رواية صقور الدخلية الفصل السابع والعشرون 27 - بقلم الكاتبة المجهولة

حور: مبدئياً، كل واحد أكيد عرف كل اللي حصل ما بيني أنا وآدم. فأنا هوضح كل حاجة. أول حاجة، آدم لما شاف الشخص بيحضني من ضهري، مصدقش إني بخونه، لأن الشخص ده عمل كده عشان يخلينا إحنا الاتنين نكره بعض ونتفرق. ادم: إحنا طلعنا أذكى منه وعملنا زي ما هو عايز بالظبط، ومثلنا إننا بنكره بعض. وطبعاً كان لازم نعمل قدامكم كده إننا بنكره بعض عشان منتكشفش. مراد بتفكير: يعني لما زعقت لها وقولت كلام غلط في حقها، كان تمثيل؟

حور: أيوه، لأن آدم شاف واحد واقف مستخبي من بعيد. وآدم فضل يقول كلام جارح عشان أضربه بالقلم، والراجل اللي كان واقف بعيد يصدق ويبعت للي بعته إننا فعلاً بنكره بعض. اللواء شريف بدهشة: كملوا، شكل الحكاية كبيرة. وفي أسرار متخبية. وإنتي يا ريم كمان كنتي معاهم، والله طلعتي قرده. كلهم ضحكوا عليها 😂. ريم بغيظ: ماشي يا بابا. ادم: احم، نكمل. اللواء شريف: كمل يا آدم. ادم: بعد كده...

اللواء: استنى يا آدم. حور، يعني لما جيتي عندي واغمي عليكي، كان بجد ولا تمثيل؟ حور: أكيد بجد يا بابا، لأن ورد كانت مخطوفة ومكنتش عارفة أنقذها. اللواء: تمام، كملوا. حور: هكمل أنا يا آدم. ادم: تمام. حور: وقبل ما نمشي من المستشفى، إحنا التلاتة عرفت ريم الحقيقة عشان تبقى هي واخدة بالها من أي حد يحاول يقتل ماما سعاد تاني. اللواء: برافو عليكي يا ريم ❤️. ريم: ابتسمت.

حور: بعد ما نزلنا من المستشفى، ركبت عربيتي ولاقيت الشخص اللي كان بيراقبنا طلع بعربية كانت قدامي. مشيت وراه ووقفت بعربيتي قدامه ونزلت وقلت له: "إنت مين ومين بعتك؟ " ولسه هيحكيلي هو تبع مين، لاقيته وقع على الأرض ميت، لأنه أخد سم بسرعة قبل ما أنزله من العربية. سبته وركبت عربيتي واتجهت على الطيارة. واتكلمت بضحك: وطبعاً يا مراد، إنت عارف الخناقة اللي دارت بيني وبين آدم. كان كل ده برضه كان تمثيل.

لأن لاقيت على قميص آدم جهاز تصنت بس صغير، عشان كده قطعت قميصه، وعشان الشخص اللي بيراقبنا يصدق إننا فعلاً بنكره بعض ويسمع صوت تقطيع القميص يفهم إن الجهاز وقع بسبب خناقنا. ولما كنت إنت يا مراد بتهدينا، أنا ساعتها كسرت الجهاز برجلي عشان ميقدرش يعرف بقيت كلامنا. مراد بانبهار: إيه يا بنتي الدماغ دي. ادم بضحك: إيه يا عم، هتقر عليها ولا إيه؟ حور: أكمل بقى. مراد وورد: مين الشخص ده بقى اللي كان بيرقبكم؟

ادم وحور بخبث: هتعرفي بس نكمل 😉. ورد ومراد: تمام، كملوا. ادم: وأول ما عرفنا مكان ورد، اتجهنا على المكان اللي كانت فيه ورد، بس شخص قدر يغدر بينا وعملنا حادثة. ورد بصدمة: يعني مش معاذ هو السبب؟ حور: لا، بس كان عارف. لكن اللي أمر السواق هو شخص ده. وأول ما فوقت من الحادثة، لاقيت ماكس بيفوقني وأخدني على البيت اللي كنتي مخطوفة فيه. وفضلت أبين لمعاذ إني أنا وآدم هنتطلق وبنكره بعض، لأن كنت متأكدة إنه ليه علاقة مع الشخص ده.

وأول ما دخل مالك علينا أنا وورد وقالي إن طلعت بـ سابع، روحت شكيت فيه. ورد بصدمة 😳: أوعي تقولي الشخص ده يبقى... ادم وحور: يبقى (... كلهم بصدمة: يعني هو ورا كل المصايب دي؟ ادم: أيوه. سعاد: وعرفتو إزاي إنه هو يا حور؟ حور: هقولك يا سوسو. ✨فلاش باك ✨ أول ما مراد وورد طلعوا برا الأوضة، اتكلمت أنا وآدم بصوت واطي. حور: آدم، أنا عرفت مين الشخص اللي عايز يفرقنا. ادم بصوت واطي: مين، بسرعة؟

حور: لاقيت على سلسلة ماكس مكتوب "مالك" تحت اسم ماكس. والشخص ده متأكدة إنه هو ومعاذ متعاونين سوا. لأن جه هنا واعترف بلسانه إنه هو سبب الحادثة، مش معاذ، بس أكيد معاذ كان عارف. ادم: مين ماكس ده؟ حور: بيكون الحصان اللي جابك هنا إنت ومراد. ادم: تمام. هو فين طيب مالك ده؟ حور: هرب مننا أنا وورد، بس أنا عندي خطة كويسة أوي عشان نتأكد إذا كان هو برضو الشخص اللي بيراقبنا ولا لأ. ادم: إيه هي الخطة؟ حور: إني أنتحر.

ادم بغضب وصدمة: إيه! إنتي اتجننتي؟ إزاي؟ حور: هفهمك. إحنا دلوقتي هنمشي من هنا على أساس رايحين البيت نرتاح فيه، وبعد كده نقبض على مالك ومعاذ. أنا بقى هروح على اتجاه الجسر وهرمي نفسي من على الجسر وهقع في البحر وهفضل أعوم لحد ما أوصل عند الشط. وهركب أي تاكسي يوصلني على عنوان زميلتي جاسيكا. هي بتكون رائد شرطة في نيويورك. اتعرفنا على بعض لما كنت أنا وورد بنيجي في مهمات خاصة هنا.

أول ما هوصلها هاخد عربيتها وأروح على بيت مالك أتأكد إذا كان هو فعلاً ولا لأ. ولو هو فعلاً، هخليه يتعفن في سجن أمريكا، مش هخليه يموت. بالعكس، الموت راحة ليه. لكن لما يتحكم عليه بسجن مدى الحياة، هيكره اليوم اللي اتولد فيه. ومعاذ كمان هيدخل معاه سجن. ادم: وإنتي هتعرفي بيت مالك منين؟ وهنقبض عليهم إزاي؟ حور بذكاء: ورد هي اللي هتعرفني بيت مالك. ادم باندهاش: إزاي؟

حور: أول ما هقع، ورد هتبقى عايزة تنتقم ليا، فـ هتخلي ماكس يوصلها بيت مالك عشان تخلص عليه. ومش بعيد كمان تلاقي معاذ هناك، فـ ممكن تخلص عليهم. وكمان هتبقى منهارة وهتقول ليهم إني انتحرت بسببهم. طبعاً مالك هيفرح إني متت، لأنه عايز كده من الأول. ومعاذ كمان. ثانياً، مراد هيلحقها عشان متعملش أي غلط وهي متعصبة، بس إنت هتمسك مراد قبل ما يروح وراها. هتقولوا متخليهاش تخلص عليهم، هيسألك ليه؟ هتقولوا هفهمك بعدين 🤌.

ومراد هيروح يلحق ورد قبل ما تخلص عليهم وهيخدها وتروحوا على البيت ترتاحوا. وإنت هتجيب أي تليفون وتكلمني عليه وتعرفني فين عنوان مالك. وبكده، سيب الباقي عليا. ادم بخوف: ومسك وجهها بيديه الاتنين. خطتك واثق إنها هتنجح، بس أنا خايف عليكي من كل ده يا حور. حور بحب: متقلقش عليا يا حبيبي، أنا قدها وقدود كمان. إنت معايا وجاسيكا ❤️. ادم بقلق: أنا مقلق عليكي من حكاية الجسر دي يا حور.

حور باطمئنان: طول ما عندك إيمان في ربنا، كل شيء هيبقى بخير. ادم: عارف يا حور، بس أنا خايف عليكي. حور: متخافش يا حبيبي، أنا مرتبة أفكاري كويس. حور بتتوسل له: وافق بقى يا آدم. ادم بنفاذ صبر: حاضر يا حور. معاكي رقم جاسيكا؟ حور: آه، حافظاه. ادم: قول لي كده. حور: رقم... ادم: حفظته خلاص. حور: تمام ❤️. باك ✨ حور: وجاءت لحظة الصعبة إني أقع من جسر. فلاش باك ✨

لما وقفت عند الجسر، كنت خايفة بس اتمالكت نفسي ووقعت. وفضلت أعوم لحد ما وصلت عند الشط. قعدت 10 دقائق أرتاح. وفضلت أمشي لحد ما لقيت تاكسي. وغطيت وشي عشان السواق ميعرفنيش. سألني رايحة فين، وقولت له عنوان جاسيكا. وكان مقلق مني، بس أول ما وصلت عند جاسيكا اطمنت. لأن كان خايف أقتله 😂. قولت له استنى وهجيلك. وطلعت بيتها وخبطت على الباب، لاقيتها فتحت. جاسيكا بفرحة: حور! وحضنتها. اشتقت ليكي كثيراً. حور بحب: وأنا أيضاً. استوب ✨

جاسيكا عمرها 25 سنة، بشرتها بيضاء وعيونها خضراء جميلة وشعرها البني الغامق والحرير. ونفس طول حور 165 ❤️✨. حور بخجل: ممكن تدفعي أجرة التاكسي؟ ليس معي نقود. جاسيكا: أجل بالطبع. ودفعت جاسيكا للتاكسي. وطلعت فوق عند حور. هتكلم بالعامية بقى 😂❤️✨. جاسيكا: هدومك مبلولة ليه كده؟ حور: حوار كبير أوي وعايزاكي تساعديني فيه. جاسيكا مسكت إيد حور وقالت ❤️. جاسيكا بأخوة: احكي وأنا معاكي بدون تفكير ❤️. حور بحب: واثقة من ده يا جاسيكا.

حور قصت كل الحكاية عليها. جاسيكا بصدمة: كل ده حصل؟ يا الله! يعني دلوقتي إحنا مستنيين مكالمة من آدم عشان نقدر نعرف بيت مالك صح؟ حور: أيوه، بس مش عارفة اتأخر ليه. جاسيكا: متقلقيش، هيتصل. حور: إن شاء الله. ممكن هدوم غير دي لأنها كلها مياه. جاسيكا: نسيت هدومك مبلولة صحيح 😂. وراحت تجيب ليها لبس. حور كانت مستنية مكالمة آدم بفارغ الصبر. ولسه بتقوم تروح الحمام، بتلاقي فون جاسيكا بيرن. حور بلهفة: آآدم!

وراحت مسكت تليفون بسرعة. ادم: حور، إنتي كويسة؟ حور: طمني، إيه اللي حصل يا آدم؟ ادم بحزن: حور، إحنا رايحين مصر. حور بصدمة: إيه؟ لي؟ ماما سعاد فيها حاجة؟ قول. ادم بحزن: أيوه، حالتها ساءت تاني ولازم نروح لها. أنا بكلمك دلوقتي من تليفون في الشارع. إنتي هتكملي المهمة لوحدك وأنا هكون متابع معاكي كل حاجة. وكمان عنوان مالك عرفته، سجليه عندك بسرعة يلا. حور بسرعة: جابت كشكول وقلم. قول بسرعة العنوان. ادم: العنوان...

حور : سجلت ودلوقتي هلبس وأجهز نفسي . وطمني على ماما وورد يا آدم. آدم : واثق إنك هتنجحي زي كل مرة يا حور ومتأكد من دا، بس خدي حذرك. حور بثقة: إن شاء الله هنجح فيها زي كل مرة، هقفل دلوقتي لأني لازم أجهز وأروح. آدم : سلام ياحبيبتي. وقفلو سوا. جاسيكا : آدم دا اللي كان على التليفون صح؟ حور : أيوه هو، عرفت مكان مالك خلاص وهروحله. جاسيكا : حور متأكدة، انتي عايزة تروحي؟ ليكون عمل لك كمين أو حاجة.

حور : نسيتي إنه دلوقتي من سُبالهم، موت وكمان أنا هروح في سر، بس انتي هتكوني معايا مستنياني من بعيد بالعربية. جاسيكا : مجنونة، وعارفة كلامي، مش هيعمل حاجة معاكي. حور بضحك: هو شغلنا دا ما يجنناش 😂. جاسيكا بضحك: معاكي حق 😂. حور لبست هي وجاسيكا ونزلوا بسرعة واتجهوا على عنوان مالك. حور : بس اقفي هنا يا جاسيكا وأنا هنزل. جاسيكا : حاطة قناع كويس أحسن يقع. حور : أيوه حاطاه كويس. جاسيكا : خلي بالك ارجوكي. حور : إن شاء الله.

حور : ورحت فيلا مالك وفضلت أتسحب براحة من غير ما حد يشوفني وروحت من ناحية جنينة، لاقيت بلكونة فوق وسمعت منها صوت مالك بيتكلم. فضلت أطلع على الأشجار عشان أقدر أسمعه وطلعت براحة وقفت على الشجرة ولاقيت بقى صدمة. كلهم : إيه ده؟ حور : لقيت معاذ إيده كلها دم ولاقيت الممرضة بتغير له على الجرح، شكله كان قاطع شرايين إيده. الممرضة خلصت ومشيت وسمعت بقى كلامهم. مالك بغضب: أنت اتجننت! اللي عملته في نفسك ده عايز تموت نفسك عشانها.

ولقيتهم وقفوا قصاد بعض. وبدأوا يضحكوا جامد. أنا استغربت من ضحكهم العالي ده. لقيت مالك بيتكلم. مالك بضحك: يعني بتقطع شرايين إيدك لاحسن تدخل تاني ورد وتشوفك عشان تحن عليك تاني، عبيط والله. معاذ بضحك: وفي الآخر مشيت مجاتش تاني. معاذ بشر: وأخيرًا حور ماتت وارتحنا منها، دلوقتي ناقص آدم ومراد وورد، لازم نخلص عليهم بأي طريقة. مالك باستغراب: مش ورد برضو اللي كنت محروق قوي عليها؟

معاذ بسخرية: كانت لعبة مني مش أكتر، وأنت فاكر إني هحب ورد؟ أنا عملت خطة الخطف دي عشان أقدر أكوش على فلوسها كلها عشان شركتي قربت تفلس. مالك بسخرية: والله إنك غبي، عايز تلعب على ورد؟ دي تلعب عليك وعلى أهلك كمان. معاذ باستغراب: لازم تحكي لي بقى، تعرفهم إزاي دول. مالك بشر: أنا بكون أخو مروان لو تسمع عنه. معاذ بصدمة: أيوه أعرفه، اللي كان بيحب حور ومات في انفجار المستودع. مالك بغضب: أنا بكون أخو من نفس الأم.

عرفت بحقيقة موته ومن ساعتها وأنا ناوي إني أخلص عليهم، وجات في بالي فكرة إني أخلي حور وآدم يكرهوا بعض عشان أقدر أخلص عليهم بسهولة. مالك بشر: يبقى أنا وضحك بشر. حور بصدمة: وقالت بصوت واطي: آه يا واطي، كنت متأكدة إنه أنت وراء كل دا، وكمان أنت تاني عايز تلعب على أختي. حور بوعيد: ما يكونش اسمي حور، وإلا أخليكم تلفوا حوالين نفسكم في السجن. وسمعتهم قالوا. معاذ: لازم نهرب لأن كده عرفوا مكاننا.

مالك: هنهرب فعلاً، لازم نروح مكان آمن عن هنا. عشان نقدر نخطط للمستقبل. حور بسخرية: مستقبلك القادم السجن، يا روح أمك 😏. وبسرعة نزلت من على شجرة وراحت جري على عربية جاسيكا. جاسيكا : عملتي إيه؟ حور : كلمي بسرعة الشرطة يبعتوا قوة على هنا لأنهم هيهربوا ولازم أقبض عليهم. جاسيكا : هتقبضي عليهم إزاي يا حور، وأنتِ من سُبالهم موتِك؟ حور بذكاء: هخليهم يفكروا إن في شخص مقنع جديد. 😉