رواية صقر الصعيد الفصل الثاني عشر 12 - بقلم نجلاء عبد الظاهر

في الصباح. فارس: صباح الخير يا بوي وباس على إيده. هواري: صباح الخير تعالى اقعد أفطر. فارس: لأه مش هقدر ورايا مشوار مهم. هواري: مشوار إيه ده اللي في الصبح بدري ده. فارس: مشوار يخص الأرض أنا همشي. مشي فارس وهو راكب العربية كان هيخبط واحدة ست. فارس بضحك: مفاجأة مش كده. الدكتورة بارتباك: أنت خير؟ فارس: هييجي منين الخير طالما فيه زيك في الدنيا دي تعالى اركبي معايا من سكة. الدكتورة: أبعد عني. ولسه هتمشي. فارس بغضب:

لو اتحركتي خطوة رجليكي هتتكسر. بالفعل ركبت معاه الدكتورة وخدها على مكان بعيد. فارس بغضب: مين قلك تعملي كده؟ الدكتورة بخوف: قلي إيه بس أنت بتتكلم عن إيه؟ فارس بغضب: هاتي تليفونك. الدكتورة أدتهوله. وفتحه وكان أول رقم مسجل عندها باسم كريمه. فارس بغضب: ده رقم كريمه هنا إيه اللي جابه؟ رن عليها. كريمه بغضب وصوت واطي: عايزة إيه يا مخبولة أنتِ مش خدتيني الفلوس؟ فارس قفل في وشها. ومسك الدكتورة بغضب: اسمك إيه أنطقي؟ سنية:

اسمي سنية. فارس بغضب: وأنتِ تعرفيها منين؟ سنية بدموع: أبوس يدك ارحمني وهقول كل حاجة. فارس بغضب: أنتوا لسه شوفتوا حاجة. سنية بدموع: أني مش دكتورة بس أعرفها واتفقت معاي أمثل أني دكتورة واقول إن ملك حامل وهي مش حامل وكمان كريمه كانت بتديها برشام عشان يخليها تتخن وتشكو فيها. فارس بغضب: يبت الكلب كملي وبعدين. سنية: هي قالتلي اقوبل إنها حامل وعطتني عشر آلاف جنيه. فارس بغضب: أنا هربيكي وأخدها على المخزن ومشي. فارس بزعيق:

هنية يا هنية. هنية: إيوه يا فارس بيه. فارس: تعالي اطلعي معايا. فتح فارس باب أوضته ودخل. وكانت ملك لسه نايمة. فارس: ملك ملك قومي. ملك بنوم: في إيه والساعة كام؟ فارس بحنية ملس على شعرها: الساعة عشرة. ملك: مصحتنيش ليه من بدري؟ فارس: سبتك عشان تعبانة. فارس: ادخلي الحمام وخدي إستدلك وتعالي. ملك بعدم فهم: في إيه مش فاهمة حاجة. فارس: روحي بس. دخلت ملك الحمام. فارس: تعالي يا هنية واقفليلي الباب وراكي. دخلت هنية. فارس:

اقعدي واحكيلي كل حاجة. هنية بخوف: يا فارس يا ولدي كل اللي أعرفه قولتهولك. فارس: عايز أسمعه تاني احكي. هنية بخوف: أنا كنت بسمع كريمه والست نادية إنهم بيكرهوا ملك وعايزينك تطلقها وتتجوز كريمه وكمان... فارس: سكتي ليه كملي. هنية بدموع: لو عرفوا هيموتوني. ملك بخطوة من وراها: مين دول اللي هيموتوكي؟ فارس: تعالي يا ملك اقعدي جنبي. فارس: محدش يقدر يمس شعرة منك أنتِ في حمايتي اتكلمي. هنية:

هاشم بيه ملمسنيش ملك وكل ده من تخطيط كريمه هاشم بيه رجع من بره وكان سكران وملك كانت شاربة شاي قبلها هي وكريمه وكان فيه منوم حطاه كريمه وأنا شفتها بس مقدرتش أتكلم وبعدين هو دخل المطبخ والباقي أنت شوفته لما طلعت بس مكنش الحقيقة. ملك بدموع: يعني إيه؟ هنية: أنتِ نمتِ من المنوم وهاشم بيه كده برضو وبعد كده دخلت كريمه ونادية وقلعوكم الهدوم وكبو علي السرير دم بس من فرخة وأنا كنت شايفة بس مقدرتش أتكلم. فارس بغضب:

طب وأنتِ مقولتيش ليه؟ هنية ببكاء: كنت خايفة منهم سامحيني يا بتي. ملك بدموع: يعني هو ملمسنيش صح؟ فارس رد عليها: هو ملمسنيش صح وكل ده كدب. فارس بفرح من جواه: قرب منها وقال ملمسنكيش هكون أنا أول واحد يلمسك. ملك بهمس: ده بعينك. فارس: هنشوفي. فارس: هنية انزلي واتعاملي عادي تحت فاهمة؟ هنية: فاهمة. ملك: هتعمل إيه؟ فارس: هتعرفي النهاردة. ملك بتفكير: أنت كده خلصت جميلك معايا. فارس: يعني إيه؟ ملك بابتسامة:

يعني لو عايز تطلقني أنا موافقة. فارس بغضب: إيه اللي بتقوله ده؟ ملك: بقول اللي سمعته أنت مغصوب عليا. فارس بحدة: كلامك مش هيتكرر تاني لو اتكرر هعمل معاكي تصرف مش كويس. ملك بدموع: إيه هتضربني تاني صح؟ فارس بحنية: اهدي وبعدين مستحيل والله ما همد إيدي عليكي تاني وبعدين أنا مش مغصوب أنا محدش يقدر يغصبني على حاجة.