رواية سلبت روحي الفصل السادس عشر 16 - بقلم رنا احمد

في فيلا آدم. في تلك الليلة الساحرة. كانت تقف تاج بسعادة لا توصف وهي ترى تلك الهدايا المعلقة بالورود والزهور واسمها يعلو عليها بكلمات عشق وغرام واعتراف آدم بعشقه لها. تاج بابتسامة ساحرة: بحبك يا آدم، بحبك، كل ده علشاني أنا. آدم وهو يقبل يدها بعشق: وأكتر كمان، أنتِ روحي وملكة قلب آدم العمر كله. تاج وهي تحتضنه بعشق وسعادة: ربنا يخليك ليا يا روح تاج.

هيثم بابتسامة: معقول القمر ده بقا ملكي أنا. بحبك يا شوشو، بحبك من زمان وكنت حاسس إن عمرك مهتكوني لغيري. شاهي بابتسامة وعشق: وأنا كمان يا هيثم بحبك، بحبك من واحنا عيال صغيرين وعمري منسيتك أبداً. بحبك يا هيثم، بحبك أوي. هيثم وهو يحتضنها بعشق: وأنا كمان بعشق يا روح قلبي. وعد بابتسامة ساحرة: مش مصدقة يا سيف، أنا أكيد بحلم. مش مصدقة إننا اتجوزنا.

سيف وهو يقبل يدها بعشق: لا صدقي يا روح قلبي، بقيتي مراتي وروح قلبي. ووعد مني هشيلك في عنيا الاتنين. وعد وهي تحتضنه بعشق: وأنا أوعدك إني هشيلك في عنيا العمر كله يا حبيبي. *** على الجانب الآخر… كانت تجلس حور مع مراد، وكلا منهما يشعر بأنه قد عثر على نصفه الآخر، عثر على الحب الحقيقي. مراد بابتسامة جذابة: عقبال فرحنا يا حبيبتي. حور بابتسامة

وسعادة تشعر بها لأول مرة: يارب يا مراد. أنا خلاص مبقتش قادرة أعيش من غيرك أبداً. أوعدني يا مراد إن مهما حصل مش هتسبني. أنا كنت ضايعة ومصدقت لقيتك. مراد وهو يربت على يدها بحنان: عمري ماسيبك يا حور مهما حصل. هيثم وهو ينظر لها بحدة: ألف مبروك يا مراد. عمي حسن قال إنكم ما شاء الله مرتاحين مع بعض أوي. مراد بابتسامة: خلاص هحصلك قريب يا أخويا. ثواني بس هسلم على ناس صحابي، عن إذنكم. هيثم بحدة: جرا إيه يابت انتي؟

انتي بتتحديني ولا إيه؟ ولا فاكرة إني ممكن أوافق على إنك تتجوزي أخويا وأنا عارف مضياقك كويس. حور بحزن ورجاء: أرجوك يا هيثم بيه. أنا عارفة كويس اللي حضرتك عايز تعمله وعندك حق فيه، بس حضرتك مش عارف كل الحقيقة. وحتى لو غلطت، كل الناس بتغلط. وبستأذن حضرتك إنك تسبني. أنا هقول لمراد وهو يقرر لو سمحت. هيثم بتنهيدة عالية: ماشي. وأنا لو هو عرف ووافق، صدقيني أنا مستحيل أدخل بينكم. سلام.

كان يقف مراد وهو ينظر إليهم باستغراب، ليقسم أنهم الاثنان يخفون شيئاً. *** في جناح تاج وآدم… كان يصعد وهو يحملها بعشق، وهو يقبل رأسها بحنان وعشق. آدم: ألف مبروك يا روحي يا أجمل عروسة في الدنيا. تاج بابتسامة: الله يبارك فيك يا حبيبي ويخليك ليا. آدم بخبث وغمزة: إيه النظام. تاج بابتسامة عاشقة: هخليك تقضي ليلة تحلم بيها يا أجمل راجل في الدنيا. بعد فترة…

كانت تقف تاج وهي في قمة أنوثتها وجمالها. كان ينظر إليها آدم بابتسامة ساحرة ليقترب وهو يقبلها بعشق. آدم: معقول القمر ده ملكي أنا. تاج بابتسامة وهمس: القمر ده بيتنفسك. القلب ده أنت اللي علمته يعيش. يا آدم بعشقك يا آدم بعشقك. ليحملها آدم بعشق ليغرقون سويا في بحور عشق انتظروها كثيرا. *** في جناح وعد وسيف… كان يقف سيف وهو يبتسم ابتسامة ساحرة على تلك الحورية التي تقف بخجل. سيف بابتسامة: ما شاء الله، إيه الجمال ده. وعد

وهي تختبئ في حضنه بسعادة: سيف خليني في حضنك كده، مش عايزة أخرج من حضنك أبداً. سيف وهو يحملها بخبث: عينيا، أوعدك إنك مش هتخرجي من حضني أبداً. *** في جناح هيثم وشاهي… كان يقف هيثم بغيظ شديد لتلك الجالسة في الحمام. هيثم بغيظ: جرا إيه يا شاهي يا حبيبتي، انتي هتنامي جوه ولا إيه. شاهي بابتسامة خجولة: إيه يا حبيبي مالك. هيثم بغمزة وخبث: مالي إيه ياشيخة، حرام عليكي تقلانه عليا ليه، عايز أدوق العسل ده.

شاهي بخجل شديد: فين العسل ده. هيثم وهو يقبلها بعشق: هو فيه أحلى من العسل ده، تعالي أحكيلك حدوتة يا عسل انتي. *** على ضفاف النيل… كانت تقف حور بدموع ووجع، وبجانبها مراد بقلق. مراد: مالك يا حور؟ إيه اللي مخبياه عني؟ عامل فيكي كده؟ إيه اللي بينك وبين هيثم. حور بدموع ووجع: هقولك يا مراد، بس لازم تعرف إني والله العظيم بحبك. وتوعدني إنك تفكر قبل أي قرار تاخده، وأي كان أنا هقبله. مراد بحنان: طب وممكن تهدي وتحكي بالراحة؟

أنا سامعك. حور بدموع ووجع: اللي بيني وبين هيثم إنه قبض عليا في قضية آداب. عرفتي ليه هو كان رافض جوازنا؟ عرفتي ليه دايماً كلامنا حاد مع بعض. مراد بصدمة: بتقولي إيه؟ معقول حقيقتك تكون كده.

حور بدموع وألم: أنا كنت ضايعة يا مراد، كان كل همي الفلوس وإني أخرج من الفقر اللي كنت فيه. برغم إن ده مش مبرر، وبابا مكنش حارمني من حاجة بالعكس، بس أنا بقا اللي كنت حقودة ومش راضية. روحت رحلة وهناك اتعرفت على شاب غني، طبعاً مسكت فيه على أمل إنه ده العريس اللي كنت بتمناه. قالي تعالي هنقعد مع جماعة صحابنا وأعرفك عليهم. طبعاً روحت وراه زي الهبلة. حاول يعتدي عليا، صديته معرفش يلمس مني شعرة واحدة. وفي الآخر دخل البوليس علينا وطلعت شقة الدعارة. والظابط ده كان أخوكي هيثم. هي دي الحقيقة. قسماً بالله يا مراد ملمسش مني شعرة واحدة، ومكنتش اعرف إنها شقة مشبوهة، والله مكنت عارفة.

مراد بصدمة وتجاهل: يلا علشان أروحك، يلا. *** في شقة صابر… كان يجلس وهو يفكر بخوف في طلب ياسمين. صابر: وبعدين بقا في الواقعة دي. ربع مليون جنيه مبلغ مش قليل. بس برضه ده آدم العمري، يعني هيبقا سين وجيم. ولو اتمسكت روحت في داهية. وده أنا هقتله قوي، ده تعبان مش سهل. لا أنا لازم ألعبها صح. أنا أروح لآدم العمري وأقوله، وأكيد طبعاً حياته هتساوي عنده أكتر من كده بكتير. وهو اللي هيحميني من شر الحية اللي اسمها ياسمين. ***

في جناح آدم وتاج… كانت تجلس تاج في أحضانه بسعادة وعشق. ليقبلها بابتسامة ساحرة. آدم: مبروك يا مدام آدم العمري. تاج بابتسامة: الله يبارك فيك يا حبيبي. تصدق يا آدم أنا مش مصدقة. إحنا حكايتنا دي ولا في الخيال. آدم بابتسامة عاشقة: الحب والعشق ممكن يعملوا أي حاجة. تاج بابتسامة ساحرة: هو أنا عشقت أي حد. ده آدم العمري اللي كل البنات العالم كانوا هيموتوا عليه.

آدم وهو يقبلها بعشق: بس هو اختارك انتي من دون بنات الدنيا كلها. انتي الجميلة اللي ملكت قلبي. *** في شقة هيثم… كان يسير للخارج لينصدم من غرفة مراد المضيئة في ذلك الوقت المتأخر، ليسير إليه بقلق ليراه يجلس بحزن شديد. هيثم: فيه إيه يا مراد؟ مالك. مراد بحزن شديد: ليه خبّيته عليا حقيقة حور اللي انت عارفها كويس. هيثم بتنهيدة: لأن دي حاجة متخصنيش. مش من حقي إني أكشفها. أنا حاولت أبعدك عنها بس مفيش فايدة. بس انت عرفت منين.

مراد بوجع ومرارة: هي اللي قالتلي بنفسها. هيثم بصدمة: معقول قدرت تعمل كده. مراد بحزن شديد: لأنها بتحبني بجد. هيثم بجدية: وانت شايف إيه دلوقتي. مراد بحزن شديد: للأسف أنا كمان بحبها. وطالما اعترفتلي يبقا جواها أمل إنها تكون بنت كويسة. وبعدين على رأيها كلنا بنغلط، إحنا مش ملائكة.

هيثم بابتسامة: بصراحة، أنا كنت راهن نفسي إنها مستحيل تقولك. بس طالما عملت كده يبقا لازم تاخد فرصة تانية. وطبعاً اللي انت تشوفه يا حبيبي. أتمنالك السعادة يا مراد. ليبتسم مراد بهدوء وكأنه كان يريد سماع ذلك الكلام. *** في شركة آدم… كان يجلس ببروده المعتاد وهو ينظر بتقييم لذلك الشخص. آدم: انت مين وليه مصمم تقابلني. صابر بهمس وخوف: وده كنت هقتله إزاي؟

أنا ده أنا قاعد معاه مرعوب أصلاً. احمم، بقول ل سعادتك أنا جاي في حاجة تخص حياة سعادتك بس ليا الحلاوة الكبيرة. آدم بحدة: جرا إيه يالا؟ انت هتهزر ولا إيه؟ انت مش عارف انت بتكلم مين. صابر بخوف شديد: مقصدتش ياباشا. طبعاً عارف سعادتك مين. أنا جاي بخصوص ياسمين الشماع. الست عايزة تقتلك ياباشا. اتفقت معايا على نص مليون جنيه قصاد إني أخلص على سعادتك.

آدم بحدة وتوعد: آه يابنت الكلب. هي وصلت لكده. ماشي يابنت الشماع. شكلك برضه لسه متعرفيش مين هو آدم العمري. اسمع يالا، أنا هديك مليون جنيه بس تعمل كل اللي هقولك عليه بالحرف الواحد. صابر بفرحة وطمع: أوامرك ياباشا. *** وبالفعل أخذ صابر ذلك التسجيل ليسجل اعترافاً لها بتحريضها على قتل آدم ليتم القبض عليها. واعترفت هي أيضاً على صابر للانتقام منه ليتم القبض عليهم سوياً. لتنجح لعبة آدم الذكية. *** في القسم…

كان يجلس آدم بكل غرور وثقة لتسير ياسمين وهي تنظر إليه بكره. ياسمين: لعبتها صح يا آدم، برافو عليك. آدم بابتسامة خبيثة: طول عمري ذكي، بس انتي دايماً اللي غبية. ومقدرتيش تمن اللعب معايا. يلا سنتين تلاتة تنوريهم في السجن. هههههه. سلام يا سوسو. *** أمام محل الموبيلات التي تعمل به حور. كان يقف مراد بابتسامة لتلك التي تجلس بحزن وشرود. مراد: القمر زعلان ليه كده؟ أنا أقدر برضه.

حور بدموع فرحة لا توصف: مراد، انت بجد واقف قصادي ولا أنا بحلم؟ أكيد بحلم صح. مراد وهو يقبل يدها بعشق: لا يا روحي مبتحلميش. أنا بين إيديكي وخلاص. هفضل معاكي وهنعيش سوا، لأني خلاص مقدرتش أعيش من غيرك. حور بابتسامة وسعادة: بحبك يا مراد، بحبك. مراد بعشق: وأنا بعشقك يا روح مراد. *** في فيلا آدم… كانت تجلس تاج بخوف ودموع ليحتضنها آدم. آدم: خلاص بقا ياروحي، مانا قدامك أهو. مفيش حاجة.

تاج بدموع وصراخ: منها الله المؤذية. كانت عايزة تحرق قلبي عليك. ده كنت موت وراك يا آدم، ده انت روحي. آدم وهو يقبلها بعشق: ده أنا عايز أبوسها. ياسمين إنها خلتني اتأكدت إنك بتموتي فيا. تاج بغيظ شديد: بستها عقربة. وبعدين أنا بعشقك كمان. آدم وهو يقبل يدها بعشق: وأنا بموت فيكي ياروحي. متيجي أحكيلك حدوتة. تاج بضحكة عالية: ههههه، عنيا. أمرك يا ملك. *** في أحد الفنادق الفاخرة…

بعدما أصر آدم على عمل فرح حور ومراد في هذا الفندق الفخم لأنه يعتبر حور زي شاهي، وبعد إصرار وافق مراد. *** في غرفة حور… كانت تقف وهي في غاية الجمال والسحر. عالية بابتسامة: ألف مبروك يا ضنايا. حور بابتسامة وهي تقبل يدها: الله يبارك فيكي يا أمي. تاج وشاهي ووعد بمرح: عاملة إيه ياعروستنا. لتسرع إليهم حور وهي تحتضنهم بسعادة وفرح لوجودهم معاها في تلك الليلة الساحرة. *** في غرفة مراد…

كان يقف مراد وهو يرتدي بدلته الكلاسيكية الفاخرة. هيثم بابتسامة: مبروك يا أخويا. مراد وهو يحتضنه بسعادة: الله يبارك فيك يا حبيبي. سيف بابتسامة ومرح: تعيش وتاخد غيرها يابشمهندس، اتدبست يامعلم. هيثم بمرح: بقوله كده يا سيفو، مش سامع الكلام. مراد بضحك: يستر، ده انتوا غم. آدم بابتسامة ساحرة: بالعكس بقا، العشق ده أجمل حاجة في الدنيا. بيخليك تعيش دنيا تانية، مش دنيا على الأرض أبداً. تبقا طائر في السماء.

سيف بمرح: ههههه، أوعى أوعى. شوفوا مين اللي بيتكلم عن العشق والغرام. آدم باشا العمري، بركاتك يا ست تاج. آدم بغيظ شديد: طب يلا يا أخويا انت وهو، المعازيم وصلوا. مراد بابتسامة: شكراً يا آدم، شكراً على كل حاجة. آدم بابتسامة: العفو ياعريس. ربنا يسعدكم يارب. بس اعملوا حسابكم كلكم آخر الأسبوع هنعمل عمرة نبدأ بيها كلنا من جديد. ***

وبالفعل قد انتهت الليلة على الجميع بسعادة وفرح، وقد ذهبوا جميعهم بالفعل لأداء العمرة ليبدأوا جميعهم بداية جديدة بطاعة الله. *** بعد مرور 20 عاماً… في فيلا آدم… كان يسير بغضب شديد وراء تلك المصيبة التي ابتلى بها في حياته ليكفر عن كل خطايا آدم العمري. كريم بغيظ شديد: جرا إيه يا آدم؟ أنا عملت إيه؟ هو انت كل مرة تحرجني قدام البنات صاحبي. آدم بغيظ شديد: جرا إيه يالا؟

أنا عايز أعرف أنا عملت إيه في حياتي علشان اتبلى بعيل زيك. كريم بغمزة ومرح: عليا الكلام ده يآدم، ده انت كنت مقطع السمكة وديلها. ماضيك كله عندي يا شقيق. بس ي خسارة، وقعت وقعه سودة مع بنت حسن. تاج وهي تدفعه بالشبشب: مالها بنت حسن يابن الجزمة انت. آدم بغضب شديد: اسمع يالا، مش عايز أشوفك ماشي مع بنت، فاهم. ده انت مش عاتق ي أخويا. بنت الخيران وبنت البواب، حتى بنت السباك معتقتهاش. كريم بغيظ: الله، وليه قطع الأرزاق ده؟

هو فيه أحسن من الصنف الطري؟ هو انت علشان اتوكست عايز تقعدني جنبك. آدم بغيظ شديد: فعلاً، أنا معرفتش أربي زي إخواتي. ما شاء الله على ولادهم أدب وأخلاق وقيم. كريم وهو ينظر إليهم بضحك وسخرية: ههههه، طب بص بص على القيم والمبادئ، بص. صقر بغيظ: وأنا ياعمي آدم، أخويا سيف ده خانقني. مفيش لعب كورة، مفيش كمبيوتر، فاكرني عيل صغير. أنا مش طايق أقعد معاهم أصلاً. فين البسبوسة يا طنط حور.

سمر بغيظ شديد: وأنا مراد باشا عايزني أطلع زيه؟ لازم دكتورة. طب انتوا عارفين من زمان إني نفسي أبقى رقاصة. ده أنا هطلع ولا فيفي عبدة. فين ي طنط تاج الهوت شوكليت. كريم وهو يكتم ضحكاته بصعوبة: إيه رأيك في الأخلاق والتربية والقيم؟ علشان تعرف إنك مخلف نبغة. ليسير كريم بمرح. آدم بغيظ وهمس: والله عنده حق. ربنا يعيني أنا وإخواتي. تاج وهي تحتضنه من الخلف بعشق: إيه ياروح قلبي مالك.

آدم بغيظ شديد: أبداً مالي. بدل ما المصيبة واحدة بقوا أربعة. تاج بضحك: ههههه، ربنا يخليهم لينا. والله عيال زي العسل. آدم وهو يحتضنها بعشق: والله انتي اللي زي العسل. بحبك يا تاج. تاج بابتسامة وعشق: وأنا بعشقك ياروح تاج. مش بس خدت روحي وخدت قلبي كمان وسلبت روحي.