رواية شيطان العشق الفصل الثالث عشر 13 - بقلم دنيا محمد

صحت نسرين من النوم. نسرين: مالك اصحى، اعتماد يا وليه. طبقه علي نفسي يخربيتك. اصحي يا مالك اصحى وابعد رجلك دي، دخلها في بؤقي احسن، دخلها في بؤقي. مالك: صباح الخير. نسرين: صباح النور. مالك: أنا جعان. نسرين: روح اتوضا الأول نصلي الصبح أنا وانت واعتماد. جماعه وناخد ثواب. مالك: مبعرفش أصلي. نسرين: هعلمك. بتعرف تتوضا؟ مالك: لا، بس هجيب من علي النت واصلي معاكي يا مامان.

نسرين: جدع يا لوكه. يله روح. وانتي يا اعتماد قومي يا وليه، كل ده نوم. اعتماد: عاوزه إيه يا خدامة بكيزة. نسرين: الله، قلبنا على مسلسل بكيزة وزغلول. اصحي يا بكيزة عشان نصلي. اعتماد: خلاص صحيت. اعمليلي النسكافيه بتاعي. نسرين: حاضر. روحي اتوضي نصلي وبعد كده اعملك اللي انتي عايزاه، ماشي. وراحت اعتماد اتوضت هيا ونسرين واجتمعوا عشان يصلوا. وعلمت مالك الأول إزاي يصلي. نسرين: كده فهمت صح؟ مالك: أيوه يا مامان.

نسرين: طب يله قيم بينا الصلاة. وقام بيهم الصلاة. وصلوا. مالك: يله نروح نفطر. نسرين: لا، نقعد شوية على سجادة الصلاة نستغفر ونحمد ربنا. مالك: لي. اعتماد: عشان الملائكة طول ما إحنا قاعدين على سجادة الصلاة وبنستغفر بيستغفروا معانا. نسرين ببسمة: صح يا اعتماد. ومش بس كده، لا طول ما إحنا بنتكلم عن حاجة فيها علم ودين، الملائكة بيبقوا معانا وبيروحوا يبلغوا ربنا يقولوا له يارب إني سمعت فلان بيتحدث في كذا، وبناخد حسنات.

مالك: طب لي بنصلي. نسرين: عشان الصلاة هي عماد الدين. هي عمود الدين. لما تصلي وتركع لربنا، إنت بتبقى في حضور ربنا وبتركع له بتقول له يارب أنا بأدي فرضك أهو، فـ ارحمني ودخلني جنتك. تعرف يا مالك إنك لما بتسجد الشحنات السلبية اللي في الدماغ الأرض بتسحبها. وإحنا بنصلي خمس فروض في اليوم، وده من رحمة ربنا علينا. مش لما بتصلي بتحس براحة نفسية؟

مهو بسبب كده. والصلاة كمان بتخليك تبعد عن الكبائر زي الزنا مثلا، والعياذ بالله. واحد بيصلي وعارف ربنا كويس وبيتمعن في صلاته، هيخاف يعمل أي حاجة غلط. والحاجات الغلط أصلاً مش هتبقى حلوة في عينه. مالك: طب أنا جوعت يا مامان. نسرين: طب تعالا الأول اقعد قدامي. هناراح مالك وقعد قدامها. ونسرين حطت إيدها على راسه وقرأت آية الكرسي والمعوذتين وآخر آيتين من سورة البقرة. نسرين: يله بقى عشان نفطر.

ونزلت نسرين على السلم. بينما مالك وخدها جري. واعتماد بتتزحلق على السور. وقعدوا يفطروا. اعتماد: اعمليلي سندوتش. نسرين: أشكو إليك متكلي زي البشر يا اعتماد. اعتماد: قلت أعمليلي سندوتش أحسن أعياط. إنتي حرة. وعملتلهم سندوتشات. وفجأة سمعوا صوت ضرب نار. خدت نسرين اعتماد ومالك ونزلتهم أوضة التعذيب. نسرين: خليكم هنا، أوعوا تخرجوا. فاهمينا. اعتماد: يا اختي، يا صغيرة على الموت يا اعتماد. يلي لسه مدخلتيش دنيا.

مالك: ماما متسبيناش. نسرين: اكتموا انتوا الاتنين لحد ما أشوف في إيه. وخرجت وقفتلهم وراحت مكتب مالك وطلعت المسدس بتاعه. واستخبت ورا السور. وكل ما حد يخش تضربه بالنار. لحد ما دخل مجموعة. لاحظت إن في حد بيضربهم معاها بالنار. نسرين: لو مالك سليم ومكنتش حبساه كان زماني قلت إنه هو اللي بيضرب. دخل شخص ملثم. الشخص: وقفو ضرب النار. نسرين من ورا السور: انت مين وعاوز إيه.

الشخص: مالكيش دعوة أنا مين. عاوز إيه. عاوز مالك. هناخدوه ونمشي ومش هنأذي حد. نسرين وصوبت على رجليه وضربته. نسرين: خد رجالتك وامشي من هنا قبل ما أقتلكم كلكم. معنديش مانع إني أنسى إنك تاخد مالك. لما يرجع لطبيعته يبقى منك لي، غير كده انسا. أنا المسؤولة هنا. الشخص: نسرررررين. بطلي جنان وسلميلي مالك. نسرين: تعرف اسمي منين. الشخص: أنا اللي خطفتك قبل كده. وفجأة ضرب النار اشتغل. وكل رجالة أسر وقعوا على الأرض. مالك

وهو نازل من الحيطة بحبال: منور يا أسر. أنا قدامك أهو. عاوز إيه. أسر: عاوز أقضي روحك. هكون عاوز إيه. خرجت نسرين من ورا السور. نسرين وهيا موجهة المسدس لي أسر: امشي اطلع بره. أسر: لو مش هاخد روحه، هقول هاخدك. وهجم على نسرين. فا قام مالك وقف قدامها ومسك رقبة أسر. مالك: لسه متخلقش اللي ياخد مراتي. امشي يا أسر من هنا بالزوق.

أسر: خلاص ماشي. بس هرجعلك تاني يا مالك. لسه حسابنا مخلصش. وهاخدها. ومتنساش إنت اللي بدأت العداوة من زمان. وخرج أسر. نسرين: هو إنت جيت هنا إزاي. وعقلك رجعلك إمتى. مالك: ميخصكيش. ومحدش يعرف إني رجعت لعقلي. فاهمة. واعملي حسابك كمان يومين هنسافر إيطاليا. عندي حفلة هناك. واياكي يا نسرين. فاهمه. اياكي حد يعرف إني عاقل. الكل هيفضل فاهم إني لسه طفل.

نسرين بغضب: انسا. إنت كنت بتضحك عليا وبتكدب. إنت مش إنسان. إنت شيطان متحرك. إزاي تخدعني كده. وأنا اللي كنت مشفقة عليك. إنت فاكرني إيه. عروسة لعبة هتحركها على مزاجك. مالك: هسيبك دلوقتي وهمشي لحد ما تهدي. وفكري في اللي قلته. لأنك هتنفذيه بالزوق أو غصب عنك. في مكان آخر. رجع أسر بيتهيأ. ياسمين: مالك يا أسر. في إيه. أسر: سيبتهاله تاني.

ياسمين: أسر. إنت تعرف إيه عنها ولا حاجة. فوق يا أسر من الجو ده. إنت محبتهاش. هي بس عجبتك لأنها مختلفة بالنسبة لك. أسر وحضن ياسمين: أنا تعبان أوي يا ياسمين. أعمل إيه. ياسمين: انساها يا أسر. ومتوجعش قلبك. بينما في مكان آخر. مالك: أسر عرف إني معتش طفل. ونسرين كمان. النهاردة أسر هجم على القصر واضطريت إني أدخل.

اللواء: سيبك من أسر. أنا هعرف إزاي مخليهوش يتكلم. المشكلة دلوقتي في نسرين يا حضرت الظابط. البنت دي دخلت في كل حاجة وبقت مطلوب رقابته. مالك: عارف يا فندم. حفلة إيطاليا هروحها وهخليها هي تخش وكرهم وتتعامل. أنا واثق فيها وهفضل أدامهم طفل زي منا. متقلقش. اللواء: بس كده في خطر عليكي. مالك: متقلقش يا فندم. إن شاء الله هتعدي. وتركه ورحل. أجل، فهو ضابط في الإنتربول الملقب بالشيطان. واتجه على قصره مرة تانيه.

نسرين: أنا موافقة. بس مش عشان سواد عيونك. ولا لأني خايفة عليك. لا عشان نفسي أشوف إيطاليا من زمان. أووه ماي ماييييا. مكرونة إسباجتي وبيتزا. مالك: كنت متوقع إنك توافقي. يله جهزي شنطة هدومك يا زوجتي العزيزة. نسرين: منين. ما حضرتك ولعت في هدومي ولا نسيت. ومن يوميها بلبس نفس الهدوم. بغسلها بليل والبسها الصبح. تركها مالك ورحل. نسرين: إيه ابن المجانين ده.

بعد ساعتين دخل مالك ومعاه شنط كتير. وسمع صوت نسرين بتزعق. جري على أوضته. نسرين وهيا بترقص فوق السرير: أبويا طلق سماح وخطفني. طلق سماح وخطفني. طلق سماح وخطفني. مالك: إنتي بتعملي إيه. نسرين: مش تخبط. افرض بغير هدومي. مالك: خدي. جبتلك هدوم بدل اللي ولعت فيه. نسرين وخدت منه الشنط وطلعت الهدوم. ولقيت فيهم هدوم داخلية. نسرين: احم. شكرا. بس إنت إزاي عرفت مقاس هدومي الداخلية.

مالك بخبث: والله يا نسرين، كان بودي أقول إنه من واقع خبراتي النسائية عرفت مقاسك. بس للأسف أنا جبتهالك صدفة. أول مقاس في الحريمي جبته وطلع مقاسك. نسرين باحمرار: إنت سافل وقليل الأدب. امشي اطلع برررررره. خرج مالك وهو.