطة. الظابط: فتشوا البيت. ياسمين: في إيه؟ الظابط: أسر فين؟ مطلوب القبض عليه. ياسمين: أسر سافر، في إيه؟ إيه اللي حصل؟

العسكري: ملقناش حد يا فندم. الظابط: الأفضل لما تشوفيه أو تكلميه تقولي له يسلم نفسه. ياسمين: هو عمل إيه طيب؟ الظابط: متهم في قضايا كتير، من ضمنهم خطف وتهريب آثار وغيره وغيره. ياسمين: يالهوي. الظابط: يله بينا. ومشى الظابط. ياسمين بدموع: لي كده يا أسر؟ لي عملت كده؟ عندي أخين، واحد ساب الشرطة وبقى مع المافيا، والتاني في الشرطة وطلع بيهرب آثار وبيخطف بنات. نتركها ونروح عند أبطالنا. وصلوا لحد الفندق وطلعوا على الجناح.

ملاك: هما العيال فين؟ مفيش ليهم حس. باسل: أنا خايف. نسرين: عدوني كده بدل ما انتوا خايفين. ودخلت نسرين. نسرين: احيه. جرت ملاك وباسل ومالك عليهم. ملاك: نهار أبوكم أسوح ومنيل. باسل وسكعها على قفاها: اتلمي. ملاك بضحك: إيدك تقلت يخربيتك. مالك: بطلو حب في بعض وتعالوا فكوا معايا معتز. فكان معتز العيال مربطينه في السرير بملاءة ودهنين وشه كاتشب وشوكولاتة وحاطين في بوقه تفاح. معتز: عجبكم اللي عيالكم عملوه فيا ده؟ عاجبكم؟

آخر مرة تسيبوهم معايا، دول مش أطفال دول شيطان. زين ويزن بنظرة براءة: كنا بنحطلك مكياج زي ميمو. (كنا بنحطلك مكياج زي ملاك) معتز بلطم: تحطولي مكياج؟ تحطولي مكياج؟ يالهوي شيفني ستي. باسل وهو بيشيل يزن: في إيه يا أخي؟ ده الأطفال أحباب. ملاك وهي بتقعد زين على رجليها وبتحضنه: خلي خلقك استريتش، يا ميزو. ميبقاش كنز كده، الله. نسرين: إنتوا كنتوا فين والعيال دول بيتربوا؟

مالك بابتسامة للأطفال: تصدقوا أنا حبيتكم. تنفعوا تشتغلوا معايا. وهو يستاهل الحقيقة. باسل: مش تسلم على نسيبك يا معتز؟ مالك يبقى أخو ياسمين. معتز: إزاي؟ مش فاهم. مالك: إزاي دي نحكيها في الطيارة عشان ورايا شغل في مصر، وكمان لازم أروح لاعتماد المستشفى. نسرين بقلق: مالها اعتماد؟ مالك: هحكيلك واحنا في الطيارة. استوووووب. البارت خلص. وتفتكروا مالك قرر إيه بخصوص نسرين؟ ابقوا معانا. دنيا محمد.