رواية صقر الصعيد الفصل السابع 7 - بقلم نجلاء عبد الظاهر

قاعدين كلهم على السفرة ما عدا ملك. كريمة: هنية يا هنية. هنية: أيوه يا ست كريمة. كريمة بخبث: اطلعي نادي ملك تيجي تفطر معانا. فارس بغضب: وأنتي مالك، أنتي متدخليش في اللي مالكيش فيه. كريمة بضيق: وه عاد ده جزائي إني عملالها واحدة من الهنية مش خدامة زي الأول ولا أنت. فارس بغضب: اخرسي عاد وكلمة تاني مش عارف هعمل فيكي إيه عاد. هواري: بس اكتموا كلكم، كل يوم كده مفيش وكله ناكلها غير لما نلحم في بعض. فارس قام وطلع من البيت.

هنية: افتحي يا ست ملك. ملك: تعالي يا هنية وبلاش ست ملك دي أنا بعتبرك زي أمي. هنية: وأنا والله يا بتي بس خايفة أقول ملك كده فارس بيه يمشيني. ملك: يمشيكي فين بس ده كلهم بيحبوكي. هنية: امسكي طيب جبتلك قرص فطير تاكلي صوابعك وراه. ملك بضحك: هدوق وشوف. هنية: أنا هنزل أشوف اللي ورايا. ملك: هو فارس فين؟ كريمة من وراها: خد العربية ومشي معرفش راح فين. ملك: أنتي تعالي. كريمة بدموع: متزعليش مني على اللي عملته معاكي حقك عليا أنا.

ملك: خلاص محصلش حاجة بس أنتي عملتي ليه كده. كريمة: خلاص عادي متزعليش هاتي حضن. هواري بحزن: قومي عاد يا ست النسوان إيه اللي عمل فيكي أكده بس أنتي كنتي زينة الحريم. نادية دخلت. نادية بارتباك: معلش يا خوي مكنتش أقصد أدخل كده على طول بس أنا جيبالها الوكل ووكلها بإيدي عقبال ما تقوم بالسلامة وتوكل نفسها. هواري: طب أسيبكم أنا. نادية بشماتة: خدي اطفحي مطرح ما يسري يهري. كل ده سمعته فهيمة بس مقدرتش تتكلم وبتبكي بس.

نادية بغيظ: متبصليش كده بدل تفيقعي عينيكي. كريمة: اتكلمنا كتير تعالي ننزل تحت. ملك بخوف: لا مقدرش. كريمة: ليه متقدريش بس. ملك: فارس هيزعلي. كريمة: لا متحافيش مش هيعملك حاجة هقولها أنا اللي قولتلها. ملك: تعالي. علي: أبوي إني رايح الغيط. هواري: خد أخوك معاك. علي: ما فارس طلع قدامنا. هواري: لا هاشم اطلع نادمة وخده معاك. طلع علي ونادم وخدوه معاه.