رواية سلبت روحي الفصل الخامس عشر 15 - بقلم رنا احمد

في فيلا ادم. كانوا يقفون وهم ينظرون إلى ذلك المعلق وهو يصرخ بفزع شديد. مراد بصراخ وغيظ: فيه إيه بس يا آدم بيه؟ أنا مش فاهم حاجة خالص. آدم بغيظ شديد: أنت لسه شفت حاجة؟ ده أنا هولع فيك بجاز وسخ على عملتك السودة دي. شاهي باستغراب: مراد، أنت بتعمل إيه هنا؟ فيه إيه؟ آدم متعلق كده ليه؟ تاج باستغراب شديد: فيه إيه يا آدم؟ إيه اللي أنت عامله ده؟

آدم بغيظ شديد: أهلاً يا آنسة تاج. ابدأ مفيش حاجة. الدكتور مراد طالب إيدك للجواز، عايز تتجوز مراتي. مراد بفزع سريعا: أقسم بالله ما حصل. سيف باستغراب: أنت بتقول إيه يا آدم؟ آدم بغيظ شديد: ما تتكلم يا أخويا، قول لهم. مراد بلخبطة واستغراب: هو حضرتك آنسة تاج؟ آدم بحدة وجنون: تاني؟ هيقولي آنسة؟ جرا إيه ياala؟ هو أنا مش مالي عينك ولا إيه؟ سيف بجدية: أهدى بس يا آدم، لما نفهم.

مراد باستغراب: واضح أنه حصل لخبطة. كان فيه واحدة أنا شفتها هنا يوم ما جينا نطلب إيد آنسة شاهي. تاج بجدية: اليوم ده مكانش فيه غير أختي حور. أمَّال حضرتك جبت اسم تاج ده منين؟ مراد بجدية: لما سمعت سيف وهو بيقول إن الآنسة شاهي هتنزل مع تاج هانم، ومشفتش غير هي اليوم ده، فتخيلت إن هي اسمها تاج. أنا آسف يا آدم باشا. في مكتب آدم. مراد بجدية: أنا بعتذر مرة تانية يا آدم باشا.

آدم بإحراج: أنا اللي آسف بجد على اللي حصل، بس حط نفسك مكاني. أنا اتجننت، دي مراتي. بس على العموم، حور تعتبر أختي برضه. بس طبعاً ربنا يخلي عم حسن والدها. نقدر تروح تطلبها منه يا دكتور، وربنا يسعدكم يا رب. مراد بابتسامة: شكراً يا آدم باشا. وأنا بعتذر مرة تانية. على العموم، أنا خلاص خدت العنوان، وباذن الله هاخد هيثم ونطلبها من والدها. عن إذنكم.

سيف بشرود: آه يا حور، دمرتي حياتك وقضيتي عليها. طبعاً مستحيل هيثم هيقبل إن أخوه يتجوز واحدة كانت ممسوكة في قضية آداب. ليسير سيف مع مراد إلى الخارج، لتقترب تاج من آدم بابتسامة رقيقة. تاج: إيه ده؟ مكنتش أعرف إنك بتغير عليا أوي كده. آدم وهو يقبل يدها بعشق: ده أنا كنت هقتله لما جاب بس اسمك على لسانه. أنتِ ملكي أنا، أنا وبس. بعشقك يا تاج. تاج بابتسامة عاشقة: وأنا بعشقك يا حبيبي. في فيلا ياسمين.

كانت تجلس وعلى وجهها غضب وغيظ وتوعد. ليتحدث فتحي بخوف: آدم العمري يعني لو حاجة اتعرفت، أنا هروح ورا الشمس. ياسمين بغضب جحيمي: جرا إيه ياala؟ من امتى بتخاف؟ وأنا في ضهرك. اسمع يالا، الموضوع ده قصاده حياتك. لو منفذتوش، أنا اللي هخلص عليك. وبعدين دول نص مليون جنيه بحالهم، إيه ميجمدوش قلبك؟ فتحي بطمع وجشع: طبعاً يجمودا يا ست الكل، بس قوليلي إيه المطلوب بالظبط؟ فيديو ولا قضية ولا إيه؟

ياسمين بغضب جحيمي وجنون: لا ده ولا ده. اللي يخون ياسمين الشماع، مصيره لازم يكون الموت. أنا عايزة رقبة آدم العمري، عايزة أحرق قلب ست الحسن. آدم لو مكنش ليا، مش هيكون لغيري. فتحي بجدية: علم واستفذ يا ست الهانم، بس الموضوع ده محتاج تخطيط. مش عاوز فيه استعجال. ياسمين بحدة: خد وقتك، بس في أقرب فرصة. مش هسيبهم عايشين في السعادة دي كتير، فاهم؟ فتحي بنظرة خبيثة: اطمني يا هانم، أقرب عليه. الفاتحة من دلوقتي.

في منزل صبري والد وعد. كانوا يجلسون جميعاً بابتسامة هادئة. عارف بابتسامة: طبعاً يشرفني يا صبري إني أطلب إيدك بنتك وعد لسيف ابني. صبري بفرحة عارمة: ده الشرف ليا أنا يا عارف بيه. أنا ميهمنيش أي حاجة من الدنيا غير سعادة بنتي. دي الحاجة الوحيدة اللي طلعت بيها من الدنيا، وأنا متأكد إن سيف هيحافظ عليها. سيف بابتسامة عاشقة: دي في عنيا يا عمي صبري. كان يجلس آدم، لتقع عيناه على تلك التي تبتسم بشرود. ليقبل يدها بعشق وأسف.

آدم: أنا آسف. تاج بابتسامة: على إيه يا حبيبي؟ آدم بندم وأسف: على إني مخلتكيش تعيشي للحظة دي وأنا بطلب إيدك بكل حب، وتبقي فخورة بيا كده زي وعد ما وعدت فخورة بسيف إنه نفذ وعده ليها. آسف يا تاج، آسف يا حبيبتي. تاج بابتسامة عاشقة: حبيبي، أنت عوضتني عن أي لحظة حزن عيشتها في حياتي. أنت روحي، أنت الراجل اللي أنا عيشت طول عمري بتمناه. بحبك يا آدم، بحبك. آدم وهو يقبل يدها بعشق: وأنا بعشقك يا روحي.

وبالفعل تم الاتفاق على الفرح آخر الأسبوع مع تاج وآدم، وهيثم وشاهي. في شقة هيثم. كان يجلس وهو يستمع لحديث مراد بصدمة، بعدما تأكدت أن الفتاة تكون حور. هيثم: أنت باين عليك اتجننت. أنت من دون البنات كلها ملقتش غير البنت دي؟ مراد باستغراب: ومالها البنت دي؟ وأنت تعرفها منين؟ هيثم بحدة وغيظ: أعرفها وخلاص. مش لازم تفاصيل. اسمع، إلا البت دي لو آخر واحدة في الدنيا، مستحيل أجوزهالك. أنت فاهم ولا لأ؟

مراد بحدة: لا مش فاهم. يا خضرة الظابط، وأنت مش وصي عليا. أنا هروح أتقدم لحور. عندك حق، عرفها. أقولها مش عندك، يبقى تسكت. لأن البنت دي بجد خطفت قلبي من أول لحظة ومش هسيبها. ومش عايزك تيجي معايا يا هيثم. هيثم بحدة وهمس: ماشي يا ست حور، لو وافقتي هتبقي فتحتي على نفسك أبواب جهنم. في أحد محلات الذهب الكبرى. كانوا يقفون آدم وتاج وسيف ووعد وهيثم وشاهي. آدم بابتسامة ساحرة: إيه رأيك في دي يا روحي؟ تحفة مش كده؟

تاج بقناعة وبساطة: بس ده غالي أوي يا آدم. لا، مش هاخده. آدم وهو يقبل رأسها بحنان: يا روح قلبي، أنتِ طيبة وبسيطة أوي. ده مش غالي أوي ولا حاجة. وبعدين مفيش حاجة تغلى عليكي يا ملكة قلب آدم العمري. تاج بابتسامة ساحرة: ربنا يخليك ليا يا حبيبي. سيف بنظرة خبيثة: يا بختك يا آدم بتبوس براحتك. عقبالي يا رب. وعد بخجل شديد: سيف، إيه اللي بتقوله ده؟ عيب كده. سيف بضحك: ههههه، يلهوي على اللي بيتكسف. يا ناس، بموت فيكي يا وعد.

وعد بابتسامة جميلة: وأنا بعشقك يا حبيبي. شاهي بابتسامة: إيه رأيك يا هيثم؟ هيثم بابتسامة باهتة: حلوين أوي يا حبيبتي. شاهي بابتسامة: شغلك موضوع مراد وحور، مش كده؟ هيثم بتنهيدة عالية: مش عارف ليه الدنيا حطاني في الاختبار الصعب ده. مراد أخويا، مش كده؟ مش عارف إيه اللي حصله لما شاف حور. مش عارف أعمل إيه. مش عايز أكسر قلب أخويا ولا أفضحها. شاهي بابتسامة: مش يمكن تابت لربنا يا هيثم؟

وربنا بيديها فرصة تانية مع مراد. سيب الظروف تمشي زي ما ربنا كاتبها. مش يمكن هي بنفسها اللي تحكيله وهو يسامحها؟ محدش عارف إيه اللي جاي. أهم حاجة كل حاجة نسيبها على الله. هيثم بتنهيدة عالية: ونعم بالله. في شقة حسن. كان يجلس حسن مع مراد. حسن بابتسامة: نورتنا يا دكتور مراد. مراد بابتسامة: ده نورك يا أستاذ حسن. بصراحة كده، أنا جاي من الباب أطلب إيد حور بنتك.

حسن بابتسامة: ده شرف لينا يا دكتور. تعالي يا حور، حطي العصير هنا. كان ينظر إليها بشرود واعجاب. نعم، فهي تلك الحورية التي سرقت قلبه لثواني فقط واستحوذت عليه. حسن بابتسامة: أنا شوية وراجع. عن إذنكم. مراد بابتسامة: منورة الدنيا كلها على فكرة. حور بابتسامة: شكراً جداً لحضرتك. مراد بابتسامة: يا خراااابي على الصوت الرقيق ده. بقولك إيه، إحنا كل واحد فينا يعرف التاني بيه.

وبالفعل قد بدأوا في الحديث معاً والضحك، وكلا منهما يشعر بشيء تجاه الآخر. في فيلا آدم. ليلاً. في تلك الليلة الساحرة. كانوا يقفون العرائس كملكات متوجة. ليأخذ كل منهما عروسه ويرقصون في أحضان بعضهم البعض بسعادة لا تقدر بثمن. تاج وهي ترقص في أحضان آدم بعشق وسعادة: قلبي هيقف من الفرحة. مش قادرة أصدق إنها بتاعتي لوحدي. آدم وهو يقبل يدها بعشق: ده لسه المكافأة جاية.

لتنظر تاج أعلى لتبتسم بسعادة من كل البالونات التي تحمل اسمها، والأخرى التي تحمل في كلماتها عشقاً وحباً لا يوصف. لتحتضنه بعشق وسعادة: بعشقك يا آدم، بعشقك.