رواية صقور الدخلية الفصل الأول 1 - بقلم الكاتبة المجهولة

حور: خريجة تمريض عسكري، قمحاوية، شعرها ناعم أسود، عيونها بني على أسود بتلمع، عمرها ٢٣ سنة. ورد توأم حور: خريجة تمريض عسكري، بيضاء، شعرها كيرلي أصفر، عيونها بني، عمرها ٢٣ سنة. آدم: خريج كلية شرطة، قمحاوي، شعره ناعم، عيونه خضرة، عمره ٢٧ سنة. مراد أخو آدم: خريج كلية شرطة، أبيضاني، شعره ناعم برضه، عيونه زرق، عمره ٢٦ سنة. سعاد مامت آدم ومراد: ست طيبة بتحب ولادها جداً وبتحب خير الناس، عندها ٤٨ سنة، بيضاء ومحجبة.

ليلى: خريجة ألسن إنجليزي، عندها ٢٢ سنة، شعرها بني ناعم، عيونها سود، بشرتها بيضاء. مروان أخو ليلى: خريج كلية حقوق إنجليزي، ٢٥ سنة، شعره طويل، بشرته سمرا شوية. لواء شريف: راجل في آخر الخمسينات، طيب القلب وشديد في شغله جداً، شعره أبيض وعيونه سود. تبدأ قصتنا ببنتين ماشيين في شارع بيهزرو سوا وكانوا راجعين من شغلهم. وفجأة بيحسوا في حد ماشي وراهم. بيحاولوا يقدموا شوية، بس فجأة طلع ليهم كذا شاب.

أجوا ٥ شباب بيحاولوا يتحرشوا بيهم. واحد منهم قال: "كل واحد هيستغل كل وحدة شوية". البنتين عملوا نفسهم خايفين، وفجأة واحدة منهم ردت: "لو سمحت محدش يقرب مننا، أحسن ممكن عضمكم يتكسر". راحوا كلهم ضحكوا وقالوا: "الحقوا هتموت من خوف وتقول هتكسر عضمنا". بعدين البنتين بصوا لبعض بصة قوة وضحكوا ضحكة شر. بعدين واحد قرب من البنت الأولى وهي بطلتنا وهي حور.

فجأة شاب حاول يمسك حور، راحت حور ضرباه منها في دراعه ووقعت من وجع بسبب دراعه اتكسر. واحد تاني حاول يقرب من بطلة تانية وهي ورد، حاولت تسمكها بضربة منها في رجليها في بطنه فوقعت مش قادر. فا تلاتة بقين حاولوا أنهم يضربوا حور وورد. خافوا، راحوا جريوا. فا حور وورد قعدوا يضحكوا. وفجأة لقوا أجوا عشرة جاين مرة واحدة عليهم. حور وورد في بوق واحد: "جاهزين للعب". اتنين في بوق بعض: "جاهزين". وفجأة قامت معركة.

وحور وورد بقوا يضربوا عشر رجال باحتراف. والشباب هتجنن إزاي هما كده. وفجأة الشباب كلها وقعت على الأرض من كمية الضرب اللي أخدوها من ورد وحور. فا راحوا قالوا بنفس واحد: "متستخفوش فينا أبداً". بعدين قالت ورد: "مش عيب على رجالة زيكم بنات عندهم ٢٣ سنة يخلّوكم في الأرض كده". فا الشباب فعلاً ندموا إنهم كانوا هيتحرشوا بيهم.

فا حور اتكلمت: "اتقوا ربنا في بنات ناس، ممكن أختكم تكون مكاننا وتضيع روحكم. شوفولكم شغل بدل اللي انتوا بتعملوه ده". وفعلاً حسوا بندم كلهم واتأسفوا لينا وهيبطلوا فعلاً. وي حور وورد قالوا: "كويس إنكم هتتغيروا". "وإحنا أسفين إننا ضربناكم". بعدين أخدنا شنطنا وروحنا بيتنا وقعدنا من تعب. حور: "قد إيه شغل صعب أوي". ورد: "فعلاً ضهري اتقطم بجد، كان لازم نوافق على شغلانة تمريض عسكري دي".

حور: "هنعمل إيه، دي أحسن شغلانة لينا وكمان فلوسها كويسة عشان نقدر نعيش حياة كويسة". ورد: "عندك حق يا حور والله، طب يلا تعالي ناخد شاور وننام عشان بكرة يوم متعب لأن مدير هيقول كلام مهم وهنشوف هيعمل إيه". حور: "قالت ماشي يلا هحضر هدومنا عقبال ما تخلصي انتي وأخش بعديكي". ورد: "ماشي يا قلبي". بعدين حور وورد أخدوا شاور وناموا سوا زي كل يوم. بعدين حور حلمت أن حد بيحاول يعتدي عليها. وفجأة تقوم مخضوضة.

وي ورد تقوم مخضوضة زيها. حور: "إيه يا ورد؟ ورد: "حلم كل يوم يا حور، كل يوم أحلم نفس الحلم". حور: "مش عارفة بقالي ٣ سنين حلم كل يوم بيتكرر، يارب إمتى أخلص من الكابوس ده". وراحت ورد خدت حور في حضنها وناموا. بعدين صحيوا صبح بدري عشان طبيعة شغلهم بتبقى بدري. حور وورد عندهم ٢٣ سنة قد بعض. حور قمحاوية زي ورد بيضا. حور شعرها أسود ناعم وي ورد شعرها أسود كيرلي.

بعدين البطلتين نزلوا راحوا شغلهم في مدينة نصر في مكان راقي جداً وأعلى مستوى. حور وورد اتنين خريجين تمريض وبعدين اشتغلوا في مستشفى في أكتوبر بس حصل حاجة خلتهم يبعدوا عن أكتوبر خالص. هتعرفوا الحكاية بعدين. نرجع تاني. حور وورد راحوا شغل وبعدين مدير عمل اجتماع بس الاجتماع ده للممرضين المهره بس اللي شاطرين جدا. وطبعاً حور وورد من أشطر ممرضين في المستشفى. بعدين ٢٠ ممرضة زيهم برضه شاطرين زيهم. بس بعدين...

مدير اسمه حسام سيف. "دلوقتي فيه قوات هتحارب إرهاب في سيناء، فا طالبين ممرضات شاطرين يروحوا هناك عشان يعالجوا. طبعاً أي ظابط لو اتأذى." "فا اللي حابة تروح تقول". طبعاً حور وورد وافقوا لأنهم حابين يجربوا حاجة زي كده. منسبالهم مخاطر وحاجات دي جزء من أحلامهم. فا اتنين قالوا: "إحنا موافقين". وي عشر ممرضات وافقوا. الباقي خاف على حياته. فا مدير أخد أسماء اللي هيروحوا وبعتهم للإيميل مديرية القاهرة.

بعدين قال: "جهزوا نفسكم، بعد يومين هتروحوا في ميكروباص هيعدي على كل واحدة في بيتها ويروح على سيناء". ورد وحور في بوق واحد وبقية الممرضات: "حاضر يا فندم". وبعدين كله راح على شغله. بعدين حور وورد فرحانين عشان ده جزء من أحلامهم. وبدأوا في شغلهم وخلصوا يومهم. وكل عادة يروحوا ياخدوا شاور ويناموا. وي حور ديما تحلم حلم وتقوم مخضوضة. بعد مرور يومين. ويصحوا الاتنين يلبسوا هدومهم.

حور لابسة قميص أبيض على بنطلون أسود وكوتشي أبيض ولابسة شعرها ديل حصان. وي ورد لابسة تشيرت أحمر وبنطلون أسود وكوتشي أبيض وفرده شعرها. مجهول ١ في عربية بيكلم مجهول ٢ على تليفون. مجهول ١: "طلعوا يا فندم اتنين على ميكروباص ومتجهين لسيناء". مجهول ٢: "تمام، ارجع انت بقى". تفتكروا مين المجهولين دول؟ وياترى ورد وحور، إيه مستنيهم هناك في سيناء؟ ولي سابوا أكتوبر؟