رواية شيطان العشق الفصل الثاني عشر 12 - بقلم دنيا محمد

مالك دخل على نسرين الأوضة. مالك: خدي دي. ورما عليها الوردة وطلع يجري. نسرين: جايبلي وردة فاكرني كده هسامحه؟ لو ولو لازم أطلع عينه. وراحت لمالك. نسرين: فاكرني بحتة الوردة دي هسامحك؟ بتحلم. مالك: ما قلتلك أنا آسف وجبتلك وردة، ودي أول مرة أعملها، عايزة إيه أكتر من كده؟ نسرين: عايزاني أسامحك. مالك: احم، آه. نسرين بنظرة ثاقبة: تعملي كيك بالشوكولاتة. مالك ورفع سلاحه: قلتي إيه؟ سمعيني تاني كده.

نسرين بتحدي: زي ما سمعت، ولو ماتش الكارتيه هنعمله تاني. مالك: موافق على ماتش الكارتيه، بس الكيك انسيه، أنا عمري ما دخلت المطبخ، رئيس مافيا يخش المطبخ. نسرين وهي بتسحبه من كرافته: هساعدك، بس لن اتنازل عن الكيك، يلا ورايا. مالك دخل المطبخ وبص للخدامين نظرة خلتهم كلهم يخرجوا بره. نسرين وهي بتطلع الدقيق: أنت واقف كده ليه؟ اتلحلح واتحرك يلا. مالك بتافف: عايزني أعمل إيه؟ نسرين: خد افتح كيس الدقيق ده عقبال ما أغسل البيض.

مالك وهو بيفتح كيس الدقيق انفجر في وشه. نسرين بضحك: هموت من الرجل الأبيض. مالك برفعة حاجب: تمام، أنا هخليكي المرأة البيضاء. وجاب الدقيق ورشه على وشها. نسرين: بقا كده، والله ما هسيبك، خد البيض ده في وشك. مالك وهو بيحدف عليها العصير: اتلمي يا نسرين أحسن، أنتي عارفة جناني. نسرين وهي بتحدف عليه الشوكولاتة: مش هتلم، هات آخرك يا مالك يا ابن أم مالك. مالك وراح عليها مسكها من شعرها من ورا.

مالك بغضب: أنا مالك اللي أتقل شنب بيركع قدامي، تيجي عيلة زيك وتعمل فيا كده؟ نسرين بتحدي: وأنا نسرين اللي مبركعش غير للي خلقني. مالك: على أوضتك. نسرين: نعم؟ مالك: على أوضتك بقولك. طلعت نسرين تجري على أوضتها، وراح مالك أوضته غير هدومه وخرج. في الجنب الآخر. ياسمين في التليفون. ياسمين: أنا حاسة بالذنب يا أحمد، كون إني مخبية عن أسر علاقتي بيك ده محسسني بالذنب.

أحمد وهو حاضن فتاة: يا حبيبتي، إحنا مبنعملش حاجة غلط، وبعدين ما قدامك الظروف لسه، استني لما نخلص، واتقدم لك بقلب جامد. ياسمين: مانت بقالك سنين في الكلية وكل شوية تسقط، اسمع يا أحمد، آخر كلام، لازم تيجي تتقدملي، يا أما كل واحد فينا في طريق. فجأة دخل عليها أسر. أسر برفعة حاجب: بتكلمي مين يا ياسمين؟ ياسمين: دي روميساء صحبتي، طب يا روميساء هكلمك بعدين عشان أسر دخل. أحمد: تمام يا حبي، سلام. وقفل معاها.

البنت: أنت هتتجوزها فعلاً؟ أحمد: ههههه، أتجوز مين؟ دانتي اللي في القلب دي، بس فترة مؤقتة لحد ما آخد غرضي منها، وبعد كده مع السلامة، ده أنا محضر لها حتة مغرز. البنت: ههههه، حلاوتك وحلاوت دماغك. في الجنب التاني. أسر: قفلتي معاها على طول ليه لما دخلتي؟ ياسمين: طبيعي يا أحمد، أومال أكلمها قدامك، خصوصاً إن بينا أسرار. أسر: ماشي يا ياسمين، أنا واثق فيكي ومأكد إنك عمرك ما تخوني ثقتي دي. ياسمين: متقلقش يا أسر.

بينما في الجنب الآخر. في المساء نزلت نسرين تعمل أكل. وبينما هي نازلة لقت حد داخل في الضلمة. نسرين: إحيه! حرامي في البيت ولا جاي يخطفني؟ ما محدش بينخطف اليومين دول غيري. وانسحبت على المطبخ جابت طاسة وضربته على راسه من ورا. نسرين: جاي تسرق بيت إبليس؟ حرامي غبي يا لص يا سارق. مالك بألم وراسه بتجيب دم: آآآه. واغمي عليه. نسرين: الحقوني حرامي! افتحوا النور حرامي! اجتمعوا الخدامين وفتحوا النور. نسرين بصدمة: ينهار أبيض!

مالك! اطلبوا الإسعاف بسرعة وهاتولي بن، خليني أسد الجرح. جت الإسعاف وشالت مالك. نسرين في المستشفى: دكتور بسرعة الحقوه، والنبي متسبهوش يموت. خدوا مالك وضمدوا له الجرح وخيطوه. الدكتور: للأسف، أنتي ضربتيه في مكان الذاكرة في راسه من ورا، مضطرين نستنى لما يفوق، وادعي إنه ميحصلوش مضاعفات. نسرين: يارب. نسرين في بالها: يالهوي، موت الراجل يا نسرين، يارب أنت عارف إني مكنتش أقصد، سامحني يارب، يالهوي، لما يصحى هيعمل فيا إيه؟

أكيد هيقتلني، والحل؟ آآآه! أول ما يصحى وأطمن إنه كويس، ألم هدومي وأهرب. الدكتور بعد ساعتين: المريض فاق. جرت نسرين على أوضة مالك. مالك أول ما شافها: ماما. وجرى على نسرين. الدكتور: للأسف، ذاكرته رجعت لورا وبقى طفل عنده خمس سنين. نسرين: إحيه! طب والحل يا دكتور؟ الدكتور: تعاملي معاه كأنه طفل، هو هيرجع لسنه بس لازم ياخد صدمة. نسرين: تمام، شكراً يا دكتور. مالك: ماما، مش هتبعدي عن لوكة صح؟ نسرين: وحياة أمي أنا مش أمك.

مالك بدموع: لا، أنتِ ماما، أمي مين؟ نسرين بشفقة: خلاص، أنا ماما. نسرين في بالها: يا ربي، هو أنا خلفت البغل ده إمتى؟ ده يخلف قدي؟ يحرقه، ده وقته يحصله فقدان ذاكرة ويرجع طفل. مالك وهو بينط على ضهر نسرين: يلا شليني أوبح. نسرين: إحيييه! أشيل مين؟ دنا أتفشفش كده، بص يا لوكة، تعالا نعمل سباق للي يخرج من المستشفى الأول. مالك: هيييه، موافق، يلا، واحد، استعد، اتنين، مد الرجل، تلاتة، انطلاق. وطلع يجري.

نسرين: عاااا، صبرني يارب، لولا إني السبب في اللي حصله ده مكنتش عبرته أصلاً، هلاقيه من اعتماد ولا منه في بيت المجانين ده. وراحت ورا مالك وركبوا العربية. مالك: ماما، ممكن تجيبي لي لوكة شوكولاتة؟ نسرين: حاضر يا حبيبي، وأي تاني، إحنا خدمين الجزم يا فندم. مالك بعياط: عااا، ماما وحشة، بتشتم لوكة، ماما مبتحبش لوكة، أعااا. نسرين: بس بس، أنا اللي جزمة، أقولك أنا اللي ستين جزمة، تعاليلي يمه، شوفي الهنا اللي بنتك فيه.

مالك وهو بيشدها من ودنها: بطلي تكلمي نفسك يا ماما، هتتجنني، وأجري وراكي وأقولك العبيطة أهي، العبيطة أهي. ووصلوا القصر. ومالك دخل جوه وحضن اعتماد. مالك: إزيك يا تيتة؟ اعتماد: أنا تيته إيه يا طور؟ أنت متحسن ألفاظك، يا بغل أنت، مش عيب لما تقول لموزموزيل زي تيته؟ نسرين بنفاد صبر: اسمعوا بقى، انتوا الاتنين، تقوموا حالا تغسلوا سنانكم وتشربوا اللبن وتناموا، مفهوم؟ أحسن أجبلكم أبو رجل مسلوخ.

مالك وهو بيجري على أوضته: حاضر يا ماما، حاضر. اعتماد: لا، أنا هتفرج على فيلم الرعب ده وأنام، متمشيش كلامك عليا. وذهبت نسرين أوضتها وراحت تنام. بعد ساعات. مالك: ماما، ماما. نسرين بنعاس: إيه؟ مالك: ممكن أنام جنبك، أصلي خايف من أبو رجل مسلوخ يجي ياكل رجلين. نسرين: يادي اليوم اللي مش هيعدي، مينفعش يا مالك، عيب تنام جمبي. مالك بعياط: لااااا، لوكة هينام جمب ماما. ونط على السرير جمبها واتغطى.

نسرين: ده طفل يا نسرين، نامي، نامي. ونامت جمبه دقيقة والباب خبط. اعتماد: ممكن أنام جمبك، أصل فيلم الرعب خوف اعتماد ومش عارفة أنام. نسرين: تعالي يا اعتماد، تعالي يا ماما، ما هو بينها مفيهاش نوم. وراحت اعتماد نامت جمبها التاني. و مالك حاصرها بإيديه ورجليه، ونفس الكلام اعتماد. نسرين: آآآآه، هتقلب إزاي أنا كده؟ ماله متولي؟ أقوله كنت هعرف أنام بدل اللي بيحصلي ده. خبطتها اعتماد بالمخدة في وشها. اعتماد: نامي بقى.

ونامت نسرين.