رواية صقر الصعيد الفصل الثالث 3 - بقلم نجلاء عبد الظاهر

ملك طلعت جري على فوق. فارس بضيق قام. أنا مش طايق. بعد وقت عند كريمه وناديه. كريمه بلهفة: ـ اما اما اهو فارس جاي بالعربية. ناديه: ـ اجري اطلعي بسرعة عندها (ملك) واعملي زي ما قولتلك. كريمه: ـ طب ولو مصدقنيش ولو مطلعش على فوج علطول هعمل إيه أنا عادي. ناديه: ـ غوري يفقريه بأمك زي أبوك ي روحي بسرعة يلا. طلعت كريمه عند ملك ودخلت من غير ما تخبط. ملك قامت بسرعة وقفت قدامها. كريمه بغيظ:

ـ عامله نفسك محترمة وأنتي عامله زي القطط بسبع ترواح وعاملة نفسك شريفة ولابسة نقاب. ملك بتبكي: ـ عايزة إيه. كريمه بغضب: ـ واحدة غيرك المفروض تموت نفسها على اللي عملتيه. ناديه بدموع مصطنعة: ـ الحق يا فارس ملك عامله تضرب كريمه وأنا مقدرتش أحوشها وخربشتها في وشها. فارس أول ما سمع كده طلع جري فوق، وكانت كريمه بتضرب نفسها قلام على وشها وبتخربش نفسها، وملك واقفة مش فاهمة حاجة. كريمه ببكاء مصطنع لما حست فارس واقف:

ـ كملي اضربيني تاني زي ما ضربتيني وسمعتيني كلام زي السم وعورتي وشي وبتعايريني. ناديه بدموع زي التماسيح: ـ وعماله تسمعها كلام زي السم وتقولها أنتي معنسة ومحدش هيبص في وشك، وتقولها البت لولد عمها وأنتي محدش بص في وشك منهم واحد أنا عجبتني والتاني صقر اتجوزني وأشرف بيحب أختك أنتي محدش بيحبك. فارس بغضب: ـ أنتي عملتي كده. ملك ببكاء بتهز راسها ب لا. فارس بزعيق: ـ بقولك أنطقي. ملك ببكاء:

ـ والله ما قولتلها حاجة هي اللي عملت في نفسها كده والله. كريمه ببكاء: ـ أنا ليه اتجنيت و عامله تقولي إنها أحلى مني. ناديه بدموع: ـ يعني أنا وبنتي هنتبع ليه عليكي. فارس بغضب بص لكريمه اللي وشها باين عليه آثار الضرب ومتخربش: ـ زي ما ضربتك تضربيها. ومرة واحدة شد النقاب من على ملك اللي بتبكي، لقى وشها من كتر العياط شبه الطماطم وعينيها. فارس بضيق: ـ يلا اضربيها.

كريمه اللي متغاظة من ملك، لسه هتضربها راحت أمها غمزتلها ب لا. كريمه ببكاء: ـ لا يا ولد عمي المسامح كريم مهما كان، ملك متربية معانا أهليني ومرت ولد عمي. ملك ببكاء وصوت شهقاتها عالي وكلامها متقطع: ـ بس أنا معملتلهاش حاجة والله معملتلها. وقعدت على الأرض بتعب. فارس مسكها من دراعها وشد نزلها في أوضتها الضلمة. هواري بغضب: ـ سيب يدها عملتلك إيه هي. فارس: ـ أبويا دي مرتي ومحدش له دعوة بينا. فارس شدها ودخلها جوا.

ـ هتفضلي قاعدة هنا لحد الليل. وقفل عليها. ملك ببكاء: ـ والله ما ضربتها والله.