رواية صقور الدخلية الفصل التاسع والثلاثون 39 - بقلم الكاتبة المجهولة

مالك بشر: اقوم بس وهنتواجه يا صقور الداخليه انتو واشباح المخابرات الي معاكو دول مش مالك ال يحصل فيه كدة. (هنتسألوا عاش ازاي، فضل يعوم لحد ما وصل للشط وكان معاه تليفون ضد المياه مخبيه في الكوتش وكلم حد من رجولته وعرفوا مكانه وأخذوه على ممر اللي تحت الأرض ده بس) فيلا الشافعي حور بسخرية: وريني هتعمل إيه يا سي معاذ، إنت كمان. خلصنا من مالك طلع لنا معاذ كمان.

ورد باطمئنان: ومسكت إيد حور بحب. هنقبض عليه قريب يا حور وهنرتاح بإذن الله. حور: واثقة من ده يا ورد. نفسي نعيش في سلام بجد. مرام: معقول صقر الداخلية ييأس؟ حور بثقة: عمر حور أشرف تيأس أبدًا. أنا بعشق المغامرة، بحب أعمل حاجات مجنونة، بحب الحياة وبحب شغلي. بس أنا بتكلم عن اللي زي مالك ومعاذ ونارد ومروان. كل ما نخلص من حد فيهم يطلع التاني. حرفيًا بس أنا واثقة من ربنا إننا هنخلص من معاذ قريب أوي.

ريم: هو ده الكلام يا حوري. بصوا بقى بلاها جو الملل ده. تعالوا نلعب شوية قبل ما يحصل أي موضوع تاني ينكد علينا. مراد بتريقة: قولي لنا يا ست حسن. ريم بغيظ: مراد ممكن تسكت إنت بقى عشان أعرف أقول. مراد بصدمة: اسكت إنت يعني إيه اسكت إنت يا بت؟ ريم باستفزار: ماهو قولنا اسكت إنت وخلاص بقى. ورد بضحك: اهدا يا مراد. مراد بغيظ: استنى يا ماما يعني إيه اسكت إنت؟ آدم بضحك: مالكش حل يا مراد، أول مرة تضحكني.

حور بضحك: يلهوي يا آدم اسكت هيمسك فيك دلوقتي. آدم بضحك: ده يموت في المشاكل. جاسر بضحك: شكل ليلة هتحلى، مالكوش حل. مرام: إحنا نيجي هنا كل يوم بقى عشان نشوف مسلسل ده. جاسر بضحك: عندك حق. ريم: بقولك إيه يا مراد، أنا واخدة برشامة صداع فمش ناقصة إننا نناكش بعض دلوقتي. آدم بضحك: ده هو يموت في النكش. مراد: ده أنا اللي هطلع برشام من دماغك دلوقتي. وهجم عليها وفضل يعض فيها من دراعها.

ريم بألم: آآآآآه يا عضاض، والله ما هسكتلك. ومسكت دبوس اللي كان في شنطتها وفضلت تشك فيه. مراد: آآآآآه يا بنت الـ. ومسكها من شعرها وهي كمان مسكته من شعره. حور وورد ومرام وجاسر ميتين من الضحك عليهم. آدم بسخرية: والله لو اللواء جي شافك بالمنظر ده ليرفدك من الداخلية خالص. مراد بغيظ: بقولك إيه يا عم آدم، إنت فكك مني بدل ما أقوم عليك دلوقتي. آدم: سمعني كده تاني قولت إيه. مراد بغرور: اللي سمعته يا جناب المقدم.

آدم بخبث بص لجاسر أن يمسك مراد. جاسر فهم على آدم وبسرعة مسك مراد وكتفه. مراد: سيبني ياض. آدم: قولي بقا كده تقوم على مين. مراد بصوت هادئ: أنا قولت حاجة يا آدم، أنا كنت بهزر معاك بس. ريم قعدت جنب حور وورد ومرام كمان وفضلوا يتفرجوا عليهم وعمالين يضحكوا من تغير نبرة مراد. آدم بغرور: على صوتك ياض، مش سامع. مراد بضيق: ما خلاص ياض، إنت هتعمل عليا إنك الكبير، ده أنا أفرُمك. آدم بخبث: صوتك على أوي، حلو.

مراد بخوف مزيف: أرجوك متكولنيش، الحقوني. البنات كانوا فاصلين ضحك منهم. آدم قرص مراد من بطنه ثم مسك ودانه. مراد بوجع: آسف يا عم، سيبني بقى. آدم: هتضايقني تاني ياض أو ترفع صوتك عليا تاني. مراد بخبث: لأ يا عمو، خلاص. حور بصوت واطي للبنات: مراد مش هيحل الاثنين وربنا. ورد بضحك: ده هيكلهم لما يسبوا. آدم: سيبوه يا جاسر خلاص. جاسر ساب مراد.

مراد بخبث: بقى أنا رائد مراد الشافعي على آخر زمن يحصل فيه كده، ده أنتوا ليلتكم مش هتعديييييي. وقلع الحزام و. آدم بصوت عالي: هروب بسرعة. كلهم قاموا بسرعة ومراد جري وراهم، كلهم جروا على الجنينة برا. حور بضحك: اهدي يا مراد، أنا هجيب لك حقك. مراد: هتجيبي إزاي إن شاء الله. آدم بضحك: أهو كده. وراح موقعُه في البسين. ورد بزعل مزيف: كده يا آدم، حرام هيتبل. مراد فضل تحت الميه مطلعش. ريم: خلاص يا مراد، ما تمثلش بقى اطلع بقى.

وبرضو مفيش رد خالص. ورد بقلق: مراد اطلع بقى، ما تقلقناش عليك. آدم بخوف: أنا هنزل شكله أغمي عليه. آدم نزل البسين هو وجاسر ومسكوه وفجأة. مراد بمرح: عليا الطلاق انتوا اتخضيتوا. ورد وحور وريم ومرام بتنهيدة: الحمد لله. ورد: لما تطلع بس هوريك. آدم: هتشل منك قريب. جاسر بضحك: يعم هدومي اتبلت بسببك. مراد: ليك عندي هدوم تلبسها يا عم، متقلقش. أهم حاجة إني أخدت حقي، نيهااااا. حور بغيظ: غرقوه عشان الخضة اللي خدتها لنا دي.

آدم وجاسر مسكوه وغرقوه بهزار. وطلعوا من البسين. وعدى اليوم بسلام ومرح وريم روحت ومرام وجاسر كمان روحوا. في أوضة آدم وحور حور بفرح: كان يوم جميل أوي بجد، يا ريت لو نتجمع كده كل يوم بجد. آدم بحب: مدام ده هيبسطك ف هخليهم ييجوا كل يوم عشان أشوف الفرحة الحلوة دي في عيونك. حور بحب: إنت فرحتي يا دومي. آدم بمشاكسة: آه قد قتلتيني بهذه النبرة يا فتاة. حور بضحك: يا للهول، لا أعلم أنك تتأثر لهذه الدرجة.

آدم بخبث: أتأثر كثيرًا يا فتاتي العزيزة. حور بكسوف: احم، طيب أنا هنام. آدم بضحك: مفيش نوم، هنسهر لصبح سوا يا بيبي. حور بضحك: مع نفسك بقى. آدم بخبث: تمام أوي، وووو ونسيبهم ونروح لـ المجانين تاني. أوضة مراد وورد مراد بتمتع: يااا، واحد من غير الشغل مرتاح أوي. ورد بضحك: والله عندك حق، راحة كده غير طبيعية. مراد بمشاكسة: ما تيجي هنا واحنا نحبك. ورد بضحك: ده أي أصل ده. مراد: حبيبي إنت وأنا وأمه، أموت لو غيري يمسك.

ورد بضحك: بموت فيك والله. مراد بحب: وشالها ولف بيها. وإنتي ساعدتي كلها يا وردتي ووووو نسيبهم مع بعض. وبكده مر يوم جميل على أبطالنا الحلوين. مرت الأيام، كانوا مبسوطين وفرحانين مع بعض كلهم. بعد مرور شهر مالك وزياد قدروا يوصلوا مصر بسرية تامة ومحدش عارف عنهم حاجة، واتجمعوا عن طريق التليفون وكانوا كل ما يكلموا بعض يرموا الخط ويحطوا واحد جديد عشان ميتقفشوش. عند مالك وزياد كانوا مجتمعين في مستودع كبير في مصر.

زياد: والله ونفدت من الموت بأعجوبة يا مالك، لو حد غيرك كان مات في ساعتها. مالك: أنا يا ابني مفيش حاجة تقدر توقفني، بس قولي إنت اللي غيرت مش كنت تبت ولا إيه دنيا. معاذ بسخرية: أتوب إيه، أنا كنت بسخن بس عشان أعرف أخطط كويس هعمل إيه. مدام إنت كويس إنك عايش هنقدر نخلص عليهم سوا. مالك بشر: قرب أوي اليوم خلاص، كل حاجة جاهزة بإذن الله، العملية هتم بكرة.

معاذ: هيعرفوا إن أنا وراها وممكن أتمسك كده بسهولة، إنت متعرفش حور وورد دول ممكن يقدروا يعملوا إيه. مالك بتفكير: متقلقش، أنا مخطط كل حاجة، روّق إنت بس. معاذ: ماشي، أما نشوف. مالك بشر: قرب موتكم كلكم يا صقور الداخلية، إنتوا وأشباح المخابرات هتموتوا واحد ورا التاني ومش هتعرفوا تلحقوا نفسكم. في فيلا الشافعي في المساء حور وورد وريم ومرام وجاسر وسعاد. كانوا متجمعين سوا. وبيحضروا لحفلة عيد ميلاد آدم ومراد. ادم ٢٩ ومراد ٢٨.

حور وورد كانتا لابستين فستان موف جميل، طويل وبكم، وعاملين شعرهم ضفيرة وحاطين ميكب رقيق، وكانوا زي الأميرات. مرام كانت لابسة فستان زيتي رقيق وضيق بسيط من الخصر وطويل وبكم، وفاردة شعرها وحاطة ميكب خفيف، وكانت قمر. ريم كانت لابسة بلوزة بيضة مشجرة وبنطلون أبيض، وعاملة شعرها كيرلي وحاطة ميكب رقيق، وكانت جميلة. جاسر كان لابس قميص أزرق وبنطلون أبيض، وكان متشيك آخر شياكة.

سعاد لابسة فستان وردي غامق والحجاب نفس لون فستانها، وكانت جميلة. وندخل بقا في التحضيرات. كان المساعدين بيظبطوا الجنينة كويس وبيحطوا زينة وأنوار وحاجات حلوة لعيد الميلاد. حور بتكلم رئيسة المساعدين. حور: جهزتي كل حاجة؟ رئيسة المساعدين: كل حاجة جاهزة يا فندم. حور باطمئنان: كويس أوي، شغلك انتي ومساعدينك عجبني جدا أنا والعيلة، شكلنا كل عيد ميلاد هنخليكم تظبطولنا حفلة عيد الميلاد.

رئيسة المساعدين: ده يسعدني جدا وشرف ليا إني أكون في خدمتكم يا فندم. عن إذنك هروح أشرف على المساعدين. حور بابتسامة: اتفضلي يا حبيبتي. ورد بضحك: مراد هيتجنن، هيموت ويطلع من الأوضة. حور بضحك: قوليله خلاص هانت، حتى آدم مش قادر يستحمل القعدة في الأوضة. ريم بمرح: لو يستنوا بس على رزقهم. حور بنفاذ صبر: هما كده يا ريم، مش بيصبروا أبداً. جاسر بضحك: مراد وآدم عمالين يرنوا عليا كل شوية وأقفل في وشهم.

مرام بمرح: ده أول ما هنفتح لهم الباب هينفجروا في وشنا. كلهم ضحكوا على كلامها. وبعد عدة دقائق كل شيء اكتمل وقفلوا الأنوار. سعاد: يلا يا حور انتي وورد اطلعوا هاتوا آدم ومراد. حور بابتسامة: حاضر يا ماما. وطلعوا حور وورد لفوق عشان يفتحوا الباب لآدم ومراد. آدم كان لابس قميص أحمر وبنطلون أسود وكان وسيم أوي. مراد كان لابس بدلة كاجوال رصاصي وكان وسيم أوي. مراد بتنهيدة: أخيراً عفوتوا عني، بس إيه ده القمر اللي أنا شايفه ده.

ورد بحب: محدش قمر غيرك هنا يا حبيبي. مراد بمرح: جمالك ده هو اللي عفاكي عن اللي كان هيحصل النهاردة بعد ما حبستيني كل ده. ورد بضحك: لو شوفتي بس احنا عملنا إيه، هتعرفي كان لينا حق إننا نحبسوكم انت وآدم. مراد بمرح: ماشي ياستي، اديني مستني اهو. آدم بضيق: كده يا حور، كل ده عشان تفتحوا. وفجأة سكت من جمالها اللي أنا شايفه ده، انتي كل يوم بتزيدي حلاوة عن اللي قبله. حور بحب: وانت كمان يا دومي، طالع وسيم أوي.

آدم بحب: لا أنا كده عفوت عنك بعد الكلام اللي طالع منك زي العسل ده. حور بحب: يلا ننزل بقا عشان كلهم مستنينك انت ومراد. آدم: يلا يا حوري. ونزلو الأربعة سوا وطلعوا برا الجنينة. وفجأة حور وورد سابوا مراد وآدم ووقفوا بعيد عنهم، وبعد دقيقة. الأنوار كلها اتفتحت والكل قال بصوت: Happy birthday Adam and Murad. آدم ومراد اتفاجئوا من المنظر الرائع، جنينة كان شكلها حلو أوي وكلهم واقفين بيعيدوا عليهم.

سعاد بحب: كل سنة وانتوا طيبين يا ولادي. آدم ومراد بحب: وانتي طيبة يا أمي. وباسو إيديها ورأسها. سعاد بحب: دي هديتكم يا ولادي. وكانت بروزين واحد لمراد وواحد لآدم، وكانت صورتها معاهم هما الاتنين. آدم ومراد: تسلم إيدك يا أمي، تعبتي نفسك. سعاد: ولا تعب ولا حاجة، انتوا كل حياتي. آدم ومراد: حضنوها بحب.

جاسر ومرام بحب: كل سنة وانتوا طيبين يا أبطال. اتفضلوا دي هدية مننا ليكم. كانت كتابين عن علم النفس والرياضة. آدم بيحب يقرأ عن علم النفس ومراد عن الرياضة. آدم ومراد بفرح: وانتوا طيبين، تعبتوا نفسكم والله، شكراً ليكم. جاسر: ولا تعب ولا حاجة، انتوا أخواتنا. آدم ومراد بابتسامة: صح يا جاسر. ريم بحب: كل سنة وانتوا طيبين يا أخواتي. ودي هدية مني ليكم. كانت برفان لكل واحد فيهم المفضل.

آدم: شكراً يا ريم، عرفتي برفاني المفضل إزاي. مراد: صحيح، وأنا كمان. ريم بمرح: من الأميرتين الحلوين اللي هناك دول. كلهم وسعوا لحور وورد. كانوا ماسكين، كل واحدة فيهم ماسكة كتاب كبير وكان متزين بشكل جميل. آدم ومراد ابتسموا ليهم بحب. حور بحب: كل سنة وانت طيب يا حبيب عمري، دي هديتك اسمها كتاب عمرنا. ده أنا مجمعة فيه كل أحلامنا وصورنا وكل حاجة حصلتلنا حلوة وذكرياتنا. آدم بحب: أجمل هدية شوفتها في حياتي لأنها منك يا حبيبتي.

حور ابتسمت بحب ليه. ورد بحب: كل سنة وانت طيب يا أغلى ناس على قلبي. دي هديتي ليك كتاب اسمه وردة المراد. في كل حاجة لينا سوا، صممتو بنفسي عشان كل ما تحصل حاجة حلوة لينا سوا نكتبها سوا في الكتاب ده. مراد بحب: باس إيديها. أجمل من رأت عيني اليوم يا روحي. بحبك. ورد ابتسمت بحب. حور بحب: مراد كل سنة وانت طيب يا أحسن أخ في الدنيا. دي ساعة ومن جواها صورتنا سوا أنا وانت، يارب تعجبك.

مراد بحنان: أكيد هتعجبني، لأنها من أختي حبيبتي يا حور. ورد بحب: آدم أخويا الكبير اللي بحبه، كل سنة وانت طيب. دي ساعة برضو عليها صورتنا سوا. آدم بحب: وانتي طيبة يا حبيبة أخوكي، جميلة لأنها منك. ورد ابتسمت. ريم بمرح: بس مش غريبة يا آدم إن مراد كمان لازق فيك يوم عيد ميلادك كمان؟ آدم بضحك: والله يا ريم مش عارف، حتى يوم عيد ميلادي برضو معايا في نفس الشهر. مراد بخبث: شكلك عايزة عركة صح ولا إيه.

ريم بضحك: والله عايزة، بس مش هينفع، لأن النهاردة أنا متشيكة ومش عايزة أي حاجة تبوظ شكلي. مراد بخبث: وماله، عيوني. كلهم ضحكوا بصوت واطي لأنه نبرة صوته تدل على الشر. مراد جاب مياه ملونة من على ترابيزة. مراد بمرح: ريم بصي كده. ريم: إيه. ومسكها من قفاها بهزار، وكلهم فضلوا يضحكوا. مراد بشر: هتدايقيني تاني يابت ولا أدلق العصير على هدومك.

ريم بتكبر: هفضل أدايقك برضه لو عملت إيه. وبسرعة رمت الكوباية من إيده وراحت وراه آدم تتحامي فيه. آدم بضحك: خلاص يا مراد، هي في حمايتي، متقربش منها بقا. مراد بسخرية: وانت مين انت ياض عشان تتحامي فيك. مرام وجاسر: يو بقا، إحنا مش هنحوش؟ بعد ٥ دقائق. كلهم ماسكين في بعض بهزار وفضلوا يضربوا بعض بمرح، وسعاد كانت واقفة من بعيد وفرحانة بيهم. وعدى اليوم بسلام. وكلهم روحوا. ف أوضة آدم وحور.

آدم بحب: عايز أشكرك على اليوم الجميل ده يا حور، بشكر ربنا إنك في حياتي. حور بحب: وأنا بشكر ربنا إنك جوزي وحبيبي وكل سعادتي. آدم بحب: باسها من راسها وقعدوا على سرير، فضلو يتفرجوا على الكتاب لحد ما ناموا. ف أوضة مراد وورد. مراد بفرح: أسعد يوم ده ولا إيه؟ بجد فرحتيني أوي يا ورد، مش عارف أحبك إيه أكتر من كده. ورد بسعادة: أعيش وأفرحك كمان وكمان يا حبيبي. مراد بحب: بحبك يا وردتي. ورد: وأنا كمان يا مرادي.

وقعدوا يتفرجوا سوا على فيلم لحد ما ناموا. عند مالك. مالك بغضب مكتوم: هانت يا حور انتي واختك، كلها يومين بس وهنفذ اللي أنا عايزه. وفضل يفكر بشر. عند معاذ. زياد ماسك صورة ورد بجنون. معاذ بكره: هقتلك يا ورد وهخلي مراد يعيش طول العمر بالحسرة على فراقك، مدام مش هتكوني ليا مش هتكوني لغيري أبداً. وفضل قاعد باصص لصورتها كتير. ف فيلا الشافعي ساعة ٣ الفجر. بيرن تليفون حور. حور بنوم سمعت التليفون. حور بنوم: الو.

اللواء شريف: حور معلش يا بنتي صحيتك من نوم بس عايزك في موضوع مهم، انتي واختك حاولي تصحيها واتصلي عليا تاني. حور باعتدال: حاضر يا بابا، بس في حاجة لقدر الله. اللواء شريف: لا متقلقيش يا حبيبتي، صحي بس اختك وكلميني. حور: حاضر يا بابا. وقفلوا معاه واتصلت على ورد إنها تطلع ليها برا الأوضة. وطلعوا برا الأوضة. ورد بنوم: إيه يا حور، فيه حاجة؟ بابا عايزنا في إيه؟ حور بتفكير: أكيد في حاجة. ورد: طيب اتصلي بيه. حور: حاضر.

واتصلت بيه حور وشغلت معلي صوت. اللواء شريف: بصو يابنات، جالي دلوقتي أخبار مهمة من المديرية بأن هيحصل ضحايا كتير في دار الأيتام اللي كنتوا فيه، فيه عصابة محاوطة المكان وهينفذوا الخطة الصبح، لازم من بكرة الصبح تبقوا جاهزين عشان تبدأوا تخلصوا على الموضوع ده بنفسكم. اللواء شريف بفخر: على خير الله إن شاء الله يا صقور الداخلية. وقفل معاهم. حور بتفكير: بس إشمعنى الدار الأيتام ده بالذات.

ورد بذكاء: أكيد معاذ ورا كل ده، بس خلاص شكل نهايته قربت. حور بحب: أيدينا في إيد. ورد بحب: ومش هنسيب بعض أبداً. حور بحب: وهننتصر على كل عدو. ورد بحب: طول ما صقور الداخلية عايشين. حور بثقة: هو ده الكلام. حور وورد بثقة وقوة: صقور الداخلية راجعين للشقاوه من تاني.